Mizo: Thlawhtheihna Black-Box

BLACK BOX request a awm a, post leh lawk ang aw...

DFDR data kan download zo chiah a, zàn boruak thiang chu feet 15-a sâng ațangin ka hîp vel… Ka țhianpa chu ka hnungah a rawn chhuak ve mêk.

Digital Flight data recorder (DFDR), ADR-Accident Data Recorder tih bawk, hi electronic device a ni a, thlawhtheihna electronic system-a electronic instruction pek chhuah leh lâk apiang record-tu a ni. Specific aircraft performance parameters record nan hman a ni. Thlawhtheihna a tlak emaw accident emawa an zawn hmasak ber, data vawnghimtu a ni.

Hei hi "black box" tia hriat làr leh sawi țhin a ni bawk. Data a record te chu accident investigation, leh air safety issue thil analyze nan te, thlawhna khâwl leh part tlachhia en nân te (material degradation) leh Engine thawh țhat leh țhat loh hriat nan (engine performance) te hman a ni bawk. Hetia a pawimawh em vang hian na tak leh chak taka vuak/khawn chawrh (high speed impact) dâwl zo tur leh meialh laka eng emaw chen him thei (heat of an intense fire) tura design a ni.

A RAWNG:

Tin, Black box tih a ni na a, a rawng hi kàngmei laka him tur (heat-resistant) serthlum rawng lar tak (bright orange paint)-a hnawih chhuah a ni țhin, a chhan chu accident palh pawha hmuh awlsam turin. Cockpit voice recorder (CVR) hi a bulah dah a ni țhin bawk a, chu chuan cockpit chhunga pilot-te inbiakna leh thalwhtheihna ațanga ATC inbiakna chi tin reng a record a, a pahnih hian unit khata dah dun a ni fo.

A AWMNA:

A dahna hmun hi thlawhna mei lam [aircraft's empennage (tail section)]-ah a ni deuh ziah bawk. Hei hi thlawhtheihna a tlak pawha engine puak leh fuel kang laka him nana tih a ni. Airbus A320 series-hovah hi chuan a mei lamah hian ding lam (starboard side)-ah hawn theih kawngkhar tereuhte a awm a, chutah chuan luha downloader hmanga download țhin tur a ni. Chu chu Aircraft Maintenance Engineer hna a ni a, operations department lamah theh luh țhin tur a ni. Hei hi avionics engineer-ho hna a ni na a, keini Mechanical (Engine & Airframe) lam pawhin kan ti ngun hle. Thlawhna nâwt faitute leilawn kan hman țangkai hun lai ber a ni bawk awm e

A HMING HI:

Science, computing, leh engineering, lamah chuan khâwl emaw, hmanrua emaw, taksa chi khat eng emaw pawh hi a thil dawn/lâk luh leh pek chhuah chauh hriat a, a chhunga a thawh dan tak hriat chian theih si loh a nih chuan 'black box' tia sawi a ni. A hna hlen chhuah dan (implementation) chu hriat loh/ thim chhah tak ("opaque/black) ang mai a ni. Hengte hi Black Box tia sawi a ni fo: a transistor, algorithm, mihring thluak.

Aviation bikah hian a hming put dan hi sawi dan hrang hrang dang a awm leh nuk a:

1. Thlalak siamtu thlalak siamna hmun- darkroom an tih ang maia a chhung lam hi a thim/dum a ngai a, recording data corruption ven nan. Chu vang chuan black box tia sawi a ni, an ti.

2. Cold War lai, kum 1950 chho khan a vawi khatna atan thlawhtheihna instrument reading mai ni lo, inbiakna audio thlenga record thei khâwl chu Australia mi David Warren-a'n a siam chhuak a, a rawng a sen lar vât vangin "Red Egg" tia sawi a ni nghe nghe. Meeting țum khat an neihin journalist pakhat chuan, "Black box mak dangdai leh țha tak a nih hi," tia a sawi ațanga hman țan nia sawi a ni. He unit hi EMI Minifon wire recorder, kum 1950 chhova West-German manufacturer Protona Monske siam inenthlakna hmanrua (espionage gadget) zulzuia siam a ni nghe nghe.

3. Sawi dan dang leh chu Indopui Pahnihna laia RAF (British Air force)-ho țawng hman uar a ni, tih a ni. Kum 1940-1945 hhung khan electronic khawl thar tam tak thlawhtheihna (a bikin bomber)-ah vuah chhin a ni a, entir nan: Oboe, GEE leh H2S. A hmasa lamho chu kuta siam thîr bâwm, enkhalh (reflection) dâl tura rawng dum hnawih-ah khung a ni hlawm vek a. Hun a vei deuh hnu chuan eletronic khawl thar apaiang chu "box-of-tricks" (mit dawivaih thiamte bâwm) emaw "black-box" emaw tiin an sawi zui ta zêl ni awm a ni.

Huah....

AIRBUS A320 COCKPIT BIH CHIANNA.

Vei lam leh ding lam hi a inang a, Aircraft Maintenance Engineer te chuan khalh zir ve lo mah ila, thlawhna control dan hi kan thiam ve ngei a ngai a ni. Night shift neih hunlai ngai chungin i lo bih chiang ang u aw. Airbus320 hi mi 180 vel chuan theihna a ni.

___________________

A. GLARESHIELD: A chung ber ka kut awmna zawn line hi a ni.

I. CAPTAIN'S SIDE PANEL:

1. Button lo awm hmasa ber chung zawk hi Master Warning a ni a, a senin a eng țhin a ni, level 3 Warning a awmin.

2. A hnuai ami hi Master Caution a ni a, serthlum rawngin a êng țhin, level 2 warning a awmin. A chung aiin a hlauhawm lo deuh.

3. A dawt chung hi Chrono switch a ni a, sana control-na a ni ber.

4. A hnuai ami hi Side Stick Priority Lights a ni a, Pilot-in control a hloh dawn țanin a senin a êng țhin.

II. CAPTAIN'S ELECTRONIC FLIGHT INSTRUMENT SYSTEM (EFIS) CONTROL PANEL: Hei hi a dawtleh, ka kuttum thleng vel hi a huam a, thlawh theihna tura instrument hrang hrang control-na a ni.

III. FLIGHT CONTROL UNIT (FCU): Hei hi a piah lam zawng hi a ni a, thlawh theihna tura control-na lam a ni ber, auto pilot te, kalna lam, chak zawng, chung lam thlawh chhoh chak zawng leh a dangte.

____________________________

B. CENTER INSTRUMENT PANEL: Hei hi a lai panel phei zawng hi a ni.

I. A vei lam sir ber hi PRIMARY FLIGHT DISPLAY a ni a:–

1. A laiah hian thil bial a awm a, a chung van a hnuai lei a entir a, a lai tuipui san zâwng.

2. A dinglama thil tung hi altimeter setting a ni a, a sàn zawng tehna.

3. Veilam thil tung hi airspeed indicator a ni- a chak zawng tehna.

4. A hnuai line awm hi heading reference tih a ni a, pan lam zawng tilangtu

II. A dawt hi Navigation reference a ni a, thlawhna lam hriattirtu a ni. A chung ami pahnih herhin a thlak theih.

III. A dawt panel hi lo thlir ila:

1. A chung pathum hi Landing Gear indiacator a ni a, a ke pathum chu a chhuak nge chhuak lo hriatna a ni. A hrin chuan a dawk chhuak a, a in-lock țha tihna a ni a, UNLCK tih a sena a lan chuan a chhuak lo tihna a ni.

2. A sirah break fan switch a awm.

3. A hnuaiah auto break system a awm a- low, med, max switch.

4. A sirah Anti skid & Nose wheel steering button a awm - on /off. Off hi chuan a hma ke, a kualna ber a control theih loh a, hei hi thlawhna a thlawh chhuah dawna tractor hmanga nawr let tuma hman țhin a ni tlângpui.

5. A hnuai chiaha switch hi Terrain Map Display-na a ni.

6. A hnuai ami hi kawih thlak leh chho thei a ni a, Landing gear (a ke) pawh chhohna a ni.

7. A sir ami hi Sana a ni.

8. A hnuaia indicator awm hi Brake Accumulator leh brake pressure a ni. Hei hi Hydraulic fluid pressure enna a ni.

IV. A laia panal pahnih a awm leh a, chungte chu Electronic Centralized Aircraf Monitoring ( ECAM ) Panel tih a ni:

1. A chung zawk hi Primary Engine Display a ni a, engine chungchang hriatna a ni- Fuel quantity, Flap leh Slat position te a entir.

2. A hnuai ami hi a hnuai leha hmeh tur tam deuh azirin display hrang hrang tilangtu a ni a, entir nan:

• Tuna awm mek hi door/ Oxygen page a ni a, kawng inhawng leh hawng lo a ti lang a, slide draft a in arm nge arm lo a ti lang bawk.

• Wheel page- break temperature enna.

• Engine page- oil quantity a lang.

• Flight control page- A thla țanpuitute chet dan zawng

• Hydraulic page – Gren Blue leh yellow system a khah leh khah țhat loh lanna.

• Overall system – Thil dik lo a awmin a ti lang țhin a. A din lai hi chuan Autopilot 1& 2 function lo tih a awm țhin, chu chu thil normal a ni.

IV. A piaha panel chung bera pahnih saw

1. Standby Altimeter

2. Standby Airspeed

3. A piah ami hi Attitude indicator (inher dan, sir zawnga sawih lam tehna) a ni a, electronic system a chhiah hnuah pawh minute nga la thawk thei a ni.

4. A hnuai bera indicator lian deuh hi Digital Distance & Radio Magnetic Indicator a ni a, compass ang hi a ni ber ang chu hriat thiam dan turin.

_____________________________

C. CONTROL PEDESTAL: A hnuai ber panel hi a ni

1. A vei lam sir ber ami hi Multifunction Control Display Unit (MCDU) a ni a, hei hi Airbus thinlung leh thluak bulpui ber a tih theih awm e, heta țang hian engkim a en theih a, kalna tur lam te a set theih a, engineer pawhin a thlawh tawp berna status kan print out țhin a ni

2. A hnuai chiah hi Radio Management Panel (RMP) a ni a, inbiak pawhna hrang hrang radio frequency set-na a ni

3. A hnuai panel leh hi Audio Control Panel (ACP) a ni a, inbiak pawhna leh thil hrang hrang rin lam set-na a ni.

4. A lai chung ber hi Switching Panel a nia, Captain, First Officer leh a laihawl set na.

5. A hnuaia mi hi ECAM control panel a ni.

6. A hnuaia wheel ang deuh awm hi Pitch Trim Wheels a ni a, horizontal stabilizer set-na a ni. A thla puitute a ni ber ang chu.

7. A lai ami pahnih hi Throttle a ni a, engine phuh chak zawng set-na a ni. Lever position panga a awm a: Reverse Idle, Forward Idle, Climb (CL), Continuous Thrust (FLX/MCT) and TakeOff / Go Around (TO/GA). A let zawnga phuh a ngaih changing reverse ah set a ni.

8. A hnuaia switch pahnih awm hi Engine one leh two off leh on-na a ni a, a laiah hian engine mode selector her h tur a awm (A din lai chuan a laiah normal-a awm tur a nia, vei lamah crank a nia, ding lam ignition leh start a awm)

Mizo: Zawhna Pahnih

Nimin chu Bangalore KȚP fellowship ka inkhawm ve hman hlauh mai a; chutah kan leader-in rin loh tak maiin mipui hmaah min kawm hlauh zui a, zawnhna țha tak tak 2min zawt a. A țha ka tiin țhalaite tan thil țangkai tak pawh a nih ka ring a, ka lo ngaihtuah chian ngai loh thil a ni. A ngaihtuah chhuah vangin a innovative ka ti a ka fak hle a ni. Ka hna lam leh ka hobby chungchangah a ni a:
1.Thlawhtheihna hi engtin nge a thlawh?
2. Mixed Martial Arts leh Pathian thu hi a kaih kawp theih em? Bible chuan biang lehlama bengtu chu lehlam dawh turin min hrilh bawk si a. Rawngbawl nan te a hman theih em?

Zawhna 1-na hi chu sawi zui vak lo ila.
--Thlawhna ti kângtu ber chu aerodynamic shape-a a thla hi design a nih vang a ni. Bernoulli's law hmanga duan a ni a, a thla chunga thli kal hi a hnuai aiin a chak zawk a, chu chuan a chung lamah pressure hniam zawk a siam a, a hnuai pressure sâng chuan a chawi kâng ta a ni. Tichuan chakna (force) pali awmte chu ti hian a in-balance a: a hnuai (weight) force hi a chung (lift) force-in a balance chiah a kâng thei turin; hma zawng (thrust) force hi a hnung lam (drag) force aiin a nasa a, chu chuan a ti kal ta a ni...

___________________
2-na:
1. A hmasa berin Martial Arts hi insualna a ni lo va, ramsa bak insual turah kan ngai lo. Art a nih angin artist angah kan inngai a, art chi hrang hrang zinga sâng berah kan dah ve tlat a. Tin, martial arts zingah chuan MMA hi sâng berah kan ngai bawk. Chu vang chuan, MMA zir leh zirtirtute hi moral value sang tak neiah kan indah ve a ni.

2. Tunlai chuan UFC lamah te leh keini India ram chhungah ngei pawh dàn anga ziaka neih chu a ni lo na a, Cage chhunga luh dawn leh khelh zawha chakte hian Pathian hming lamrik emaw Pathian chawimawi emaw hi kan phal tawh meuh lo a ni. Kan naute chu kan hrilh chiah lo na a, hotute chuan kan practice.
(A chhan chu, rin loh karah cage (inelna mual) hi Pathian thu puandarhna hmun țha ber a ni chho mek tlat a ni. Khawi lai inah emaw chuan naupangin, "Ka pa/ka u, i zir nasa a, kan țawngtai nasa bawk si a, chumikhami-a hi a va chak thei bik ve, an Pathian hi a țha/chak bik a ni lo maw? Pathian nung zawk a ni lo maw?" tih zawhna a thleng mek nitein a hriat a. Tu emaw ten advantage-ah an lo hmang a, an lo politicize mêk bawk niin kan hmu).

3. Chu vang chuan, MMA hi PAthian rawngbawlna kawng țha tak a ni teh meuh mai. A chhan dangte:
i. Tlawmna nun kan zir. Naupang chu mahni inhneh hmasa phawt turin kan ziritir. Hnek chawr pawha thinrim lova rilru fim taka awm a țulzia an nunah tuh kan tum.
ii. Dawhtheihna nun neih a ngai.
iii. Tumruhna leh taihmakna nun neih a ngai. Thawh hma, peih chin/  theih chin bak (nia inhriat hnuah pawh) a hmaa lawmman țha zawk awm vanga tih peih/tih luih hram hram zel nun neih kan zir/inzirtir.

Hengte hi Kristian nun pawha kan inzirtir a ni a, zirna leh hnathawh lamah pawh min pui thei a, ka nunah a taka ka hmuh a ni.

4. Orphanage leh naupang awm khawmna hmun kan tlawhin, "Tu nge insual țhin?" tih zawhna ka zawh chuan ban an phar suau a, insual thiam leh huaisen an ngaisang em em. Chutah tak chuan insual kan zirtir a, an thiam thil chu a țha zawnga hman tur a nih bakah Kristianna nun nen ken kawp leh Pathian thu sawi zuina hun min hawnsak a. Naupang zinga rawngbawl nan kawng țha tak a ni a, Bangalore leh Mizoram chhunga ka apply tawh a ni.

SOMETHING ABOUT MY NATIVE PLACE/ मेरा पैतृक स्थान के बारे में कुछ/ ALGO SOBRE MI LUGAR NATIVO

SOMETHING ABOUT MY NATIVE PLACE/

मेरा पैतृक स्थान के बारे में कुछ/

ALGO SOBRE MI LUGAR NATIVO

(Hnam dang țhiante tân... Ziah belh tur a awm em tawi fel deuh?)

____________________________

(Pics: RC Fanai & Rinmawia Renthlei Photography)

Mizoram is one of the states of Northeast India, with Aizawl as its capital.

The name is derived from Mi (people), Zo (hill) and Ram (land), and thus Mizoram implies "land of the hill people".

Mizoram is one of three states of India with a Christian majority (87%).

The Mizos are a close-knit society. There is no class distinction and no discrimination on grounds of sex. The people are mostly non- vegetarian and their staple food is rice. Mizoram has a mild climate; with Heavy rains from May to September. The literacy rate of Mizoram in 2011 was 91.33 per cent, second best among all the states of India.

The word, Tlawmngaihna is a very unique word of the Mizos. It is the word that none will find any equivalent from other dialects.  Tlawmngaihna is the Mizos’ Codes of conduct of life and goodness. It is the right virtue of selflessness, kindness and love. Every one refuses to be helped, not for dreary. Keeping alive with no remorse; but with bravery, a stout heart, to bear pain, until he’s a corpse.

_____________________________________

पूर्वोत्तर राज्यों में से एक है मिजोरम, आइजोल में अपनी राजधानी है। नाम Mi (लोगों), Zo (पहाड़ी) और राम (भूमि) से व्युत्पन्न है, और इस प्रकार 'पहाड़ी लोगों की भूमि' मिजोरम का तात्पर्य। 

मिजोरम एक ईसाई बहुमत (87%) के साथ भारत के तीन राज्यों में से एक है।

एक बुनना समाज Mizos हैं | वहाँ है कोई वर्ग भेद और लिंग आधार पर कोई भेदभाव |

 लोग ज्यादातर मांसाहारी हैं और उनके प्रधान भोजन चावल है। मिजोरम एक हल्के जलवायु है, भारी वर्षा हो मई से सितम्बर । मिजोरम की साक्षरता दर 2011 में 91.33 प्रतिशत, दूसरा सर्वश्रेष्ठ भारत के सभी राज्यों के बीच था।

Tlawmngaihna Mizos का एक बहुत ही अनूठा शब्द है | यह कोई नहीं अन्य बोलियों से किसी भी बराबर लगता होगा शब्द है।Tlawmngaihna, Mizos के जीवन और अच्छाई के आचरण के कोड है। यह सही पुण्य निस्वार्थता, दया और प्रेम का है। हर एक इनकार की मदद की जा करने के लिए नहीं सुनसान | . जब तक वह एक लाश है कोई पछतावा नहीं के साथ जीवित रखते हुए, बहादुरी, सहन करने के लिए एक मोटा दिल, साथ लेकिन, दर्द।

_____________________________________

Mizoram es uno de los estados del noreste de la India, con Aizawl como su capital. El nombre se deriva de Mi (pueblo), Zo (colina) y la Ram (tierra); y, por tanto, Mizoram implica "la tierra de los que viven en las colinas"..

Mizoram es uno de los tres estados de la India con una mayoría Cristiana (87%). Los Mizos son una sociedad muy sólida. No hay ninguna distinción de clase y la no discriminación por motivos de sexo. La gente en su mayoría son los no vegetarianos y su alimento básico es el arroz. Mizoram tiene un clima templado, con lluvias de mayo a septiembre.

La tasa de alfabetización de Mizoram en 2011 fue 91,33 por ciento, el segundo mejor de todos los estados de la India.

La palabra ‘Tlawmngaihna’ es una palabra muy singular de los Mizos. Es la palabra que no se encuentra ningún equivalente de otros dialectos.

Los Mizos Tlawmngaihna es el de los códigos de conducta de la vida y la bondad. Es el derecho de altruismo, bondad y amor. Cada uno se niega a ser ayudado, no de lúgubre. Mantener vivo y sin remordimiento, pero con valentía, un corpulento corazón, tener dolor, hasta que es un cadáver.

Ju Jitsu Association of North East India

Affiliation is open for all the North east states for the Ju Jitsu Association of North East India, Affiliated to Ju-Jitsu Association of India, recognized by the JJAU affiliated to OCA


Also for MMA (under AIMMAA)

Contact: sammylrza@gmail.com
09886447684. 09856049944

Mizo: MISMA HMA LAKNAIN COMBAT GAMES-AH HMASAWNNA THAR MIZOTE TAN

Ngurlianzuala Sailo, 5th IR Battalion, Lily veng chuan India rama National Pro Am Muay Thai tournament, 6-7 May, 2014 Bangalore-a neih; World Professional Muay Thai Federation (Thailand sorkarin  professional Muay Thai promote tura a pawm awm chhun)-in India rama event an sanction event hmasa berah gold medal a la, Light Heavy weight champion of 2014 tia puan a ni... Tin, Samuela Pachuau, Thênzawl pawhin Bantam weight-ah bronze medal a la ve bawk.

Hemite pahnih hi Mizoram State Mixed Martial Arts Association (MISMA) Technical Chairman, Kru Samuel Lalrozama Hmar, tuna Muay Thai India national federation-a National coach ni lai, (Kru hi professor tihna a ni, Thailand sorkar physical education department pawmpuia Muay Thai lama degree dawn a ni) hnenah Bangalore-ah training neiin thla khat an awm a. Ngura hi on-duty leave in Mizoram.police in a tîr a, Samuela hi pune a lehkha zirna ațangin a kal thung. Samuela Pachuau rual hian a batch mate David Chhangte pawh Samuel Lalrozama hnenah MMA training lain a kal ve a, he tournament-ah hian team manager angin a awm nghal.

KHELH DAN

Samuela (-57Kg) hi a khel țha hle a, first round a tluang a; quarter final pawh Iran lam atanga instructor tha tak nei Ramada boxing club  ami chu point-a hnehin a chak a, semi final-ah hian tuna Muay Thai India-a an weight a best fighter ni lai Sulaiman-a a tum hlauh a, mahse, margin tlemte chauhin a chak lo a ni. A vawi khat tournament lian tham hmachhanna a ni  a, a hlawhtling hle. Ngura (-85kg) hi a khel țha chungchuang hle a,  quarter final pawh hneh taka zovin, semi final chu Iran lam coach hrual vêk nen an insû a, first round-ah a hmaia round house kick-a pêtin a knock out a, Final bout-ah chuan Karnataka state MMA instructor nen an inbitum a, ani pawh first round-ah tho, Technical Knock-out in a hneh ve leh.

HLAWHTLINNA

Karnataka state Local tv lamah chhuah a ni a, uday leh sun tv chuan champion te hi interview an nei bawk a, an coach Samuela hi muay thai instructor turin club pahnihin an sâwm nghal hial (₹40,000 per month aia tlem lo hlawh turin). Ngura leh Samuela Pachuau te hi Mizoram State Mixed Martial Arts Association fighters niin MISMA leh Mizoram police an represent a, MISMA thil tum ber Mizo fighter te professional line-a promote tumna kawnga meichher chhitu pakhat an ni ve leh ta. Muay Thai hi Mixed MArtial Arts game tana tangkai ber pakhat a ni a, MMA baka he game luhchilh tel kawnga ke pen hi MISMA hmachhawp pawh a ni.

He event huaihawttu XMA Pvt. Ltd. hi India rama WPMF member awm chhun an ni a, tun kum atangin Muay Thai-ah hian professional level-a promote tumin hma an la mek. Tuna an khelh pawh hi pro a ni chiah lo na a, fighters te hmasawn nân champion te hi ₹10,000 theuh hlan an ni a, ram pawna hruai tura ruahman mek an ni bawk.

SPONSOR

India rama Combat games manufacturing company tha ber tia sawi, USI (Universal Sports Industries), Indian Boxing Federation pawhin a pawm chuan Kru Samuel Lalrozama hi mimal taka sports lama promoter tha tak  a nih angin tun kum khan thawhpui turin contract an sign-pui a, he event-a hman tur muay thai kekawrbul pawh hi amah kal tlangin an sponsor a ni. Tin, Samuela hian a naute hi kekawrbul chu a present ve bawk (thlalaka an hâk hi).

MISMA technical chairman hian Mizote hi talent kan nei hle a, hai chhuahsaktu kan mamawh tih thu a sawi a, nakin zelah chuan mi hausa mi liante hi an rawn harh anga, kan thalai talent nei tha te hi sum lamah an rawn sponsor ngei a beisei a, chutih hunah chuan a talent neihte chu theih tawpa hmang zel turin a intiam tih thu a sawi.

Pic: l-r- Samuela Pachuau, Samuel Lalrozama Hmar, Ngurlianzuala, David Chhangte (Team Manager)

THALAITE KHAWVEL LEHKHABU MYANMAR LAMAH HIT HLE...

Kan lehkhabu pawh Myanmar lam Mizo unuaute'n an lo hlut hle a, bu 50 chu a zo nghal vek a, thawn chhoh leh tura ruahman a ni. Tahan lam thu leh hla puipate pawh present ve an ni bawk a, fuihna thu lawmawm tak min fah bawk.

Thlalak ami hi vei lam atangin Pu Maloma Thadou, Pu Lalbiakmawia (Tahan Literature Circle Secretary) leh Charles Zova (Tahan Theological College -TTC a Lecturer) te an ni a. Thu leh hla lama mi tangkai tak a ni bawk. Darkar 3 lai inkawmna hun an nei.

Lehkhabu ka present ni hi 25 april 2014 zinglam dar 9:30, vel a ni. A hmun-Tahan, Myanmar.

Min buaipuisaktu Lalthuamluaia (lecturer), Rev. James Thiauva (Gospe Baptist church), Rev. Hrangluaia (Methodist Churh) leh Maloma Thadou te chungah lawm thu kan sawi nawn leh e.

Ṭhalaite Khawvel (Mi tin mil lehkhabu) a chhuak ta...

A LEI THEIH TA E:

THALAITE KHAWVEL (Mi tin mil lehkhabu), phek 800 chuang chu ₹350 chauhva lei theihin a awm ta e, zuar chhawng duh leh lei duh chuan tah hian contact theih: 9774402124 (Dawrpui West, Aizawl). Tin, Synod & Baptist bookroom leh Aizawl lehkhabu dawr hrang hrangah lei theihin a awm bawk. District dangah pawh thawn a ni thuai ang.

Samuel Lalrozama Hmar buatsaih (EPMB project), mi chi hrang hrang finna leh hriatna dah khawm article tangkai 113 awmna, topic hrang hrang (autobiography, supernatural, sex, IT etc.)-a then hi han chhiar ve teh… I inchhir lo vang..

Mizo: BANGALORE INTERNATIONAL AIRPORT LIMITED (BIAL)-A VEIVAKTE HRIAT ATAN...

BIAL ka laitual lenna, ka ngaih loh em em 

Rates hi inthlak ve thei reng a nia, average angah ngaih theih ang:

Arrival Hall lam aṭanga terminal building lut duh tan mi pakhatah ₹80

Airport kal duh tan hengte hi koh mai theih a ni:
Karnataka Taxi - KSTDC: 080 - 4466 4466
Mega Cabs: 47474747(one number across India)
Meru Cabs: 4422 4422 (one number across India)
NH 7-a Trumpet Flyover bak hi auto kal phal a in lova, chuta ṭang chuan Shuttle ₹10 velin a kal reng.

Parking area zau tak, motor 2,000 vel lenna kan nei.
• Darkar hnih chhung: ₹70
• Chumi piah lama darker khat zelah ₹ 35
• Ni khat tan ₹300 (24 hours)
• Ni khat hnuah ni tin ₹200 zel.
• Two-wheeler tan ₹20.
• Pick-up area: Terminal Building-a in drop zuai hi second 90 chhung chauh phal a ni.

Porter/coolie te pawh an awm ve a Parking Assistant te kha an zawh theih ang, an charge chu:
Charges
• ₹ 70; bag 3 thleng
• ₹ 25 bag pakhat zelah (3 aia tam)
• ₹ 250 group baggage, bag 12 chin

Mizo: Zoram tan (Mi ngaihsanawmte chanchin) Tlangzarh a ni

Zoram tan lehkhabu pawh tluang taka tlângzarh a ni ta e...
(Pic: l-r: Mafaa hauhnar, Samuel Lalrozama, R.Lalṭanpuia, Vanneihtluanga, C.Chhuanvawra)

ZORAM TAN FB GROUP LEHKHABU TLÂNGZARH program chu Kum 2013, July Ni 24 (Wed); Tlai dar 2 khan  I & PR Auditorium, Aizawlah hlawhtling taka hman zawh a ni. Chu lehkhabu tlangzarh hming chu Zoram tan (Mi ngaihsanawmte chanchin) tih a ni a, Mi entawntlak 25 (politician, kohhran hruaitu leh central service officer) te chanchin dahkhawmna a ni.  He program hi Zoram tan group siamtu, Samuel lalrozama chu chairman niin  program a kaihruai a, Pu Vanneihtluangan a tlangzarh a ni. Buatsaihtu (editor) te zing ami K.Remruatfela (law student) leh R. Lalṭanpuia (Advocate) ten report tawi an pe.

Pu C.Chhuanvawran hunserh hman pahin fuihna thu a sawi a, chutah lehkhachhiar uar ṭulzia te, teirei peih ṭulzia te leh Mizoṭawng ngaihpawimawh ṭulzia te a sawi. Pu Mafaa hauhnar in lehkhabu thlirlawkna a nei a, chutah chuan grammar leh Mizoṭawng an uluk thu hla-ah a siamtute a fak a, heng mi ngaihsanawm 25 te nun hi uluk taka zirchian a ṭul thu a sawi a, harsatna tam tak an lo paltlang tawh te hi hriatpuia entawn tur an nihzia  thu a sawi. Tlangzarhtu Pu Vanneihtluanga pawhin fuihna thu ṭha tak a sawi a, ṭhalaite hian khawvel thar kan siamtheihzia thu a sawi uar hle. Ṭhalaite chu ṭangkai thei ang bera FB hmang turin a chah bawk...

He lehkhabu hi Rs.250 man a ni a, dawr hrang hrangah lei theihin a awm ang.  Tin, publisher, Gilzom press (9436151280), electric vengah a lei theih reng e. 27.07.13 tlai dar 4-ah LPS ah full prog hi a chhuak anga, zonet ah pawh chhun lamah full program hi tihchhuah tur a ni leh bawk.

1.    Chairman: Samuel Lalrozâma Hmar
2.    Hunserh leh fuihna: C.Chhuanvawra
3.    Thusawi tawi + Editor’s report: K. Remruatfela (Editor)
4.    Book Preview: Mafaa Hauhnar
5.    Book Release: Vanneihtluanga
6.    Thusawi tawi: R. Lalṭanpuia (Editor)
7.    Lehkhabu sem
8.    Thusawi tawi:  A duh apiang tan (minute nga zel)
9.    Vote of thanks: Hlimpuia Chhangte (Admin)

Mizo: SAVA SUT VANGIN THLAWHTHEIHNA (AIRCRAFT) A TLA/ACCIDENT THEI!!!!

May 22, 2013, tlai khan  Air India flight 890, Imphal to New Delhi, chu van buoruaka a a thlawh laia sava a sut vangin grounded (thlawk thei lo tura tih) a ni.  New Delhi pan zui ta lo-in Guwahati airport-ah emergency landing tih a ni a, sava sut (bird-hit) hian thlawhtheihna hmai darthlalang  (windshield) a tichhia a ni. Chu Airbus A319 aircraft-ah chuan passenger 135 an chuang.

Heti ang deuh tho hian Oct 17, 2012, Air India flight (AI 866), Goa to Delhi via Mumbai, chu a thlawhchhuah hma tak takin sava a su (bird-hit) a, a engine veilamin. Thlawh chhuak ta lo-in an grounded nghal a ni a; Engine dinglam hmangin Runway aṭanga terminal a let leh a ni. Airport bul vela bawlhhlawh paih nasat deuh sava-in an bawm vel vanga sava hi tam ni-ah an ngai a, mi thi chu awm se South Goa collector N D Agarwal chuan criminal offence chu a bul hnaia bawlhhlawh paih thu-a mawhphrutute lakah register ngei a nih tur thu a sawi.

________________________________________________

Sava hi rit lo tê mah ni se thlawhna nena a relative velocity, insut dawna an pahnih thlawh chak zawng chhu, azira a tawpa chakna (energy) hi chhut a ngai a ni. Sava 5 kg (11 lb) thlawhna nena  relative velocity 275 km/h (171 mph) a thlawk chuan energy (approximate) hlawm, 100 kg (220 lb) thil rit  15 metres (49 ft) aṭanga sânga thlak ang vela thawk nâ a irhchhuak thei a ni.

Bangalore-a ka thawhna-ah hian kan duty laiin vawi thum chu heti ang incident hi ka tawng ve tawh a, pakaht chu thlawhna hnar, a hma kum phei-ah hian a ni a, kan hrufai mai a thisen vel. A dang pahnih erawh chu engine-ah mû (eagle) a lut a, surgical glove leh hmaikawr nen kan thian a, a thâng kher mai...  A hmúi bawk si...  Heti ang incident a thlen hi chuan engineering department hian Bird-hit/strike inspection kan tih chu kan nei ṭhin a, chu chu neih ngei ngei a ngai a ni. A serious dan azirin a hmul leh tak kan thianfai a, engine wash kan ti a chumi hnu-ah, endoscope inspection, kan dul check na ang hian boroscope inspection kan ti a, chu chu neih ngei ngei a ngai a, a tawpah engine run (static) a ngai ṭhin a ni.... Aaerawhchu, khawvela aviation regulator sang ber zing ami FAA  chuan a vai aṭanga chhutin 15% strike (ICAO 11%) chauh huan thlawhtheihna chhiatna tak tak a thlen a ni, a ti.

India ramah chuan choâk leh mû (eagle/vulture) hi sut ber a ni...  Thosi an thi hnem thei hle :P