Mizo: AIZAWL, DAWRPUI VENG KA LO NI VE HI...

Vawiin,Krismas ni inkhawma Dawrpui biak ina 'Children for Christ' naupang sunday school lamin zaipawl nalh tak, ring tak mai-in, "Khawvel hi zai-in khat se, Lal thar lo piang fakin..." ti-a an han zai rual ṭhup ṭhup chuan ka lung a kuai hle a, ka hnuk a ulh ṭep a ni... Hun kalta te ka ngaihtuah chhuak a, ka thinlungah ka tetlai nun te a rawn khâwk ri chhuak a, ka suangtuahna khawvel chu lunglenna-in a rawn luahkhat a ni...

Kum 2003-a South Indian Championship-a silver medalist ka nih leh 1st Mizoram Kickboxing championship 2003-a Champion of the Champions (open weight) ka lo nih chu Dawrpui YMA in citation nalh tak pe-in min chawimawi a, min tiphur a, ka tuina zawngah min fuihthar nasa hle... tichuan Zoram lamah awm ve hman lo mah ila, kum 2005-a Pathian zara world no.3 (Kickboxing)-a ka nih ṭumin, Sorkar chuan engmah tithei lo tura an insawi hnu-ah, 'veng mite kan awm alawm tiin' Mizorama inhmuahna ropui berte zing ami ni turin Iran aṭanga ka haw chu Lengpui airport aṭangin motor 60 chuangin min lo hmuak kha phu lo ka inti a, veng mite chungah lawmthu ka sawi tawp thei lo... Mizo nih nawmzia hi Dawrpui YMA leh VC hian min hriatchhuahtir a ni...

Dawrpui Presbyterian Kohhran hi ka nunkawng chhukchho-a min kaihruaitu leh min puitu pawimawh tak pakhat a lo ni bawk tih ka hrechhuak thar...

Kan tet lai, Sande sikul kan kal ve lai khan chawhnu inkhawm hlimawm tak- Çhildren for christ' tih hming vuahah chuan kan kal ve ṭhin a, naupang te ber aṭanga inla tleirawl ṭantir tan pawha ninawm miah lo-a program an siam ṭhin khan, inkhawm chakna min pe fo. Bible behchhana infiamna leh intihlimna te kha a awm ṭhin a, Pathianthu ngaihthlak ngawt bakah. Kan talent te haichhuak tuin drama chan te, zai te leh special item hrang hrang min tih tir ṭhin khan mahni inrintawkna min pe hle. Tin, ṭhalai missionary leh mithiamte sawm an ni ṭhin bawk a, ngaithlatu mai ni lo-a, engkima tel ve ni turin min chher a ni. Drums leh electric guitar nen kan han zai ṭhin bawk a nih kha, naupang tan chuan a phurawm lehzual... Mizo fakna hla mai bakah sap gospel songs kan han sa ṭhinte khan khawvel min daizautir zualin ka hria...

Sande sikul inkhawmpui a awm changin group-ah min ṭhen a, Bible bung chan bik min pe ṭheuh a, tichuan châng byheart tur bik kan nei leh ṭheuh ṭhin.. Chu chuan team spirit a siam a, ṭhianthar siamna kawng ṭha tak a siam bawk... Tin, a ṭha zawnga intlansiakna kawng min sial sak a ni, mahni chan bik thiam lo nih kan duh loh vangin... Zirtirtute chuan a ṭha lam zawngin min fuih ṭhin a, veng mi kan nih rau rau chuan kan veng awmna chawimawi chu kan vai ṭhattlanna leh ram leh hnam tana thawhna pawimawh tak a ni tih tarlanna a ni tiin min fuih ṭhin a... Kan inzaisiak pawhin Dawrpui naupang anga zai tur tih leh dawrpui naupang chu smart taka mi entawn tlaka awm tur tiin min fuih ṭhinnate khan kan nunphung a vawng a, ram leh hnam hmangaihna min zirtir telin ka hria...

Krismas leh Kumthar a lo ni a, fatu bik inruat awm hauh lo-in hnatlang an han ko tawp mai ṭhin hian mitin mai chu Pathian hma-a kan intluktlanzia leh inpumkhatna boruak lentir pawimawhzia kan rilru-ah a tuh ṭhin... Naupang te ber pawhin pawimwah ni ve-in kan inhria a, theih ang angin kan ti ve a, a ṭhennin chemte an keng a, a ṭhenin chempui... Tar tawh lamte pawhin min rawn ṭawiawm a, nilum min lo aipui ringawt pawh hian min uap nuam hle... Veng nuam leh duhawm tak ni tur chuan khawtlang ṭanrual a ngaih angin, kohhran lian berah chuan heti anga kan han fatu tlang ṭhin hi a nuam dangdai a, kan thawhhona a ṭha hle...

Salvation lamah krismas ni-in ruai an ṭheh a, ṭhutthleng put lama puih pahin ṭhiante chuan ruai kil ho tura min sawm angin kan han kil ve leh bawk a, a tukah Pres lamah kan han sawm ve leh bawk ṭhin a nih kha..

Mi tam tak hmuh danin veng hausa a ni ngawt bik lo a, Dawrpui vengah hian mi harsa ve tak takte pawh an awm ve a, chu'ng chhungkaw naupangte nen chuan hlimtlang takin inlungrual takin kan lengza ṭhin a nih kha mawle...

Dawrpui YMA dam reng se, he veng aṭang hian Mizoram hmasawnna tur thil tam tam lo inherchhuak zel se tih chu ka duhsakna sang ber a ni...

(Pic: Dawrpui Presbyterian biak in)

Mizo: H.Vanlalthanga (RIP)

NGHILH LOHNA'N

Ka pu (ka pa pa) H. Vanlalthanga (14.2.1926 - 19.11.2012) chuan he khawvel hrehawmna kalsanina lo muhil ta a.... Mi tumruh leh taima, khawtlang tana mi rinawm leh ṭangkai tak a ni... Thiamna ngaina mi a ni a, eng subject

pawh sawi ila min sawipui ve thei zel mai... Mizoram thlai ṭangkaina haichhuah kawngah hna a thawk nasa a, internet aṭangte-in hnah thlalak te min download tir fo ṭhin, a ṭangkaina te nen...

Thiamna leh finna a ngainat rualin kut hnathawh a uar a, mahni intodelh hi a thupui a ni, ka pate unau pawhin inchhung bungraw siam leh insak- mistiri leh carpentry works,lamah chuan an mikhual lo khawp mai... Lehkha zir paha zing kara bawnghnute sem leh tlai lama serthlum an zawrh ṭhin thu te min hrilh ṭhin... Tlangnuam kawng chho-a lung bang rem tam tak pawh khi an rem a ni ve nual awm e....

Politics hi a thianghlim thei a ni tih a lantir chiang a, ṭhalaite hi zuanglut turin a duh em em... Mizo union hunlai aṭangin a inhmang a, a sira lung pawimawh leh rinawm tak a lo ni ve ṭhin.. Mizo union hunlaiin rorelna sang councillor hna te lo chelhin Congress nen inzawm hnu-ah pawh Aizawl block president te a ni a, VCP atan pawh vawi tam tak thlantlin a ni... 2009 khan Mizoram congress party chuan kum 1947 aṭanga rinawm taka pawl tana a lo thawh vangin chawimawina an hlan hial...

Tlangnuama kan in chu eirukna tel lo a sak a nih thu min hrlih a, pu ch. saprawnga leh ch. chhunga chu a ṭhian ṭha ber berte ni mah se, sum thianghlim lo-a pawisa a lak luh duh loh vanga kan huana thlai zawrh hlawh liau liau a kan in hi sak a ni a, chuvang chuan Pathian thlarau-in a awmpui a, thlarau mi leh Pathian mite lenluhna ber a ni ṭhin a ti, pu chawngkhupa pawhin in pakhat anga a en ve ṭhin kha a ni... Tichuan kan chhungkua-ah malsawmna a kaltluan zel vangin keimahah a lanchhuah ringin ka hmingah LALROZÂMA tih min phuah sak a...

A thil thlahlel ber pahnih chu a dam lai-in ka hmuhtir thei ta lo erawh a pawi ka ti... Ka hming a phuah a nih angin nupui nei-a ka fate pawm hman a duh a, chuan politics-a a hnung ka zui a duh em em bawk... Dik ni a a hriat chu huaisen taka dinpui ngar ngar ngam a nih avang hian huat leh sêl pawh a hlawh ṭhelh ṭhelh ṭhin

U Mafaa Hauhnar te, u Sangtea te, U ṬP-a (Traffic SI) te leh midang te a han hau ṭhin kha chu a nuihzatthlakin a hlawk thlak ṭhin khawp mai :)

December ka haw hunah a chanchin ziak turin kan intiam a, a sawi char char ang a, kei-in ka lo ziak dawn a ni a, thil tam tak, ramhuai ang chi leh sahrâng beihna lama a ṭuan thu leh politics khwavel te chu...

Amaherawhchu a awm ta si lo... Kan hmangaih leh duh te hian engtikah nge min kalsan dawn kan hre si lo... vawiin ngei hi a ni kan hmangaihna kan lantirna hun leh tihtur tuk kan tihna hun tur chu... Ka pu hi ka ngai dawn hle a, Zoram khawvel thara zuan kai theihna tura hmathlir ṭha tak neitu a ni a, chu a mang chu tihhlawhtlin sak ngei theih ka chak hle Pathian zarah....

Mizo/Hmar: Sikpuiruoi Chief Guest 2012

It was a great honor to be the Chief Guest at the 11th Sikpuiruoi (Winter harvest festival) organized by the Hmar students’ association, Bangalore branch.

Hmar students’ association, Bangalore branch chuan Sikpuiruoi vawi sawmpakhatna a hmann-ah ṭhalaite khawvel a nih tawh angin kei teh lul chief guest-ah min thlang hi a lawmawm ka ti a, hmar ṭawngin tlem azawng pawh thu ka va sawi ve kha.

Thus

awi tlangpui laimu:
Pathianin ṭawng hrang leh hnamze hran nei-a hnam/chi bil anga min lo siam chhan hi ṭha tak a awm tlatin ka hria a, namnul mai theih a ni lo. Kan Pathianthu vêk chuan chhhungkaw din turin min ti a, chhungkua aṭanga engkim rawn piang chho a ni, ram leh hnam dinchhuahna thlengin. Chuvangin Mizo nation hi 5-8 million ang veliin an chhut a, kan zavaia kan ṭanrual phawt chuan hnam ropui tak khawvel dengchhuak thei kan ni ang tih hi a haiawm loh.

Mi tam takin Mizo chhungkua chhunga chi bil pawl lo awm hi inlak hranna leh inlak vungna ang te-in Lai, Mara, Hmar ldt. hi sawi ṭhin mah se, a ni lo a, Pathian thilthlawnpek chi/hnam zia vawnnunna mai a ni tih hi kan hre ṭheuh a, kan pholan zel pawh a ṭha. Mizo nihna-ah ka chiang a, ka buai bawk lo a, chutih rualin hmar hnam ka nihna hi ka theihnghilh lo, chuti ang rilru chu in pu ve vek a ni tih pawh ka hria a, a lawmwm ka ti hle. Ram siamṭha tur chuan khawtlanga thilṭha tih a ṭul a, chumi tur chuan chhungkaw ṭha din a ngai a, chutah chuan mahni mimal ṭheuh kan pawimawh. Chuti ang bawkin Mizo nation leh Zohnahthlakte hmasawnna tur chuan kan chhungkua ṭheuh aṭanga bul ṭan hi a pawimawh awm e, rilru zau tak pu-in hmar hnam chhungkua hi inlungrualin ke pen ila, kan luanluhna lian zawk Mizo nation pawh hi kan chawikang anga, Mizo hnam ropui tak dinna kawngah hian hma kan la thei ngei ang.

Ṭhalaite khawvel a nih tawh angin mitin hi kan pawimawh a, kan theihtawk ṭheuhah a ber kai tumin hma la ila, i infuihtawn ang u. Pathianin min pek kan ram leh hnam hi chawimawi tel zelin…


HMAR:
“A hmasa takin, Sikpuiruoi chibai inrengin. Hmarṭawng ka thiem beknaw leiin English le Lusei ṭawngin ka hung mix kuol nuoi ding a ni leiin in hrietthiemna ka hung ngen a nih. Hmarṭawng ka hung inbuotsei ve sun khawm la hung tiem zui ka tih. Kum 2006 a inthawk khan Bangalore-ah ka lo um ṭan ve a, Kum 2007 khan MSA (Mizo Student Association) ah President lo chellin ka uma, Chuonglai chun HSA President Rama Khawbung ka zawng suok a, Phone a hai chen inbiein an in a dam ka va leng hlak a, Unaupa Japhet Darngawn hai le dam inpawl zuiin inhawi kati thei em em. Chu kum vek chun Sikpuiruoi-ah ṭhang dingin fielna ka hmu a, ka fe vawikhatna a ni nghe nghe. Chu taka inthawk chun HSA le B.H.C.F. thil thawna taphawtah ka thei ang angin ka ṭhang ve zie ta hlak.

“Mizoram a hmar ṭawng hmang raknawna rama ka seiliena, Ana chu Hnam anga Pathien in ami siemna hi theinghil thei dingin kan ring ngai naw a, Ka umna ram ram ah Hmar unau hai ka zawngsuok hlak. Mizo nina ahin ka chienga, kabuoi bawk nawh. Churuol ruol chun Hmar kanina hi inhmei ruolloin ka chiengsa bawk. Chuong ang lungril putve mi inni seng khawm ka ring a. Pathienin ṭawng hrâng hrâng neia hnam anga ami siem hi san ṭhatak nei dingin ka ring tlat.

“Ram le hnam ta dinga thil ropui tak thaw ding chun khawkhat sungah khawtlâng ṭhatna ding thaw hi angai phawta, chu ding chun sungkuo a inthawkin bul ṭan angai ruol ruol in mani mimal ei pawi maw tak zet a nih. Chulei chun Zonau hai hamṭhatna le Mizo Nation hmasawnna dinga hmalak ding chun ei sungkuo ie.. Hmar nau hin a bul ei ṭan phawt hi a pawimaw tak meuin ka hriet. Hmar sungkuo ahin Hmar nauhai hi inthuruol taka kal ei pen tlâng phawt chun Zohnatlâk dang dang hai entawntlâk le keikhawmtu eini thei tihi ei hriet thar nawk ka nuom a, Ka hmu thlang tlat a nih. Chulei chun Pathien ring tlatin ei Kût nilawmum taka hin Hmar sungkuo hmasawnna’n insawisel le in erna hai hnawlin lungruoltakin hmatieng kal pen tlâng eitiu, tichu ka duthusam a nih.”

English: With two great Mizo personalities…

l-r: Prof.Laltluangliana Khiangte, Lalrokhuma Pachuau, me

The great Mizo nation of the Indian state of Mizoram, parts of Assam and Manipur, Chin hills of Burma and Chittagong hill tracts of Bangladesh has been guided by God, and the gospel of faith and good news are proclaimed by the lives and activities of various tribes (of the nation) living here and there al

l over India and the world…

Mr.LALROKHUMA PACHUAU
Fifty-seven-year-old Pachau, who hails from Mizoram, is a 1979-batch IPS officer of Karnataka cadre. Pachau is described by his predecessor as a “noble man”.|

Starting his career as assistant superintendent of police (ASP) in Madhugiri subdivision of Tumkur district on February 9, 1980, he moved to Gulbarga subdivision in 1981. He was first posted in 1982 as district police chief in Karwar. Among the prominent posts he has held is that of Lokayukta SP, DIG of state intelligence and additional commissioner of Bangalore police. Deputed to his home-state in 1988, he returned to hold the post of additional director of Karnataka Lokayukta in 2005-07 . He was Mizoram police chief since 2007 till he returned to his cadre state earlier this year.

Mr.Pachuau had been conferred with various medals like :
1. Mizoram Police(Special Duty) Medal 1990;
2. Indian Police Medal for Meritorious Service 1996 and
3. President’s Police Medal for Distinguished Service 2004.

PROFESSOR LALTLUANGLIANA KHIANGTE
Professor Laltluangliana Khiangte is a well-known playwright-dramatist, poet, scholar-critic, essayist, biographer and folklorist from the State of Mizoram. He has taken life as known to the Mizo tribal society as his subject and fictionalized it, thus instituting a different genre especially in the field of playwriting. He has not only achieved distinction of being recognized as a playwright and poet but is also one of the most prominent writers and folklorists of North East India. He has authored, co-authored and translated many books in English, Mizo and Hindi and has received many awards for his remarkable contribution to the development and growth of Mizo language and literature such as:
1. Awarded 1st. Prize in State Level Drama Writing,Competition in
1990
2. Awarded Ph.D. in 1991 (Literature-Drama), NEHU.
3. Awarded Book of the Year-1997 in Mizoram.
4. -Awarded D.Litt. in 1999 (Folklore), IUW.
5. -Awarded Lelte Best Writer of Mizoram in 2001, 2002, 2003
6. -Awarded Rashtriya Lok Bhasha Samman in 2003
7. -Awarded Distinguished Playwright Award in 2004
8. -Awarded Bharat Adivasi Samman – 2005
9. -Awarded Padma Shri in Literature & Education in 2006
10. -Awarded K.Zawla Award in Literature in 2007
11. -Awarded Khuangchera Award in 2008.
12. -Awarded Outstanding Contribution Award in 2010.
13. -Awarded National Integration Memento & Citation in 2010
14. -Awarded Pu Buanga Award : Literary Award in 2010
15. -Awarded Doctor of Divinity (D.D.) March 12, 2012

Mizo: ṬHALAI/MI INZIRSANGTE LEH POLITICS

Tamil film Aaytha Ezhuthu,  hindi film Yuva tiha an lo siam leh, lehkhathiamte politic-a zuang lut tura fuihna film-a an inkawmna pakhat hi lo en teh ang:

Michael: Engati nge keini ṭhalai, college zirlai leh zirzo tawh, ngaihtuahna ril nei leh tunlai khawvel hrethiam ram hmangaih tak takte hi election-ah kan din ngai loh a, kan din theih loh bik ang?

College student: Politics tuinu-ina min chiahpiah hi kan duh lo a ni, keini chu mi inzirsang leh fing kan ni a, kan politician te level-ah kan indah ve thei lo ang.

Michael: Ni e, a ṭha lawm, hna changkang tak tak thawk ila, software te siam ila, doctor te ni ila, sumdawng hausa te ni ila, ram dang MNC  lianah te thawk ila, America-ah te kal ila, kan ram hi chu uicho rual tan chauh I dah ang u! Kei ngei pawh hian tun ang dinhmunah chuan politics-a luh ka duh bik hlei nem. Mahse heti ang politician chauh hi emni  kan neih dawn?  Duhthlantur dang kan nei lo em ni? Inthlan lo awm turah hian ka ding ve dawn. Tu nge min dinpui ngam?

Arjun: Keima’n ka dinpui ang che.

College student: Eng nge politics chungchang I hriat ve a?

Arjun: Engmah, mahse ka inzir thei alawm.

college students zawng zawng hnenah Michaela thusawi: Mi zawng zawngin kan lehkha zir leh thiamna te hi kalsana politics-a lut lo turin min fuih ṭhin. A bawlhhlawh a, engmah tih theih a awm lo tiin. Mahse hei hi ka zawt a che u, eng vangin nge kan luh ve loh ang?
A bawlhhlawh chuan tifaitu-ah kan ṭang dawn lo em ni? Ka sawi dik lo em ni? Tu nge min dal thei awm?He indona –a kawnga ke pen tur hian kan inpeih em? Tun inthlan lo awm tura ding ve tur hian?

Student zawng zawng: Peih…

Tichuan ṭhalai pali an inpe a, college ang te leh ṭhian angin an thawk a, thingtlang te an fang a, an tling ta vek a, election lo awm lehah phei chuan constituency zawng zawngah din an tum ta a…

Film mai mah ni se, ṭhalaite tan chona lian tak a ni, kan ram hruaitute hi ka sawisel hran lo mahse ṭhalaite kan ṭanruala kan theihtawk kan chhauh chuan tun aia ram ropui hi kan thleng thei dawn lo’m ni Pathian zarah? A chunga zawhnate hi inzawt ve ang u…

CHAVANG KUT-ah VIP guest ka va ni ve a...

Giving speech at the CHIKIM (Chin-Kuki-Mizo) fest- CHAVANG KUT 2012 organized by the Kuki Students'Organization, Bangalore branch.

It was an honor to be the VIP guest at such a grand function. Not only that, I was also the judge for the Ch

avang Lanu (Miss contest), another great honor, inspecting beautiful gals :) …. I appreciate the president of KSOB Mr.Len and his team as they can gather 1500 people around 11 am in the morning, in such a place like Bangalore, where everyone wants to sleep till noon during their holidays…

THUSAWI:
“Hei hi Chavang Kut vawi thum ka hman na a ni ve ta. Ka thusawi tum tlangpui chu Pastor Angam khan a sawi tawh a… Hmakhawsangah khan puk/Lunglian tak pakhat aṭangin hnam hlawm khat chu an rawn chhuak an ti a, chumite chuan Myanmar paltlangin India leh Bangladesh ramah te an rawn inzarpharh ta a… Koh dan hrang hranga koh an ni, Myanmar-ah chuan Chin, Mizoramah Mizo, Manipur-ah Kuki ldt. Chuvang chuan Mizo, Kuki, Chin leh Zomi ka ni tih ka pawm e… Pathianin hnam khat mai ni turin min siam lo a, Nation ni turin min siam a ni… ZORO leh MZP ho zirna aṭang phei chuan Zo hnahthlakte hi 5-8 million lai kan awm khawvel pumah… Chuvangchuan kan ṭanrual phawt chuan hnam ropui takah kan chhuak thei a ni…

“Ramri te hi chu thlak theih mai pawh a ni lo tunah chuan, amaherawhchu kan thinlunga ramri kan kham erawh hi chu kan thlak thei a ni. CHIKIM/Zo ṭhalaite hi kan ṭanrual a ngai. Helaia rawn kalkhawm chin hi chu khawihawi zau leh chinchang hre chin vek kan ni a, chuvangchuan heti laia kan thil tawn leh hriatte kan khaw lam develop nan a hman ṭangkai theih a ni… Inpumkhatna kawngah pawh hmalatu kan nih a ngai keini phai lam mite hi…

“Ṭhalaite nun tibawlhhlawh bertu lo nit a chu corruption hi a ni awm e, Mizoramah pawh pawl pakhat PRISM tih a awm a, chu pawl te chuan an theih tawkin hma la ve-in mipui sum luangral tur tam tak an hum tawh a, pawl nghet leh rintlak awm chhun te zing ami a ni awm e. Amaherawhchu corruption hian sum lam choh a kawk hran lo a, kan nitin nunah dik taka kan nun hi corrupt loh dan chu a ni, kan hnathawh leh zirna lama rinawm te. Tin, chuti ang pawl chu hmun tinah a awm thei kher lo a, lo awm loin member pawh ni lo mah ila, mimal ang leh ṭhian za ho ang pawhin hma kan la thei a, corruption hi do ila , inpumkhatna kawng I zawng ang u Zohnahthlak te hian, tichuan hnam ropui tak kan ni ngei ang chung Pathian zarah… Ka kipah e…”

Mizo: KA LUNGDAMNA TUR

Kum tam tak liamta khan kan ṭhianpa David-a te'n film an siam ve a, Fist of Fury zulzui-in, 'Ka lung damna tur' tih; Mizo Bruce Lee tih te-in a lar chho hle a ni. Amah hi a taima a, a infit bawk a, boruaka eng ang zawng pawha in vawrh zak zak thei kha a ni. A thil tum ber chu martial arts hi naupang te rilru siam ṭhatna a nih bakah kan taksa vawnṭhatna a ni a, kan rilru sawizawina ṭha tak a ni tih a ni a; chumi kawngah chuan a kal a, martial arts promote a duhna lamah theih ang tawkin film industry hmangin a siam ve a nih kha maw. Sawiselna chu tam, mah se, a hlawhtling thawkhat e. Amaherawhchu film siam hi mi zawng zawng tih theih a ni lo, ani chuan a thei a a ti a ni mai. Engtin nge kan tih ve ang?

Tunlai ṭhalaite pawh hian chak leh vei kan ngah ve. Missionary nih leh ram vei vanga politics khelh ve hi chak kan tam awm e, a bikin zirlaite zingah hian. Keichuan ka ngaih ve dan chuan mahni khelhmual ṭheuh aṭang hian missionary leh politician hi kan lo ni thei reng mai a ni tih hi a ni. Mizoram hi a population azanga chhut chuan missionary tirchhuak pawl kan ni  e te an ti a, chuvangchuan kan vannei a Pathian zarah kohhran support theitu ṭha tak kan nei nuk hlawm a, missionary hi chu an kal zel dawn. Nang leh kei kan lo pen chhuah ve hian pakhatin tam belh mah se chuti ang kher lo chuan kan hnathawh leh zirlai aṭang hian kan lo missionary thei reng a ni. Missionary te thlen chin hmun thim leh chhengchhe mai bakah keini chu hmun changkangah ringlo mite zingah kan zirin kan thawk ta hlawm a, chu hmun ngei chu a ni dawn lo'm ni Pathian tana kan missionary theihna hmun chu? Chu thinlung chu kan nei tak tak a nih chuan nitin vwai hnih pawh ni lo, kan thil tih dawn apiangin ṭawngṭai ila, ṭawngṭai nun nen ke pen ila, Bible hi chhiarin châng pawimawh tak takte hi vawn tum phawt mai hi a ṭul a ni. Kan nunah hian ringtu nihna hi han lang phawt mai se kan kianga mite hnenah. Anni pawhin kannun an rawn awt ve ngei ang. Tichuan Pathian rawngbawltu leh kohhran hruaitu rawn tur kan nei reng bawk si, kan vannei a ni. (Keipawh heti ang hian ka awm lo a, awm ve chu ka tum :) )

Chuti ang bawkin politics lam ni se, kan ram kan vei kan ti, ram tan thawh kan chak, hotu nih te kan chak. Chumi kawng atan chuan vawiina kan awmna ṭheuhah hian Pathianin min lo dah reng mai hi a ni a. Mizoram chhunga awm tan chuan a hna leh zirlaia rinawm leh ṭha taka a thawh a, midang te aia thiam bik ni thei tura taihmakna nena a beih hi a ram tana thawhna a lo ni a. Ram pawn ami tan chuan Mizo hming tihhingṭhat hi politician ropui nihna a ni. Tu te emaw tih dana kan ram leh hnam chanchin leh mahni thiltih ṭhat te sawi kur luk pawh a ni ber lo. Mahse kan ram leh hnam chanchin hi chu a ṭha lam sawi uar ta ila...  Pawl 12 kan nih lai khan tu emaw ṭhiante kha chuan vai ho bulah khan ui sa kan ei uar zia thute leh krismas dawna zu mi zawng zawngin kan in ṭhin thute an lo sawi uar a, inlak pa nan. A ṭha tho mai e, chu ai chuan kan khawtlang inkungkaihṭhat dan te leh kan ram leilung mawina te leh PAthain ringtu kan nihna te hi sawi uar ila, kan hnathawhah hian rinawmin thiam ber nih tum ila, 'Ani te chu Mizo a ni tlat a lawm' an rawn tih theih hunah chuan kan awmna hmunah politician ropui, ram leh hnam tihmingṭha leh ram leh hnam tana thawk kan lo ni mai dawn lo'm ni pu Chairman? Eng nge i lung dam ve na tur?

Missionary-a i inpek theih chuan a ṭha, a hlu khawp mai... Politician-a i inpek theih chuan a ṭha, i ramin a ko che... ṭhalaite dinchhuah a hun.. Mahse inpe thei lo pawh ni ve ve la, a chunga sawi tawh ang khian i hlu lutuk thei tho.....

Mimal ngaihdan mai a ni e...

FULL REPORT OF 11th MIZORAM WATCH

Venue : I&PR Auditorium, Aizawl
Time : 23.10.2012 12:00 – 3:00 pm

1. MODERATOR : REV. ROSIAMLIANA TOCHHAWNG, LECTURER, ATC:

Prism in tupawh sorkar se an Manifesto an bawhzui dan a en tur thu inthlan hmain party te a hrilh lawk tawh a. Congress a lo sorkar a, ruahman lawk angin kalpui a ni ta a. Tuna sorkar hian 66.66% hun a hmang tawh a, a thutiam a bawhzui dan kan thlir dawn.

2. C. LALRUATA, CHAIRMAN, MPCC MEDIA DEPARTMENT:

Sorkar hmasa hmalakna 8 bawhzui bakah hmalakna chi hrang hrang enin hma lak tawhna hi 78.55 % a ni tawh a. Heng baka manifesto bawhzui tha hi Mizoramah a la awm ngai lo.

Rorelna tha kan ngaipawimawh a, kan tih loh an sawi vawng thin a. Mahse, a hmaa sorkar nena enin a tha zawk hle a ni.

Sorkar hmasaaah dan leh hupek kenkawh a tha lo a, hell eh ralthuam tawlh phei chu sorkar hriatpui ni hialin a lang. CM chennaah meuh pawh hel pawl thar din a ni.

An corrupt em em a, hruaitu lian ho phei chuan farm house leh in tha tak tak an sa a. Aii Puk-a CM thiltih dikloh avangin buaina a chhuak hial a. Tuirial Hydel Project pawh CM unaute’n diklo taka thil an tih avangin pamtul a ni a. Tuna CM hian hna a thawkleh a, tunah chuan Tuirial hi thawh leh a ni tawh a. MNF sorkara khan hausa thar thut an tam em em a ni.

3 – 25 % te contractor hnen atangin an la a. Hei hi finfiah theih a ni ni mai lovin CM meuhin Assembly House-ah a pawm a. Chuvang chuan eiruk a nasa a. NGO leh officer lian pension tawh te an au chhuak a. Hna lakah duhsakna uchuak a awm a. An ineiruk siak a ni ber a. Project lian lh tha a sukuk nasa a, hlamzuih a tam a ni.

Kan sorkar hi eiruk lamah kan la fihlim hle a, Minister vel zingah a eiru tia sawi tur an la awm lo a. Kan sorkar hi rinngam a ni a. Chumai ni lovin eiru te hrem te an ni a. Hnathawh leh hna lak a langtlang em em a, tihsual kan neih a, sawisel an awm pawhin a chhuitu tur siamin kan chhui tir a, an hmuhchhuah dan angina hma kan la thin.

Thuhlui chawhchhuah thu hi sawi a ngai. MNF President in, “Tual kan that lo a, ral kan that,” a ti a. Kan hnial a, kan inbakkaih a. Ethics Committee leh kohhran hruaitu the ban an phar a. Tun hnaiah kan inbei leh (surrender issue) a, anmahnin an duh duhin an sawi a, kan sawi ve veleh ban phar an awm zel si. Politics-ah thuhlui a awm lo a, kan sawi ve zel taw hang.

3. F. LALNIENGA, REPUBLIC:

Sorkar hi law and order kenkawh kawngah sorkar kalta ai khan an tha tih ka sawi hmasa duh.

NLUP-ah hian an titha viau dawn niin a lang a. A hma atanga an sawi thin leh ziaka awm ngei chu ‘kuthnathawktu te tan’ tih ani a, tuna mirethei chawikanna anga sawi chhoh a ni ta hi a dik thei lo a. Tin, kuthnathawktu hi grade leh category hrang hrang an awm a, chuvang chuan NLUP-ah hian chawkrual vek lovin kalpui se ka duh a. Tuna an kal dan ang hi chuan hlawhtlinna san viau a beiseiawm lo a. Huana kawng leh electric te pek ngai ang chi te hi ngaihtuah thuai thuai a ngai a, hetianga kan kal hian hmasawnna tak tak a awm dawn a. Ei leh bara kan intodelh a ngai a. Hei aia lian hian kal a la ngai a ni.

Pu Ruata khan an hotu te corruption-a fihlim anga a sawi kha ngaihtuah ngun a ngai a. Kan hotupa ber hi corruption-ah hian a fihlim niin lang mahse corruption do tur hian a fit lo deuh niin a lang a. Tunah pawh Parliamentary Secretary pakhatin JCB a nei thar tlat a ni. Hei hi lo chhui u la, ruling lam khan hma lo la teh u.

4. ZION LALREMRUATA, GENERAL SECRETARY, AMFU:

NLUP hi sawi a ngai a. A sum lo kal dan hian sawi a hlawh a. Hemi chungchangah hian MP Hminga’n Rajya Sabha-a a zawhna chhannaah Special Package ngei anga a lang ta hi a lawmawm a ni.

First Phase-ah chhungkaw 45,139 cover a ni a, Phase dang a kal leh mek tawh a. A lawmawm a ni.

NLUP hi cluster approach-a hma lak tura ruahman a ni a, tunah hian cluster approach in an kal leh mang si lo a. Hei hi a tha lo. Marketing thlengin hei hian a nghawng a ni.

Beneficiary thlan danah Ruling an induhsak lutuk niin a lang a. Hei hi village level atanga intan a ni a, tireh turin sorkarin hma la se a tha a. Department ho hian Ministry in NLUP a ngaih pawimawh angin an ngai pawimawh tawk lo niin a lang a. Tin, hmalakna hi, pawisa awm siin a muang lutuk a. Sorkar hnathawk ten tan an lak a ngai a. Marketing lamah tan lak uar a tul hle a ni.

5. C. LALTANPUIA, CHANMARI:

Ram a dinchhuah loh chuan mimal a dingchhuak thei lo a, chuvang chuan ram hi ngaih pawimawh zual a ngai a. Intodelh tura nasa zawka hma lak a ngai a ni.

Kan sorkar hruaitu te hi thurawn pek an har lutuk deuh niin ka hria. Thurawn pek hi dawng mahse an bawhzui thin lo a, hei hi a tha lo a ni.

Kan sorkar hian zir lawk lovin hma an la fo a, hei hian mipui a tibuai mai ni lovin a tirethei a ni. Ranvulh kan tih pawhin a hralhna tur hisap sain chiang taka zirchian hnuah hma lak tur a ni. Tuna NLUP leh scheme hrang hrang hmanga a hukpuia hma kan la thin hi tihtawp tawh a tul a ni.

6. VANROCHHUANGA, VICE PRESIDENT, PRISM:

Hime Department hnuaia hmalakna tur inchhawp awmah hian tih theih loh chi a awm teuh mai a. Tin, corruption-a fihlim inti sia Vigilance Commission an la din lo te hi chu a inhmeh lo a.

Education lamah hmalak mek a awm nual rualin hma la lak loh a tam lutuk a, thiamna bik zirna lam hawia hmalakna tura an tiam te hma an la tlat lo a.

Thalai tana tangkai tur chi din tura an tiam Youth Development Commission leh Youth Welfare Commission an la din lo hi a pawi a.

Sports lamah hma an la tha em em mai hi a chhuanawm a. Mahse, eizawnna inpek lam aiin physical fitness kan ngaipawh mawh tae maw tih mai tur a ni a. Sports lama an hmalakna chhuanawm ang hian Department dangah hma han la se chu kan ram hian kan hlawkpui ngawt ang.

7. REV. LALHMINGCHHUANGA ZONGTE, LECTURER, AICS:

Tihhlawhtlin tam tak an nei tawh hi a lawm awm a. Land Reform Bill an siam mek hi a lawmawm ka tiin tha taka a lo zikchhuah ngei ka beisei a; land ceiling a awm tur te hi a lawmawm zual ka ti.

Tih tawh leh bawhzui tam tak an neih laia an hun hman tawh dan nena ena an la titlem deuh hi a fuh chiah lo.

MPSC lak ni lo hna dang lakah sorkar hnathawk awm lohna chhungkua ami duhsak tura an intiam an ti lo te; Administrative Reforms Commission din tura tiam an ti si lo te; Lungleia Southern Divisional Headquarters dah leh Cabinet Meeting neih thin tura tih an ti si lo te hi a vanduaithlak a ni.

Tihhlawhtlin loh la awmah hian thil thenkhat chu harsa tak tak a ni a, a awm tho a. Tam tak erawh hi chu tihhlawhtlin harsa si lo an ti lo teuh erawh hi chu a pawi a ni.

Ram hruaitu zingah, sorkar kal tawh pawh tiamin, dawt sawi thin an awm hi a tha lo a ni.

8. K. LALCHHUANAWMA, MEMBER, MPCC MEDIA DEPARTMENT:

NLUP hi MNF programme MIP nena khaikhin chuan a tha thlawt a. MIP dawngtu thenkhat kha chuan Rs 400/- chauh te an dawng a ni. Amaherawh chu, NLUP-ah hian a rethei leh chuanhnuai lam focus hmasak a ni.

Halpuah kan khap te hi a tha lutuk a, kan sorkar atangin a hlawhtling a, kuminah pawh khap leh tura inbuatsaih a ni a, mipuiin an thlawp ka beisei.

9. H.K. LIANSAWTA, TREASURER, PRISM:

MPSC Chairman leh member ruatnaa opposition leader leh group leader rawn tura tiam an rawn si lo hi a pawi ka ti a. Mizorama cheng te chiang taka chhinchhiahna record siam tura tiam siam si loh hi a dik lo ni mai lovin a uiawm a. Sinlung Hills Development Council hi tihchangtlun mek a ni a, hei ai hian bawhzui chak a tul a ni.

Administrative Reforms Commission din tumna awm lo anga sawi hi a pawi ka ti a. Kan rama mi lian leh te inkar zau te, kan sorkar kalhmang te siamthat hi tul ber a nih si laia hemi atana hmalakna tura an tiam an ti leh si lo hi a a pawi em em a ni.

10. MODERATOR: REV ROSIAMLIANA TOCHHAWNG:

Mizorama cheng chhinchiahna siam tura tih hi thil pawimawh lutuk a ni a. Kan mamawh ngawih ngawih tawh a. Bawhzui se ka duh a. Kan sorkar hian ham han la thuai thuai teh se.

11. LALHMINGLIANA SAIAWI IAS (RTD.):

Pu Lal Thanhawla’n tun hnaia ramri hrula kan pun thu a sawi hi a dik a, a pawi a, siamtha tura tan lak a tul a.

Pu Zoramthanga’n Tlungvel khuaa, “Sorkar hnathawk ten Pu Lal Thanhawla hlawh kum 5 chhung cut sak an tum,” a tih kha thil tha lo a ni a. Heti chunga Pu Hawla’n tlak huama a la ti hi a huaisen thlakin a tha a. Pu Zoramthanga pawh hian ti ve ngam rawh se.

Corruption zung phawi tawh anga Pu Hawla a insawi hi a dik lo. Pu Hawla hian corruption hi a bei nasa a, a lawmawm. Corruption do kawngah hian Pu Hawla hian a titha viauah ka ngai a. “Ka Minister zingah eiruka mualpho an awm lo,” tia Pu Hawla sawi kha a ropui a. Mahse, PWD E-in-C Lianchungnunga leh Lalthanpuia te kha enga tinge an suspend nghal loh. Sorkar hnathawk zingah thlei bik a nei a ni. Engatinge engineer te a ngam loh?

12. C. ROLIANA, PRESIDENT, BJP MIZORAM PRADESH:

1946 vel atangin Mizoramah politic a intan a. Tun thleng hian politic kan ngaihdan leh politician kan hmuh dan hi a tha lo lam zawng a ni fur a. Hei hi a fuh lo. Kan politician te pawh hian politic tuinu hi bansan a hun a. Chhungkua te, thenawm khawveng te inhmelmak zawnga politic kan kalpui hi sim a hun tawh a ni.

NLUP hi a la hlawhtling lo. Tuna a hlawhtlinna anga lang hi a hmaa lohlawhtling tawh sa te huan leh ran thla an lak mai mai a ni. Kan party te hi an kalphung a dik loh avangin tumah thlang tawh lo ang u. Ram hmangaihtu i thlang tawh ang u.

13. R.L. LIANTLUANGA, GENERAL SECRETARY, PRISM:

Thlirtu duhawm tak tak te u, Mizoram Watch kan tih a, sawrkar lai Manifesto bih chianna kan neih hian thenkhat inti fingfal deuh ten Party manifesto lo sawi ve vak vak an ti thin, Party ten inthlan hmaa thlantlin an nih hun a tihtur an tiam Manifesto/Policiy kan tih hi sawrkarna an siamhnu hi chuan sawrkar Manifesto a ni tawh a, sawrkar chu tudang nilo in keimahni hi kan nih a vang in,kan aiawh tur a kan thlan ten Mipui tana tha tur an duan an tihdan enfiah a vilzui hi kan tihtur dik tak a ni tih ka sawi hmasa duh a
Sawrkar in tise kan duh sawi vak a chakawm rual rual in Manifesto hman lai mila sawitur a nih vang in chulam chu lut nghal ila
Congress in an Manifesto a tihtur an tiam tam lutuk hi ka helh em em rualin Sawrkar hmasa lo tih tawh sa –

Law & Judicial ah Entirnan (3.3) “Separation of Judiciary hi a tak tak in kan tipuitling ang”. MNF sawrkar lai 4.6.2008 a tih puitlin tawh sa a ni a, Mipui zah lo leh thil engmah hrelo a min ngaihna ti chiangtu ah ka ngaia hetiang hi chu Manifesto siamtur reng reng in chingtawh lo se ka ti khawp mai. A lo Separate lutuk nge “Phoro chu Court lam hna” te kan tih tak vel mai mai hi.

(4.4) Village Establishment Act siam tiam tum in hmalakna ke pen khat mah an penlo te hi Mipui an bum tumna a lo ni reng niin a hriat a
Parliamentary Affairs ah hian an intiamlo ang ngat in an kal bawk a,(1.10) MLA, Minister leh Speaker te hlawh leh hamthatna (facilities) chungchang chu Expert Committee in rawtna (recommendation) a siam zulzuiin ngaihtuah thin a ni ang. An hamthatna nasa takin an ti pung a,heihi opposition MLA te pawn an dodal miahlo leh nghal a heihi chu anlo tumlawk reng pawh nise, Expert committee rawtna anga kalpui a nilo hi chu kan aiawha kan thlante thiltih ah chuan a Over det chuan ka hria a ni.

Finance leh Planning :- Hei hi Sawrkar tan a thil pawimawh tawp a ni a, Kan sawrkar neih mek erawh hi chuan an ngai pawimawh lem lo ngawt in ka hria,(2.3) Local body ten an mamawhzat pawisa an hmuh ngei theihnan State Finance Commission siam a ni ang. Din fel tawh chu a ni ngei a,chu tih rual erawh chuan Local Body te hian an mamawhzat sum chu an hmu tae m tih chu chik zawkin kan awmna veng leh khua theuh a mite zawt ila a fiah mai awm e.Aizawl ah chuan hei Municipal te kan nei ta a, Local council te kan ti a, State Finance Commission kan dina Chairman leh Secretary te hlawh hi sang em em in Mipui a chhawr tangkai tu tur zawk nia langte ah hian sum leh pai lut tur hi a awm leh silo a nih chuan he Commission din hi chu lo tiamlo tawp zawk se mipui tam zawk hi chu kan lawm em em zawk ang.
(14.9) Budget a Sports and Youth Services lam a sum tamzawk dah an tiam an ti hlawhtling chho hi chu Thalai tam tak chu kan lawm khawp mai.

Planning:--(17F) May 11,2012 khan “Infrastructure Development Authority” din a ni a, Hmasawnna ruhrel siambelh chungchang leh a awmsa enkawl zui dan chungchanga mawhphurtu bik siam an tiam vanga din an ni a, An sawrkar hnu kum 4 naah Term tawp dawn lamah an din chauh mai hian Hmasawnna ruhrel siambelh chu kan la hlat hle tih a tarlang a,(28) Development plan siam tura Expert rawn thin an ni ang tih pawh hi an rawn ngai miahlo a ni. Sawitur atam em em a, Finance leh Planning chungchang a Ram Mipui te khai chhuak tur a kan hlawh chham zia te, Kum khat chhunga sum hman tur pawh ruahman hleitheilo an nihna te, Department tam tak in tunthlenga kumin sum hman tur ruahmanna fel Action plan an la neilo te hian a tarlang chiang hle a, Mipui te chan ai Min laksak a min hmusit zui tute an han dimdawih dan ah hian an thlaktakte an sawichhiat thiam ang aiin a tha lam a mipui kaihruai tura beisei chu an pha lo hle a ni.

14. DR. LALTHAKIMA, ASST. PROFESSOR, PUC:

MLA etc. hlawh expert rawtna anga kal tura an intih hi sawi lan ka duh a. Hemi hi mipuiin kan ngaihven a, tihtlem turah kan ngai a. Mahse an pun ta si hi a tha lo hle. MNF hun laia 108%-a an tihpun tawh pawh kan sawisel nasat laia 206% laia an han tipung leh hi a mak a ni.

High Court chungchang hi sawi a tul a. Mizoram Accord-ah a awmsa thlap a, tun thlenga kan nei lo hi hraitthiam a har a. High Court neih hran a, Separation of Judiciary kalpui tak tak tur hian political will a awm lo niin a lang a. HPC hruaitu te man chungchanga Minister meuhin ‘bail an phal loh thu’ a sawi kha a mak a ni.

15. LALROZARA, SPOKESMAN, MPCC:

Congress Party hi Manifesto anga kal chi kan ni a. Kan manifesto hi 2007 kum laihawl vela siam anih avangin inthlan hmaa lo tihhman a awm nual a. Hei hi a pawi rualin kan manifesto-a a awm avanga MNF sorkar khan an lo tih anih avangin a lawmawm tho a ni.

MNF khan, MPC nena an sorkar khan Manifesto 73 an nei a, hetah hian kan ti ang tia ziah 71 a awm a, pakhatmah an ti lo a. Kan ti loving tia ziah 2 erawh chu an ti si a ni.

78% aia tama hma kan la a, kut kan thlak tawh hi hlawhtlinna ropui takah kan ngai a. Kan tih loh ho hi chu tul chiah lo leh remchang lo chauh an ni tawh a. Lungleia Cabinet Meeting tih te hi CM hovin Lunglei-ah an meeting ngun tawh a. SEZ te pawh hi State dang pawhin an la tihhleihtheih loh a ni.

Vigilance Commission din hi harsatna hrang hrang kan tawh avangin kan la din thei lo a. Amaherawh chu ACB kan ti lian a, mi 290 lai chhui lai kan nei a, mi 86 laiin anticipatory bail an la tawh a ni.

16. LALRINZUALA CHAWNGTHU, SECRETARY, PRISM:

UD&PA lam hawia hmalakna tur tiam zinga pahnih tihhlawhtlin a ni tawh hi a ropui a. LAD lam hawia hmalakna tur awm zingah tihhlawhtlin a la awm lo a, bawhzui mek a ni vek hi tan a tul a. Kan Minister pakhat Pu Zodintluanga hi Sports-ah a chak tia kan fak rualin thildangah hian a chakna sawi tur a vang hlein ka hria.

17. C. LALTANPUIA, SECRETARY, PRISM:

Congress kaihruai sorkar ah hian hnathawh tamtak a awm a, an manifesto ang in eng tin nge hna an thawh i thlir ho teh ang.

PWD : (Mawmrang Booklet page 11-13)

Tihtur tiam zat 9 a awm a.

- Point 3 (1, 2, 8) NH 54 hi 4 lane a siam tur in hma kan la ang tih te, Asian Highway Project a kawngpui sial mek Mizorama luhtir tum te leh Tlabung leh Kolkatta inkar ah motor hmang a inkalpawhna siam tih te hi National Highway Authority thu neihna a ni hlawm a, State Sorkar tan hmalak ngaihna awm lo a. Central sorkar thuneihna a anih hmel mah hlawm a.

- Point 2 (3, 4) PMGSY leh World Bank chunchang a hmalak an tum te hi sorkar hmasa a kalpui ani hlawm tawh a heng te hi sorkar hmasa thil tih tawh sa a ni a

- Point 1 (9) PWD Manual siam tum hi hma la lak loh a ni a.

- Point 2 (1, 7) Aizawl - Silchar 4 lane a siam tum leh hi DPR siam a ni chauh a.

- Point 1 (6) Thenawm state Manipur, Tripura leh Assam te nena in kalpawhna hi hna thawh mek a ni a.

P&E : : (Mawmrang Booklet page 13-14)

Tihtur tiamzat hi point 5 a awm a.

- Point 2 (1, 3) Hydel Project pamtul tawh te tharthawh leh ni zung chakna hman tangkai lam chungchang ah hmalak ani a

- Point 3 (2, 4, 5) Power chungchang a High Level Committee din tum hi din anilo a, Nuclear Power hman tangkai tum te, Thermal Power Plant din tum te hi hmalak ngahna awmlo a ni ber hrih bawk a.

Transport : (Mawmrang Booklet page 24-25)

Tihtur tiamzat hi point 5 a awm a.

- Point 3 (3,4,5) Kolodyne Multi-Modal Transport Project hi central sorkar programme ani a, hma lak mek a niah hma lak mek a ni a

- Point 1 (2) Driver Welfare Fund siam tuma hma lak anilo

- Point 1 (1) Voter ID ngaihpawimawh a ni ang tih hi tih hlawhtlin ani

I&PR : (Mawmrang Booklet page 39)

Tihtur tiamzat hi point 2 a awm a.

- Point 1 (1) Journalist Accredidation Policy hi siamthat mek a a ni a.

- Point 1 (2) Journalist thawktha chungchuang te tana award hi buaipui mek a ni a, a hlawhtlin chu a beisei awm vaklo.

DM & R : (Mawmrang Booklet page 43)

Tihtur tiamzat hi point 1 a awm a. rambuai avanga chhawmdawl na dawn awm tak tak la dawnglo te chhawmdawl an ni mek a.

Hemi atanga thil lang chiang ta chu thil tha sa tliah, a taka chantir theih loh leh chiangkuang lo (vake) engtika tih tur nge pawh hriat theih loh a tam hle a. Manifesto siam dawn hian deptt. mi thiam te pawh rawn nasa leh zual se a tha khawp ang.

Tichuan an manifesto ka rawn sawi tak deptt. 5 atang khan tihtur tiam zat points 22 a awm a, sorkar hmasa tih tawh nen 3 points hi hlawhtling tawh ang a ni a. Point 6 hi hmalak ngaihna awmlo a ni hlawm a.

Point 2 hmalak miah loh a awm a. Points 7 ah hma lak mek a ni bawk a ni.

18. R. LALHMUNMAWIA, PRESIDENT, MRTU:

Kawngpui siam chungchanga kan sorkar te hmalak dan hi a tha lo a, kan kawng neih te hi lungchhiatthlak khawpin a chhia a. Engineer thiam zawng zawng office-a an thu a, JE leh MR ilo ho chauh work site-a an awm thin hi kan kawng chhiatchhan a ni pakhat.

Kan kawng hi a tlo lo em em a. Nikum maia hawn World Bank kawng kan tih te pawh tunah hian a maintenance atan Rs 320 lakhs hman a nil eh tawh hial a. Khawthlang lam kawng W Phaileng leh Marpara inkar kawng siam nana Rs 4,895/- awm atangin Rs 581/- lakhs chu contractor te hnen atangin E-in-C kalta Er. Lianchungnunga’n a lak sak a. He Rs 581/- lakhs chungchang hi Finance lamin an hre miah lo.

19. R.C. ROHMINGTHANGA, SECRETARY, PRISM:

Oil & Gas exploration lama hmalakna hian duhthu a sam lo deuh a. Land Revenue and Settlement Department lam hawia an sorkar hma fea awm sa tih tura an lo tiam hi a fuh zan lo deuh a. Land record mumal neih a tul avangin helamah hian chak zawka hma lak a tul a. Environment & Forest Department lam hawia hmalak theih loh tur an lo tiam hi a fuh lo a ni.

20. MODERATOR : REV. ROSIAMLIANA TOCHHAWNG:

Pu R Lalhmumawia sawi W Phaileng leh Marpara inkar kawng siamna chungchanga contractor hnen atanga pawisa lak hi ruling lam hian an sawifiah thei em?

21. V.Z. KAIA, MEMBER, MPCC MEDIA DEPARTMENT:

Khawvel puma Zofate hmaa ka puan duh chu MNF hunlai 10th Plan-ah khan GSDP thanna tur target 5.3 % anih laiin achievement 5.7 % a ni a; keini hun lai 11th Plan-ah chuan target chu 7.1% niin achievement–ah 11%-ah kan chho a, hma kan sawn nasa hle tihna a ni.

Manifesto hi thlir nana min hman hi a that rualin, leh ram changkanga an hman laiin, kan manifesto hi expert siam a ni lo a, chuvang chuan intehnan a sang mah mah a. Tih loh kan neih te in sawi thin rualin kan manifesto-a awm lo kan tih te pawh hi min hmuhpui thiam a tul a ni.

22. P. LALUPA, PRESIDENT, MCU:

Consumer Affairs Department hran siam an ruahmannaa awm hi a tha kan ti a. Amaherawh chu, a implementation lamah hian an titha tawk lo a ni.

23. S.L. NGURSAILOVA, ORGANISER, PRISM:

PHE:
1. Aizawl khawpuia mihring pun dan thlir chungin kum tam tak lo kal turah pawh mipuite mamawhna phuhru zo ngei tur Aizawl khawpui tana tui lakna tur scheme siamin kan bawhzui nghal ang. (10.1)

= Aizawl khawpui tana tuilakna tur scheme thar siam a awm lo a. GAWSS Phase I tihchangtlun tuma hma lak niin Phase II hnathawh pawh chhunzawm a ni a. Sakawrtuichhun-ah State sumin Zonal Tank siam a ni a. Asian Development Bank sum hmangin tui meter 13,000 thlak mek niin Zonal Tank 6 siam mek a ni a. NABARD sum hmangin Durtlang tuipekna tur thawh mek a ni a. Melriat, Falkawn, Hlimen, Lungleng I leh Lungleng North te tui pekna tur hna thawh tan chhoh mek a ni bawk.

Phase –II hi lo zo ta pawh ni se, tunah hian mamawh tur zat power hmuh a nih loh avangin Aizawl khawpui hian tui kan hnianghnar phah dawn lo.
Tunah hian chawh rualin mi pakhatin 576 ltrs an pump atang hian dawng thei tur ang kan ni a, chu chu chhungkaw khatin karkhatah 2,880 ltrs dawng thei tur ang kan ni a,kan chan a chau hle a ni.

Tunah hian tuirial lam en mek a ni awm e, mahse a tui tlem zia kan hri a rin tlak a ni dawn em ni, Financial year khat chiah an nei tawh a, mahse an sawrkar chhung chuan tui hnianghnar kan neih a rinawm ta lo.
PHE a am manifesto tihhlawhtlin dan leh hmalak dan hi a la ngai reng a ni, nikum 0ctober-a chhanna atangin kumin October-ah hian hmasawnna hmuh tur a awm belh lo.

Health:

1. Mirethei, Medical Reimbursement bill ve thei lo te tan Health Insurance Scheme, Prime Minister in a puan zulzuiin Mizoramah hman ve ngei tum a ni ang a. HIVAIDS vei te, mirethei, damdawi ina admit kher ni lo, pawn lama damdawia inenkawl te pawhina MR an bill theih dan tur ruahman a ni ang. (13.1)

= September 1, 2010 atang khan kalpui tawh a ni. Hmasawnna hmuh tur a la awm meuh lo, tun Sunday tlaiah ngei pawh Referal Hospitalin mi sawisak pa pakhat kha Civil Hospital ah a refered tlat.

2. Referral Hospital hi mipui chhawr tangkai ngei theih tur leh Medical College-a hlankai (upgrade) ngei tlak turin hmathar la-in kan tipuitling ang. (13.2)

= Medical College-a hlankai tlak tura hmalakna tur DPR siamnan NEC-ah Rs 1 crore dil mek niin DPR siamna tur tender bid pawh peih fel tawh a ni a. Mipuiin an chhawr theihnan Aizawl Civil Hospital-a awm thin department thenkhat dah luh a ni a; Dental Surgeon leh Specialist dah thar a ni a; tui leh eng pek fel tawh niin a chung far pawh tihphui a ni tawh a; quarters cheihnum mek a ni a; choka leh eirawngbawlna peih tawh a ni a; hmanrua leh bungraw tihthianghlima (CSSD) leh X-Ray khawl bunfel a ni tawh a. Department of Chest & Respiratory Diseases leh INHUBAS din tura hma lak mek a ni a. Incenerator sawn tura ruahmanna kalpui mek a ni. Dept dah phei tura an ruahmanna te dah phei tak tak a la awm lo.

3. Natna hriat theihna atana tul, laboratory services leh diagnostic facilities lamah state puma Damdawi In hrang hrang te a phuisui thei ang bera thuam an ni ang a. Mizoram hmun hrang hranga damlo te Aizawla refer kher ngai lo turin District Headquarters tina Damdawi In te hi kan tiphuisui bawk ang. (13.3)

= Khawl tha tak taka bun belhin hospital hrang hrang tihchangtlun a ni. Khawl tha tak bun a awm mumal lo mai ni lovin, Aizawl a refered ngai lo tura Dist te hi thuam an ni lova Aizawl-ah an la refered reng.

Social Welfare:

1. Sorkar laipuiin tar chawmna a tihpun dan zulzuiin tar chawmna kan tisang ang a. Enkawltu mumal nei lo tar te tan anmahni enkawl dan tur kawng kan ruahman bawk ang. (6.10)

= Tar chawmna tihsan a awm lo a, kum 80 chin chunglam enkawlna pek tura ruahmanna kalpui mek a ni.

2. Taksa leh rilru lama harsatna nei ten (pianphunga rual ban loten) mi pangngai anga an chanvo an chan theihnan te, a bika sorkar duhsakna an chan theihnan leh eizawnna leh zirna thleng pawha sorkar duhsakna an dawn theihnan Persons With Disabilities (Equal Opportunities, Protection of Rights and Full Participation) Act, 1995 hi hman a ni ang a. Central atanga National Trust for Welfare of Persons with Disabilities Act, 1995 ruahmanna angin tanpuina tam zawk chawkchhuah anih bakah state sorkar pawhin anni tan hian a tul anga suma tanpuina leh hamthatna dang dang a ngaihtuah sak ang. (6.11)

= Persons with Disabilities (Equal Opportunities, Protection of Rights and Full Participation) Act, 1995 hi hman a ni. State commisioner for Persons Disabilities hi tun thlengin a la function mumal lo. Rualban lo te tan hian ruahmanna hi congress sorkar hma khan a kal tawh hrim hrim a hei hi Central scheme a nih avangin manifesto ah hian awm lo mahse kan ram hian a mamawh ang chu a dawng thei tho.

A pawimawh lai ber Assesment & Certificate Camp hi a kal chak lo lutuk a, tunah hian 45% mizoram khuaah te chauh he camp hi neih a la ni a, Disabilities hi 7375 assest an ni tawh, congress sorkar chhung kum lina ah hian heti zat chauh assest an la ni hi a pawi hle a ni, hetiang a nih chuan a dawngtu tur ngei ngei tam takin an la dawng dawn lo tihna a ni a, sorkar hi a muang lutuk a ni.

3. Women & Child Welfare Department kan din ang a, Minister hrang neiin hmeichhiate leh naupang te tha taka enkawl an nih theihnan chak takin hna a thawk ang. (7.1)

= 15.9.2011 khan Mizoram sorkarah Women & Child Welfare Department dinna tur proposal thehluh tawh a ni a, Cabinet approval nghah mek a ni.

4. Pasal sun emaw, an pasal ten an mak emaw, fanau enkawl ngai si hmeithai te tan a bika tanpuina kan siam ang. (7.3)

= Central Scheme – Indira Gandhi National Widow Pension Scheme chu February 2009 atang khan kalpui a ni.

5. Congress sorkar hmasain a lo din tawh State Council for Child Welfare hi tihchangtlun a ni ang. (7.4)

= State Council for Child Welfare hi Chairperson hman tur computer set leh television thar pea tihchangtlun a ni.

6. Congress sorkar hmasain a lo din tawh Women Commission hi tun aia changtlung zawka thuam a ni ang. (7.5)

= Women Commission hi chairperson hman tur Gypsy, Canon copier, fax machine, steel almirah, office dawhkan leh chair thar leia tihchangtlun a ni.

24. S.L. SAILOVA IAS (RTD.), PRESIDENT, SOSA:

NLUP sum lapsa hlauhawm thu an sawi kha a dik lo, lapse mahse Committee an din ang a, 50 % lapse, 50 % lapse lo an ti leh mai ang. Chuvang chuan a hlauhawm lo.

Tripura CM khuan Rs 14,500/- a hlawh a, a hlawh zawng zawng party-ah a pe a, party in amah chawmnan Rs 5,000/- an pe a, chumi hmang chuan a in enkawl thei. Kan ram hruaitu te hian entawn rawh se.

Vigilance Commission siam a la ni lo fo te, a hnuaia ding tura Forensic Department din te, ACB tihchangtlun leh thuneihna pek belh an tiam laia an tiam anga an kal lo hi a tha lo a. CBI kohluh an tiam a, ‘CBI kawngka bulah kan din tir,’ an ti a, an ding rei tawh si a, an ke a kham tawh ngawt ang. ACB-ah mihring dah belh a tul, an indaih lo lutuk.

25. RUAL ZAKHUMA IAS (RTD.):

Vigilance Commission kan mamawh a, din a tul a ni. Hnathawktu tur lakah hian diklo a tam thin a, a latu Board a rintlak tawk lo a ni thei em? Zirtirtu lakah essential qualification nei lo, advertisement pawh chhuah lova tam tak lak an ni.

26. BONNY LALRINDIKA:

Manifesto siam laiin fimkhur a, tih tur tiam te hi time bound-a dah a tul a. Hnathawh kawngah kalphung duan (Rules) a awm tha tawk lo fo a, hei hi legislature mawhphurhna a ni.

Tuna an hmalakna hi a tha fu tawh a, tang zual sauh sauh rawh se.

Rinawm takin sorkar hi awm se, thil diklo leh tha tawk lo a awm pawhin midang tawng kual lovin mahni dik lohna pawm ngam se hma kan sawn chak thei ang.

27. DENGHNUNA IAS (RTD.):

Tuna kan bihchian MPCC Manifesto hi 2008 Inthlan hmaa Prism buatsaih tho ‘Manifesto Khaikhinna’-ah khan Manifesto tha berah kan ngai kha a ni a. Tuna an bawhzui dan kan en chho ta zel hian hmasawnna a belhchhah chiang a ni.

Mizoramah hian anti-corruption movement, corruption awareness level sang tak Prism hmalakna vangin kan nei tawh a. Tuna Mizoram Watch programme hian inthlan lo awm leh turah Manifesto insiamthat siakna thlen thei se a lawmawm ngawt ang.

Kan State budget atanga hnathawh theihna hi 20% pawh a tlin tawh loh avangin sorkar hian quality implementation lama tan a lak a tul a ni.

28. PROF. LIANZELA, DEAN, MZU:

Khawpuia mirethei chenna in tur sak ho hi sak zawh apiang mirethei luah tir nghal zel ni se a tha ang. Essential commodities-a kan buaina, basic necessities-ah hian tan lak a tul.

GSDP thang hi hmasawnna indicator pakhat chauh a ni a.

29. BUALHRANGA EX-MLA:

Corruption hi kan ram hmasawnna daltu lian ber a ni a, sorkar hian a do a, a titlem tura hma a lak a ngai a. Hma a lak duh phawt chuan awmzia a nei thei a ni. Chuvang chuan, kan sorkar hian hma la rawh se.

30. B. LALCHHANZOVA, SECRETARY, MTP:

Sorkar tha kan neih a tul a, chuvang chuan sorkar tha kan neih theihnan kan theihna zawn theuha hma kan lak a ngai a. Hma kan lak phawt chuan kan ram hi kan siamtha dawn a ni.

31. K.T. HMAR:

Ramri thuah huaisen taka sorkar a kal a tul a. Compensation hi uluk zawka kalpui a tul a ni.

32. RAPHAEL LALRINMAWIA:

Hna lakah dan kalha kal a tam a. Home Minister meuhin police 53 advertisement chhuah lova lak an nih thu a sawi kha a na a. Department dangah pawh hetianga advertisement chhuah lova hna lak hi a awm a. Tihtawp a tul a ni.

Journalist Welfare Fund hi a dik lo a, Journalist and Another Workers’ Welfare Fund tih tur a ni a. Shop and Establishment Act te, Constructor Workers Welfare Fund te-a hma an lak laia Labour Court (Industrial Dispute Act) la awm lo hi a pawi.

33. C. LALSANGLIANA, LUNGLEI:

Sorkar tha ni turin kan sorkarin mipui nawlpui mamawh – ei leh bar, kawngpui, tui, electricity power leh chawhmeh (agriculture) lamah te tan a lak a ngai a ni.

34. LALTHANGLAWRA NGURTE, MEMBER, MPCC MEDIA DEPARTMENT:

Prism in Mizoram Watch a buatsaih thin avang hian MPCC leh Mizoram sorkar hmingin lawmthu ka sawi a. Thusawitu zinga kan sorkar hmalakna tha tia sawi te chungah khan lawmthu ka sawi bawk a ni.

Kan hmuh dan chuan tihhlawhtlin 28 kan nei a, bawhzui lai 111 kan nei a, a letling anga sawi hi awm loah kan ngai a ni.

Congress Party kan sorkar veleha a hma zawnga thirchhia ni thin rangkachak anga min hmuh in tum hi a dik bik lo lo maw?

Sorkar hnathawk te hi kan Mistiri te an ni a. GAWSS Phase II tichhe tu te hi la hriat a tha lo maw?

NLUP sum hi a lapse a hlauhawm lo. E Banking kan hmang dawn a, a fel thuau mai ang.

Sawta eng en chung sawn theihtawp chhuahin kan kal a ni. Theih patawpin a tha lam panin kan kal a, hei hi min hriatpui rawh u.

35. VANLALRUATA, PRESIDENT, PRISM:

Thusawi hrang hrang atanga en khan ‘briefing’ kan neih nia sorkarin manifesto a bawhzui dan, a zat te tea kan sawi kha danglam a awm lo a. Chuvang chuan, ‘strict’ lem lova hamin, 2008 MLA Inthlan kan neiha MPCC Election Manifesto-a ‘Tih tur tiam’ 167 awm zinga 8 kha an sorkar hmaa hlawhtling sa a ni a; an tih tur tiam zinga 20 anmahni kutkawihin an tihlawhtling tawh a; chuvangin an tih tur tiam zinga 28 a hlawhtling tawh tihna a ni a. Tuna bawhzui mek 97 an nei a. An tiam dan ang lo a, an tiam letlinga hmalak 13 an nei tawh a. Hma la lak miah lohna 29 an la nei a ni.

Tuna kan sorkar neih hian, Mizorama sorkar kan neih tawhah chuan, Mizoram Watch programme awm vang pawh hi a ni pakhat ang a, an manifesto hi an bawhzui tha ber niin a lang a. Thil lawmawm tak a ni a. Amaherawh chu, MPCC kaihhruai ministry hian thla 60 hun hman tur an neihah thla 46 an hmang zo tawh a, an hun neih zinga 76.66 % an hmang tawh tihna a ni a. An tih tur tiam 167 zinga 20 an kutkawiha tihlawhtling tawhin an tiam atanga 11.97 % an tihlawhtling tawh tihna niin, an sorkar hmaa awmsa 8 nena chhiar vekin an tiam zinga 28 tih tawh a ni a; heti zawnga chhut hian an tiam zinga 16.76 % a hlawhtling tawh tihna a ni a. Hlawhtling tawh hi 11.97 % emaw 16.76 % ang pawhin sawi ila an hun neih zinga 76.66 % an hman tawh avangin a ropui tehchiam lo a. Kan sorkar neih tawh zinga manifesto bawhzui tha ber an nih rualin inchhuanna tlak chuan hma an la la lo a ni.

Election Manifesto hi a pawimawh a. Political Party ten inthlan dawn a, an sorkar aniha an tih tura an tiam ziaka an dah a ni a, ziaka dah anih avang hian ‘kan ti lo’ tia phat mar leh mai theih a ni lo a. Ram changkang kan tih ho-ah chuan an manifesto hi mipuiin party candidate te an thlan chhan bulpui ber a ni a. Mizoramah ngei pawh hian manifesto atanga ena vote thlak kan tam tawh hle a. Inthlan lo awm leh turah phei khi chuan manifesto atanga vote tur thlang hi mipui zinga 50 % kan tlin theih tawh hial kan ring a ni.

Tuna kan sorkar neih lai, MPCC kaihhruai hian thil awmsa 8 lai an tih tur tiam zinga an lo dah hi a zia lo hle a. Amaherawh chu, an hriat loh vanga an lo dah tel anih palh ringin ngaithiam ta mai i la. Anmahni kutkawiha an hmalak dan leh an hmalak loh dan lam hi lo bihchiang i la.

An tihhlawhtlin tawh 20 kan tih te hi chik zawka en chuan a ropui tehchiam lovin a ngaih theih a. Hlawhtling anga kan dah zinga 5 - Police Welfare Commission din te; Ethics Committee din te; State Finance Commission din te; Education Reforms Commission din te; Infrastructural Development Authority din te hian hna an la thawk tak tak lo tluk a ni a. Heta kan dah zinga 3 - Court siam belh te; State Council for Child Welfare tihchangtlun te; Women Commission tihchangtlun te hi a la ropui hran lo hle a. Heng zinga 3 - WW II veteran pawisa pek thin tihpun te; Ex Service reservation policy te leh hmeithai hamthatna te hi India sorkar rawn tih avang a ni zawk mah a ni. Chumai bakah heng an tihhlawhtlin anga kan ngaih sak 20 zinga 12 lai hi mipui nawlpui tana tangkai ni lo, mi thenkhat tan chauha tangkai a ni tlat hian ngaihtuahna a tibing deuh chu a ni.

A letlinga an kalpui kan tih 13 te hian manifesto an siam uluk loh zia te, an ngaihpawimawh tawk loh zia te, mipui min hmusit zia te a tilang niin a ngaih theih a. Heng 13 zinga 8 ngawt mai mirethei leh chanhai zawk te tana hlawkpui chi a nih laia hlawkpui loh tur zawnga an kalpui hian rilru a tina zual a. Kan ram mamawh ber mai Administrative Reforms Commission din min tiam laia an din leh loh tur thu an sawi mai hi a awm ang lo khawpin ka hria.

Kan sawi tak te ngaihtuah chung leh, hma an la lak lohna lam chik taka thlir hian mirethei te hi an VIP kan ni ta lo niin a ngaih theih tlat mai a. An bawhzui rih loh 29 zinga 19 lai hi mirethei tana tangkai chi a ni tlat a. Mihausa zawk tana tangkai chi, miretheiin kan ban ve phak loh ho an bawhzui vek tawh laia mirethei tan chauha tangkai chi bawhzui loh a tam lutuk hian rilru a tikal thui lo thei lo a. An manifesto zinga a hmasa ber, mipuiin kan duh ngawih ngawih Vigilance Commission an din lo tlat te, din an tum lo emaw tih tur zawnga ram hruaitu thenkhat an tawng ta zauh zauh mai te hian ngaihtuahna a tithui hle a. Sorkar hnathawk awm ve lohna chhungkua, mangan nikhuaa tlanna tur pawh hre mang lo ten ‘tlumtea thlir taka kan lo thlir’, hna lak nikhuaa sorkar hnathawk awm lohna chhungkua atanga diltu duhsak tura an intiam laia chutiang hmuh tur a awm si lo te hian kan baihvaih zia a tilang nawn niin ka hria a. Kan ram boruak chik taka thlir hian, an tiam ang ngeia Lunglei lam ngaih pawimawh hi tih ran a ngai hle tawh niin ka hria.

Bawhzui lai 97 an neih te hi kan enchian chuan, a tam zawka an hmalakna hi a la nep em em a. A hmingin kut an thlak a ni ber a. Mipuiin kan nghahhleh zual land reform lam te; damdawiin tihchangtlun lam te; zirna siamthat lam te; thiamthil zirna lam te; kan sawi lar em em NLUP lam te; Hydel Project lama hmalakna te hi chak zawka kal turin sorkar hian tan han la zual se a that hle ka ring a. Tunlai thil awmdan thlir hian, an lo tiam tawh ngei, Sinlung Hills Development Council tihchangtlun lam hi hmanhmawh ni se kan hnam tan a that a rinawm a. Kan ram sum leh pai dinhmun enin Women and Child Welfare Department din te; Consumer Affairs Department din te; School zawng zawnga Physical Teacher dah te hi chu muangchan pui se kan tan a that zawk a rinawm a. Kumin Budget-ah khan sum tam tak dah anih avangin District Development Board/ Committee dina hna thawh tir thuai a tul khawp mai a. Eirawngbawlna gas lamah hian tan an lak zual a tul hlein a lang a.

A tira ka sawilan tawh ang khan Election Manifesto hi ‘ziaka tih tur tiam’ niin ‘thutiam’ a ni a, a pawimawh em em a. Kan Bible-ah chuan, “Mahni tana pawi tûr pawh chhechhama tiam tawh chu tidanglam ngai lova…’ (Sam 15.4) tih anih laiin an thutiam zinga thenkhat hi an ti leh dawn lo anga ngaih theihin hruaitu thenkhat an tawng fo a. Hei hi thil tha lo tak niin ka hria a. An manifesto-a an ziah tawh zinga pawimawh tak tak - Administrative Reforms Commission din te, Vigilance Commission din te, Farmers’ Commission din te, Special Economic Zone siam te, Hindi Directorate siam te, Professional Language Institute din te, Career Guide Centre din te, Students’ Foreign Portal din te, Youth Welfare Commission din te, Youth Development Corporation din te, Foreign Employment Cell din te, Mizo Language Software siam te leh a dang tam tak te hi, an ti leh dawn lo anih chuan, a chhan chiang taka sawiin, mipui hnena ngaihdam dil chungin, chiang takin an ti leh dawn lo a ni tih an sawi ngei tur a ni a. Mipui hi min namnul mai mai tur a ni lo.

Mizoram sorkar thua thil tih theih ni miah lo ti tura intiamna 10 lai an nei hi a runthlak ka ti a. An sorkar hma khan heng te hi State sorkar thu a ni lo tih an lo hre lo palh a ni ang ti dawn ila kum 10 chuang sorkarna chang tawh party an ni lawi si a. Engvanga hetiang hi ziak mai nge an nih ang tih hi ka ngaihtuah buai thin.

Mawmrang bu-a a khaikhawmna kha, tihsual palh kan neih avangin a dik lo a. Taxation kha Pu Lalsawta hnuaiah kan dah a, kha kha dik lovin Pu Zodintluanga hnuaia dah tur a ni a. Chumi anih hnuah chuan tuna sorkar hmalakna dinhmun dik tak chu hetiang hi a ni:

No Minister & Portfolio Manifesto nena inkungkaih Department awm zat Tihtur tiam awm zat Sorkar hmaa tihsa zat Hmalakna awm zat Hmala lak loh zat
Tihhlawhtlin zat Bawhzui mek zat A letlinga kalpui zat Total
1 Lal Thanhawla CM
(Pol & Cab, Vigilance, I&PR, GAD, PWD, P&E, District Council, Minor Irrigation) 6 31 1 2 18 1 21 9
2 R. Lalzirliana Cab Min
(Home, Prison, RD, SAD, Fisheries) 1 12 1 3 6 0 9 2
3 H. Liansailova Cab Min
(Finance, Planning, Agriculture, Horticulture, DP&AR) 5 15 0 3 7 4 14 1
4 S. Hiato Cab Min
(Industries, Tourism, PHE) 4 9 0 0 8 0 8 1
5 P.C. Zoramsangliana Cab Min
(Transport, Art & Culture, Printing) 2 7 1 0 6 0 6 0
6 J.H. Rothuama Cab Min
(Revenue, Co-operation, Excise, Soil) 2 6 1 0 3 1 4 1
7 Lalsawta Cab Min
(Law, Parliamentary Affairs, Education, Higher & Tech) 4 21 2 3 8 2 13 6
8 H. Rohluna Cab Min
(E&F, FCS&CA) 2 10 0 0 5 3 8 2
9 Lalrinliana Sailo Cab Min
(Health, Labour, T & C) 3 16 0 2 9 0 11 5
10 Zodintluanga Cab Min
(UD&PA, Sports, I&CT, Taxation) 5 28 2 4 20 1 25 1
11 Nihar Kanti Chakma MOS
(AH&Vety, Seri, DM&R) 2 2 0 0 1 1 2 0
12 P.C. Lalthanliana MOS
(LAD, Social Welfare) 2 9 0 3 5 0 8 1
NLUP Thuhmahruai - 1 0 0 1 0 1 0
13 TOTAL 38 167 8 20 97 13 129 29
14 Percentage - 100 4.7 11.97 58.08 7.78 77.24 17.36
28 ie. 16.76

Tichuan, a pumpuia thlir a, tun programme leh April, 2012 programme thlir kawpa hma an sawn dan chu hetiang hi a ni:

Hun Sorkar hmaa tihsa zat Hmalakna awm zat Hmala lak loh zat
Tihhlawhtlin zat Bawhzui mek zat A letlinga kalpui zat Total
April, 2012 8
(4.7 %) 20
(11.97 %) 90
(53.89 %) 11
(6.58 %) 121
(72.45 %) 38
(22.75 %)
28 (16.76 %)
October, 2012 8
(4.7 %) 20
(11.97 %) 97
(58.08 %) 13
(7.78 %) 129
(77.24 %) 29
(17.36 %)
28 (16.76 %)

He Mizoram Watch programme hi Minister leh ruling party hruaitu thenkhatin an sawisel leh zauh thin a. 2008 MLA inthlan hmaa kan kalpui tur thu kan hrilhlawk tawh anih avangin sawisel mahse kan kalpui zel dawn a, kalpui hi kan inthlahrung dawn hauh lo a. Tin, 2011 October thlaa programme kan neih dawn atang khan opposition party pathum – MNF, MPC leh ZNP ten an boycott hlauh mai a. A pawi kan tih rualin kan kal a kham dawn chuang lo a. Political Party zawng zawngin, an sorkar aniha thil tha an tih theih nana he programme hi kalpui kan nih avangin, min telpui zel se kan duh a. Ruling lam te, hemi hi sawisel lova tang sauh sauh zawk turin ka ngen a. Opposition party thenkhat, he programme boycott tu te hi, 12th Mizoram Watch kan neih leh huna lo tel turin ka sawm a ni.

A tawp berah chuan, nakumah kan inthlang leh dawn a. Harsatna lian takin min dal anih loh chuan inthlan hmain, 2008 MLA Inthlanpui hmaa kan tih ang khan, lian zawkin party hrang hrang Manifesto kan khaikhin leh dawn a. Sorkar thar a awm hunah tun aia strict hian Mizoram Watch hi kan kalpui leh dawn a. Chuvang chuan, political party zawng zawng te Manifesto an siam huna fimkhur turin ka ngen lawk a. Mipui pawh Manifesto atanga vote tur thlang turin ka ngen che u a. Political Party te’n Manifesto tha an neih a, sorkar apiangin an Manifesto an bawhzui that chuan kan ram hian hma a sawn dawn a ni tih hre rengin, kan ram leh hnam tan ngaihtuahna i hmang ang u.

36. MODERATOR : REV. ROSIAMLIANA TOCHHAWNG, LECTURER, ATC:

Election Manifesto hi party manifesto ni mah se sorkar an siam tawh chinah chuan sorkar manifesto niin mipui manifesto a ni tawh a. Chuvang chuan an bawhzui dan hi mipuiin akn chik a tul a. Chik taka en hi kan mawhphurhna a ni zawk mah a ni.

Inthlan lehah uluk takin party ten manifesto siam tawh se a tha a. Tihhlawhtlin dan tur ruahmanna fel tak neiin siam tawh se a that ka ring.

Manifesto hlawhtlinnan hian Ministry in mawhphurhna a neih rualin sorkar hnathawk te mawhphurhna a sang hle tih hriat thar a tul a. Sorkar hnathawk ten tan lak nachang hre teh se.

Note : Chiang zawka hre duh tan hetiang hi sorkar hmalak dan chu a ni-

A : SORKAR HMAA AWMSA 8 TE:

State Election Commission (2.2); Separation of Judiciary (3.3); Hnam dang danna (4.3); Sipai bangte duhsakna (6.1); Driving License 9.3); Research Scholarship (12.2); Information Technology Department 16.1); Call Centre (16.5)

B : TIHHLAWHTLIN TAWH 20 TE:

Police Welfare Commission (1.6); Ethics Committee (1.9); State Finance Commission siam (2.3); Court siam belh (3.2); State Law Commission (3.4); WW II veteran (6.2); Ex Service reservation policy (6.7); Hmeithai hamthatna (7.3); State Council for Child Welfare tihchangtlun (7.4); Women Commission tihchangtlun (7.5); Labour enkawlna (9.1); Mizoram Municipalities Act, 2007 siamthat (10.2); Town Sanitation Rules siamthat (10.3); Education Reforms Commission (12.1); Health Insurance Scheme (13.1); Sports Doctor (14.14); Sports and Youth Services budget (14.9); Sorkar hnathawk computer zirtir (16.9); World Bank kawng (17B.4); Infrastructure Development Authority (17F)

C : A LETLINGA HMALAK 13 TE:

MPSC Chairman leh member ruat (1.3); Administrative Reforms Commission (1.8); MLA, Minister leh Speaker te hlawh (1.10); Village Establishment Act (4.4); VAT ennawn (5.3); Ran chiuna (18); Kuthnathawktu ID Card pek (21.1); Contract farming (21.2); Farmers’ Commission (21.10); Mahal System (25.6); Forest Reserve siam leh a awmsa ennawn (25.7); Environment vawnhim (25.8); Co-operative Society te NLUP-a hman (26.2)

D : BAWHZUI MEK 97 TE:

ACB (1.2); Police (1.5); CBI (1.7); Panchayati Raj (2.1); VC (2.1(a)); District Development Board (2.1(b)); VC (2.1(c)); High Court (3.1); Mihring chhinchiah (4.2); ST etc. hamthatna (4.5); Land ceiling (5.1); Land record (5.4); Armed forces coaching centre (6.5); Sainik School (6.6); Sipai bang (6.9); Pianphunga rualbanlo (6.11); Women and Child Welfare Department (7.1); Roluah chhawn dan (7.2); Rambuai chhawmdawlna (8.1); SHDC tihchangtlun (8.2); Bru (8.3); Driver Welfare (9.4); Aizawl tuilak (10.1); Municipal dan (10.2(a)); Aizawl bawlhhlawh paih (10.2(b)); Khawpui dang bawlhhlawh paih (10.4); Journalist hamthatna (11.1); Journalist chawimawina (11.2); Vocational Education (12.2); Referal Hospital (13.2); District Hqrs.-a damdawiin (13.3); Sports policy (14.1); Aizawl Stadium (14.2); District khawpui leh town lian stadium (14.3); Aizawl indoor stadium (14.4); Sports academy (14.5); SAI centre (14.6); Infiammi duhsak (14.7); PE Teacher (14.8); Talent scouting pool (14.10); Infiamna thlan (14.11); School-a sports uar (14.12); NCC (14.13); Zirna tha din (15.3); Publication Board (15.5); Coaching (15.6); Students’ Exchange Programme (15.8); Zirlai loan (15.9); Music & Fine Arts (15.12); STP (16.2); School computer (16.3); Computer zirna (16.4); Public information kiosk (16.6); RIC leh CIC (16.7); Hydel Project (17 A1); Non conventional sources of energy (17 A3); East-West corridor (17 B1); PMGSY (17 B3); Leilawn dawh (17 B5); Thenawm State kalpawhna (17 B6); Economic Road (17 B8); Tlabung – Kolkatta kawngpui (17 B9); Look East Policy (17 C1); Inland water transport (17 C2); Rel kawng (17 D); Lengpui Airport (17 E1); Warehouse (17 E2); Cargo Service (17 E3); Airport thar siam (17 E4); Helicopter service (17 E5); Airlines lama training (17 E6); Oil & Gas Exploration (17 G); Industry (19); Cottage industry (20); NLUP (21); Kuthnathawktu inelna (21.3); Thlai chi tha (21.4); Crop Zone (21.5); Aizawl market (21.6); Khawpui dang market (21.7); Roadside market (21.8); Transport subsidy (21.9); Minimum Support Price (21.11); Tui dahkhawlna (21.12); Tuilak (21.13); Thlai thar hralh (21.14); Food Processing etc. (21.15); Border trade (21.16); Consumer Affairs Department (23); Cooking gas (24); Reserved forest (25.2); Tuilakna hnar humhalh (25.4); Teak etc. hralh (25.5); Cooperative society (26.1); Eco tourism (27.1); Eco-Tourism (27.2); Development Plan (28)

E : HMA LA LAK LOH 29 TE:

Vigilance Commission din (1.1); Sorkar hnathawk awm lohna chhungkua atanga hna diltu duhsak (1.4); Lunglei-a Mizoram Southern Divisional Headquarters dah (2.4); Mizoram chhunga awm zawng zawng chhinchhiahna siam (4.1); Ram chhiah etc. awlsam (5.2); Ex-Service Contributory Health Scheme (6.3); Armed Forces Officers Cadre (6.4); Sipai bang inhmun pek (6.8); Tar chawmna tihpun (6.10); Hnathawktu lakluh dan mumal siam (9.2); Hindi Directorate siam (12.3); Sipai etc. zirna siam (12.4); Mizoram University puih (12.5); Youth Welfare Commission (15.1); Youth Development Corporation din (15.2); Professional Language Institute din (15.4); Carreer Guide Centre din (15.7); Students’ Foreign Portal din (15.10); Foreign Employment Cell din (15.11); Mizo Language Software siam (16.8); Power Minister kaihhruai High Level Committee din (17A.2); 123 Agreement hlawkpui (17A.4); Thermal Power Plant (17A.5); Asian Highway Project (17B.2); Aizawl – Zokhawthar via Champhai leh Lunglei – Tlabung kawng National Highway-a puantir (17B.7); PWD Manual siam (17B.10); Special Economic Zone (22); Inner-Line Forest Reserve (25.1); Private Game Reserve siam (25.3)

F : MIZORAM SORKAR THUA TIH THEIH LOH 10 TE:

Police pui tura CBI rawih (1.7); Ex Service Contributory Health Scheme tangkai nana pawisa pek belh (6.3); SAI Centre puitling siam (14.6); Indo-US nuclear deal (123 Agreement) (17A.4); East - West Corridor kawngpui sial leh National Highway No 54 hi 4 Lane-a siam (17B.1); Asian Highway Project (17B.2); Aizawl – Zokhawthar via Champhai leh Lunglei – Tlabung kawngpui National Highway-a puantir (17B.7); Tlabung leh Kolkata inkara motor kawng (17B.9); Inner-Line Reserved Forest (25.1); Private Game Reserve siam (25.3)

 (source: PRISM)

Mizo: AN APPEAL: TO ALL GLOBAL MIZO CHRISTIANS

In dam ṭhat lai a nih kan beisei. Thil pakhat pawimawh tak mai tlangzarh duh kan nei a, chu chu khawvel pumpui huapa Mizo Kristian zawng zawngte thawhhona pawl pakhat, PROGRESSIVE MIZO CHRISTIAN FOUNDATION (PROMIC) din tura hmalak mek a ni a. Mahse pawl han tih hian pawl hrang, club emaw, gang emaw, charity lam hawi pawh ni lem lovin, khawvel pum huapa Mizo Kristian tawh phawt, ngaihtuahna leh duhna thuhmun nei te inzawmkhawmna tur a ni dawn a. He pawl ina a tum bulpui ber tur chu khawvel pum huapa POSITIVE (nitin nun kawnga ngaihtuahna ṭha zawng positive attitude neihtir), PROGRESSIVE (eng dinhmunah pawh ding chunga hmasawn zel nun neihtir) leh PROSPEROUS (nun hausa, sum leh pai lama intodelh mai bakah mahni mihringpuite tana malsawmna nih tumtir) Mizo Kristian siam chhuah a tum ber ang. Chumi rual chuan Krista thutak nunpuitu nih a Pathian thu hi chetzia leh nitin nunphunga puan darh zel tum tur pawl a ni bawk ang. Chuvangin he pawl innghahna-ah pawh ‘Philipi 4:13 Mi tichaktu-ah chuan engkim ka ti thei a ni’ (Through HIM everything is possible) hman a ni.

Mizote hi hnam huaisen leh râl laka tlawm ngai lo hnam kan ni ṭhin a. Chuvangin chu dinhmun chu nei let leh turin kan rin Pathian hian Zofate hi kawng engkimah a ber kai hi min phal sak a ni tih kan ring bawk a; Pathian nung kan biaka hming hi keng kawh a, he meichher hi chhem nung zel tur kan ni nghal bawk. Amaherawhchu thil ṭha reng reng hi mahni chauha tih harsa mah se, thawhkhawma chu Kanaan ram chu thleng thei mai si tur, mithlaa kan lo hmuh ṭheuh tawh ram nuam leh hnam ropui chu din thar leh turin kut insuih khawm kan rawt a ni. Tin, nunkawng hrang hrangah ṭhianṭha leh duhsaka min fuih leh nawr kaltu nei lova mahni chauha lo beidawng mekte, he khawvelah beisei leh chuan tur nei tawh lo ni awm taka inhria nun beidawng mek te chhanchhuah tum pâwl a ni bawk ang. Mite hriat lova mahni chhunga sual awm chu a ruka rinawm taka lo do tu te hi mi ropui leh fel an ni zawk a ni tih hrethiamin, chu indona-ah chuan kan lama ṭang an awm ve tih hriattira tumruhna thar inpek tawn chu kan tum ber pakhat a ni bawk.

He pawl hi khawvel pumpui huap (Global organization) a nih dawn avangin hmun tinah Chapter (branch/unit ang hi) din phawt ṭulin kan hria a, chumi atan chuan member pasarih tal inhlawmkhawmin a din theih a. He chapter-ah hian Chairman, Secretary leh Treasurer bakah committee member pali tal neih a din tur a ni ang a. Membership fee atan INR `100 (One hundred rupees only) ngai tura ngaih a ni a, chumi membership fee pawh chu nakinah a remchan dan azirin kan Global headquarters tur Aizawl, Mizoram lama la chhun luh tura ngaih a ni. Chuvangin he kan thil tum min hriatthiampui a min phurpuitu khawvel khawi hmuna Mizo Kristian tawh phawt, rilru ang khat pu, mahni ram leh hnam hmangaih te, Pathian ram zau zel nana thawh inhuam te leh khawvel thila a ber thlentum tlatte he pawla lo tel tur hian kan sawm che u a ni.

Conveners:
1. Samuel Lalrozama Hmar, email: sammylrza@gmail.com, +91-9886447684.
2. Hriata Chhangte. Email: lalpahriata@gmail.com, +91-7259524059

Dated: The 19th October 2012, 22:30 hrs IST at 377, CPWD Quarters, Koramangala, Bangalore-560034.

Mizo: Zoluti laklet lehna kha SAILAM a ni

Zoluti lakleh thu-ah hian thu inchuh a awm a, sap hoin an lakletlehna khua hi Thenzawl, Sailam leh Kawlri te niin sawi a awm a. Mahse Serchhip ṭanna leh dinchhan hi zahawmin ngaihnawm hle mah se Zoluti lak kir lehna khau chu Bengkhuaia khua Sailamah ngei a ni tiin dah ila a pawm a nuam ber e, tiin Mizo historian zinga chik tak leh uluk tak, sorkar hriatpui meuha kan hnam chanchin chhui ṭhintu Pu B.Lalthangliana chuan ‘Mizo chanchin chik taka chhuina’ tih bu-ah a dah. A ṭanna te chu he’ng mi rintlak tak takte ziah aṭang hian a ni. KA ṭhiante hian in lo hriat ve mai maiah ka’n tarlang e:

1. Mizo chanchin ziak hmasa ber Rev.LIANGKHAIA chuan, “Vai lian chu an kal zel a, Sailam an thleng a. Bengkhuaia te chuan kap loin an lo bia a, an tum ber sap naupang chu an pe leh ta a. Jan 21 1872 ah hian Zoluti chu an la chhuak leh ta a ni,….” A ti. A lehkhabuchhut 4-na ah MAL chuan Kawlri tiin an lo thlaksak

2. Pastor CHALLIANA chuan, ”Sap pakhat Winchester an tih chu an that  a. A fanu kum ruk mi lek hi an man a, an hruai haw ta a. Hmar lam lal Bengkhuaia Sailalm lal inah kum khat chu a awm. Kum 1872 vek chuan Vai an lo lian ta a…. Mingo naupang Mary Winchester an tih te chu an la chhuah leh ta a ni..” tiin a ziak. Pastor Challiana hi kum 1970 ah sap upa kaihhruaiin pastor Chuautera nen sap ramah an kal a, Zoluti ngei an  zu hmu leh a, a inah an lenga chaw pawh vawi eng emaw zat an ei. Mizote zinga hmu leh hmasa ber a ni awm e. Chuvangin a thusawi hi a pawmawm.

3. Pastor VANCHHUNGA chuan Bengkhuaia chanchin sawiin, “Sailam tlang sangah khua a siam a, 1000 khua a nei a. Cachar vai a run a, thingpui huan sap naupang hmeichhia a mana , a khua-ah a hawn a… a hmingah Zoluti a ti. A sap hming chu Mary Winchester a ni. Kum khat lai chinah chuan sawrkarin Col. Lewin sap chu laktir turin a tir a, Mizote’n hming an vuah a, Thangliana an ti; chu chuan kum 1872 vel khan a la kir a…” tiin a lo ziak

Pastor Vanchhunga pawh hian a lehkhabu  thuhmahuria-ah kum 1881 ah khan upa kum 90 leh 70 mi tur hote hian mihring chanchin hlui, hun kal ta thute hi an sawi fo ṭhin a. Upate thu chu lehkha nei loin bengin kum 1891-96 inkar ka ngaithla a. A chang chanigin mi upa zual leh thil chanchin hre thiam awma ka rin ka hmuh hian chanchin hlui ka zawt fo ṭhin a, kum 1906-ah chuan chanchin hlui ziak khawmna bu ka nei a..”a ti bawk . Chuvangin hmanlai upate a kawm pha ṭhahnem hle a, a be tam bawk a, a thu ziakte hi a pawm a hahdam viau awm e.

4. Pu LALMAMA pawhin Lt.Col.TH Lewin chanchin sawiin, “He mite hi Sailam thlengnin an kal a, chutah chuan Bengkhua-a sap naupang sal kawl kha inkah pawh awmloin inbe remin an laksak leh ta a. Chu kum 1821 Jan ni 21 a ni. Sap naupang an man hi Mizo chuan Zoluti tiin a hming an phah a, a sap hming chu Mary Winchester a ni.”

5. Pu VL SIAMA pawhin Bengkhuaia phaitual run thu sawiin, “Sap pakhat Winchester leh a fanu kum 5 mi lek hi thingpui huanah chuan an leng a.. a pa chu an that a, a fanu chu an nung chungin an man a, Sailam khuaah Bengkhuaia inah a awm a, a hming chu Mary Winchester a ni a. mizo hming atan Zoluti an ti a… Jan ni 21 1872 kumin an han la chhuak leh ta . Mizoramah kum khat dawn a awm a nih chu…”

Pu Lalmama Mizo Titi pawh hi primary school zirtirtur kum 1957 vela an ziah tir a ni a.  VL siam Mizo history pawh middle school zir turin kum 1953-ah an ziahtir a ni bawk. Tichuan thlur thumah sikul zirlai bua hmangin kum 30-50 vel lai Bengkhuaia khua sailam aṭangin Zoluti lak kir thu hi ram pumah zir a lo ni tawh.

6. Mizoram bawrhsap pawhin, “Dr.Winchester-a chu an kap thlu a, a fanu Mary chu manin Mizoram laili lamah an hruai a, Sialsuk khaw bul Bengkhuaia sailo lal hnenah him taka enkawl a ni,” tiin a ziak.

7. Mizorama kum 20 lai rawngbawla awm Rev.JM Loyd chuan Alexandrapur rammut ṭumin 22 Jan 1963 thawhleh zana biak ina inkhawmna-ah thu a sawiin, “Zoluti chu tun hma kum 92 ah chuan Jan 23 ah man a ni tih leh Sailam lal Bengkhuaia inah an hruai tih kan hria..”a lo ti ve bawk.

(pic source: zotuithiang.webnode.com)