English: ‘MUAY THAI (KICKBOXING)- THE KING OF MARTIAL ARTS’ STILL RULES THE RING

‘MUAY THAI (KICKBOXING)- THE KING OF MARTIAL ARTS’ STILL RULES THE RING

I would like to thank my mentor and master, Grandmaster MH Abid for all his support and teachings; who promoted me to the status of ‘national coach’. “When you enter the ring or when you fight in the street, you must come out with minimum injury, then you can say that you are a good fighter,” is his paternal advice to me. He also taught me to to fight cool, and that muay thai, being based on scientific rules of the anatomy of the body is one of the best fighting system in the world… Also thanks to the almighty God and Mr. Daniel Isaac (CEO of SFL-India’s only professional MMA league) who has been like a big brother and mentor for me in the MMA world… 

Me and two of my MMA students – Deng Thanchhunga & Zorammawia from Dynamic Fight & Fitness Association Pvt. Ltd., Mizoram won the first ever professional bout amongst the Mizos in Mixed Martial Arts (Known to be one of the most advanced and brutal game in the world).

MUAY THAI is a combat sport from the muay martial arts of Thailand that uses stand-up striking along with various clinching techniques. This physical and mental discipline which includes combat on foot is known as "the art of eight limbs" because it is characterized by the combined use of fists, elbows, knees, shins and feet, being associated with a good physical preparation that makes a full-contact fight very efficient Muay Thai became popular in the sixteenth century whereof the first commercial Muay Thai gym outside Thailand was founded in 1978 in Curitiba,Brazil.

 Muay Thai, like boxing and various forms of kickboxing, is recognized as a very effective striking base within MMA, and is very widely practiced among mixed martial artists. Fighters (some of whom have won titles) such as Anderson Silva, Benson Henderson, Maurício Rua, Wanderlei Silva, Thiago Silva, Gina Carano and Cristiane Santos employ a broad range of tactics borne of Muay Thai. Countless other mixed martial artists have trained in the art and it is often taught at MMA gyms as is BJJ and Wrestling.

Sap ṭawngin ka’n ti deuh ta duah a ni, federation danga ka inrawlh vangin state hrang hranga vaiho min thiktu ten min lo complain leh dawn sia. Khawvela game rorum ber an tih MMA (Mizote chuan Ultimate fighting-UFC tia kan hriat lar)-ah chuan Mizo zinga professional record nei hmasa ber leh contract sign hmasa berk an lo nih tak vangin ka nu (fam) leh pa min support em em tu, ka master Abid (President –Muay Thai India national federation), kan CEO Daniel Isaac min  duhsak em em tu, Kan company (DFA) hruaitute leh Pathian chungah lawmthu awm rawh se....  Fighter nih hi ka tum ber a ni lo va, mahse instructor ni tur chuan entawn tlaka awm ngai bawk sia, fight ve ta mai a ni... MMA hmang hian Mizo ṭhalai combat games infiammi te tan ka thiamna hmang hian eizawnna kawng thar hawn ngei ka tum a, kan inah zirna hmun changtlung buatsaih tumin hma kan la mek a ni kan company chuan....

Hriat reng tlak thlalak

Hriat reng tlak thlalak.. Kan frame nghal hial a ni 

DING TE
1. Hlimpuia chhangte: Executive officer @ a private company, Delhi
2. R. Lalṭanpuia : B.A (Pol Sc), LL.B/ Advocate (Editor)
3. R.Lallianzuala: Hrangbana College-ah English Department Lecturer.
4. K.Remruatfela: K.L.E. Law College, Bangalore-ah B.A. LL.B., VII Sem (Editor)
5. Eddie Zosangliana Colney : Ram leh hnam vei tak, Mizo ram leh hnam chawisan duh mi, PRISM-a inhmang hle a ni.
6. Raymond Lalbiakzama: Advocate. MA, LL.B. "19th Session of UN Human Rights Council", Geneva, UN Head Quarters-ah a lo tel ve tawh.
7. Rualzamawii: B.Th, BD. Missionary Training College (MTC) office-ah a thawk mek.
8. Roṭhuama Sailo: Zoram Nationalist Party (ZNP)- Press Secretary to President/ Journalist/ Green Mizoram Network-ah Founder General Secretary.
9. James Ramdinmawia: MA (English)/ Sr. Consultant @ Census Operations, Ministry of Home Affairs, Govt. of India.
10. Lalhruaia Chenkual: AICS, Tanhril-ah a thawk mek.
11. Zosangliana (Zotea): MZP Gen.Secy (1983)/Mizo National Army (MNA) Secret Service-a 2nd Lieutenant/ Tunah MNF Gen.Hqrs ah General Secretary, Information & Publicity Deptt. hna chelh mek a ni

ṬHU TE:
1. Mafaa Hauhnar: Freelance writer, poet, critic, shortstory writer (Book preview-tu).
2. Samuel Lalrozama hmar: Aircraft Maintenance engineer & Muay Thai india national coach (Chairman/Editor)
3. Vanneihtluanga: Editor- Lengzem (Chief Guest/Tlangzarhtu)
4. C.Chhuanvawra: Mizo Academy of Letters Member
5. Dr. Kenneth Chawngliana: Script Writer/ ex-Speaker, Mizoram Legislative Assembly (MPC)
6. K.L. Chhuanvawra: Serchhip District Academy of Letters founder member. Lehkhabu pawh a lo tichhuak ve nual tawh.

Mizo: BANGALORE INTERNATIONAL AIRPORT LIMITED (BIAL)-A VEIVAKTE HRIAT ATAN...

BIAL ka laitual lenna, ka ngaih loh em em 

Rates hi inthlak ve thei reng a nia, average angah ngaih theih ang:

Arrival Hall lam aṭanga terminal building lut duh tan mi pakhatah ₹80

Airport kal duh tan hengte hi koh mai theih a ni:
Karnataka Taxi - KSTDC: 080 - 4466 4466
Mega Cabs: 47474747(one number across India)
Meru Cabs: 4422 4422 (one number across India)
NH 7-a Trumpet Flyover bak hi auto kal phal a in lova, chuta ṭang chuan Shuttle ₹10 velin a kal reng.

Parking area zau tak, motor 2,000 vel lenna kan nei.
• Darkar hnih chhung: ₹70
• Chumi piah lama darker khat zelah ₹ 35
• Ni khat tan ₹300 (24 hours)
• Ni khat hnuah ni tin ₹200 zel.
• Two-wheeler tan ₹20.
• Pick-up area: Terminal Building-a in drop zuai hi second 90 chhung chauh phal a ni.

Porter/coolie te pawh an awm ve a Parking Assistant te kha an zawh theih ang, an charge chu:
Charges
• ₹ 70; bag 3 thleng
• ₹ 25 bag pakhat zelah (3 aia tam)
• ₹ 250 group baggage, bag 12 chin

Mizo: Zoram tan (Mi ngaihsanawmte chanchin) Tlangzarh a ni

Zoram tan lehkhabu pawh tluang taka tlângzarh a ni ta e...
(Pic: l-r: Mafaa hauhnar, Samuel Lalrozama, R.Lalṭanpuia, Vanneihtluanga, C.Chhuanvawra)

ZORAM TAN FB GROUP LEHKHABU TLÂNGZARH program chu Kum 2013, July Ni 24 (Wed); Tlai dar 2 khan  I & PR Auditorium, Aizawlah hlawhtling taka hman zawh a ni. Chu lehkhabu tlangzarh hming chu Zoram tan (Mi ngaihsanawmte chanchin) tih a ni a, Mi entawntlak 25 (politician, kohhran hruaitu leh central service officer) te chanchin dahkhawmna a ni.  He program hi Zoram tan group siamtu, Samuel lalrozama chu chairman niin  program a kaihruai a, Pu Vanneihtluangan a tlangzarh a ni. Buatsaihtu (editor) te zing ami K.Remruatfela (law student) leh R. Lalṭanpuia (Advocate) ten report tawi an pe.

Pu C.Chhuanvawran hunserh hman pahin fuihna thu a sawi a, chutah lehkhachhiar uar ṭulzia te, teirei peih ṭulzia te leh Mizoṭawng ngaihpawimawh ṭulzia te a sawi. Pu Mafaa hauhnar in lehkhabu thlirlawkna a nei a, chutah chuan grammar leh Mizoṭawng an uluk thu hla-ah a siamtute a fak a, heng mi ngaihsanawm 25 te nun hi uluk taka zirchian a ṭul thu a sawi a, harsatna tam tak an lo paltlang tawh te hi hriatpuia entawn tur an nihzia  thu a sawi. Tlangzarhtu Pu Vanneihtluanga pawhin fuihna thu ṭha tak a sawi a, ṭhalaite hian khawvel thar kan siamtheihzia thu a sawi uar hle. Ṭhalaite chu ṭangkai thei ang bera FB hmang turin a chah bawk...

He lehkhabu hi Rs.250 man a ni a, dawr hrang hrangah lei theihin a awm ang.  Tin, publisher, Gilzom press (9436151280), electric vengah a lei theih reng e. 27.07.13 tlai dar 4-ah LPS ah full prog hi a chhuak anga, zonet ah pawh chhun lamah full program hi tihchhuah tur a ni leh bawk.

1.    Chairman: Samuel Lalrozâma Hmar
2.    Hunserh leh fuihna: C.Chhuanvawra
3.    Thusawi tawi + Editor’s report: K. Remruatfela (Editor)
4.    Book Preview: Mafaa Hauhnar
5.    Book Release: Vanneihtluanga
6.    Thusawi tawi: R. Lalṭanpuia (Editor)
7.    Lehkhabu sem
8.    Thusawi tawi:  A duh apiang tan (minute nga zel)
9.    Vote of thanks: Hlimpuia Chhangte (Admin)

Mizo: SAVA SUT VANGIN THLAWHTHEIHNA (AIRCRAFT) A TLA/ACCIDENT THEI!!!!

May 22, 2013, tlai khan  Air India flight 890, Imphal to New Delhi, chu van buoruaka a a thlawh laia sava a sut vangin grounded (thlawk thei lo tura tih) a ni.  New Delhi pan zui ta lo-in Guwahati airport-ah emergency landing tih a ni a, sava sut (bird-hit) hian thlawhtheihna hmai darthlalang  (windshield) a tichhia a ni. Chu Airbus A319 aircraft-ah chuan passenger 135 an chuang.

Heti ang deuh tho hian Oct 17, 2012, Air India flight (AI 866), Goa to Delhi via Mumbai, chu a thlawhchhuah hma tak takin sava a su (bird-hit) a, a engine veilamin. Thlawh chhuak ta lo-in an grounded nghal a ni a; Engine dinglam hmangin Runway aṭanga terminal a let leh a ni. Airport bul vela bawlhhlawh paih nasat deuh sava-in an bawm vel vanga sava hi tam ni-ah an ngai a, mi thi chu awm se South Goa collector N D Agarwal chuan criminal offence chu a bul hnaia bawlhhlawh paih thu-a mawhphrutute lakah register ngei a nih tur thu a sawi.

________________________________________________

Sava hi rit lo tê mah ni se thlawhna nena a relative velocity, insut dawna an pahnih thlawh chak zawng chhu, azira a tawpa chakna (energy) hi chhut a ngai a ni. Sava 5 kg (11 lb) thlawhna nena  relative velocity 275 km/h (171 mph) a thlawk chuan energy (approximate) hlawm, 100 kg (220 lb) thil rit  15 metres (49 ft) aṭanga sânga thlak ang vela thawk nâ a irhchhuak thei a ni.

Bangalore-a ka thawhna-ah hian kan duty laiin vawi thum chu heti ang incident hi ka tawng ve tawh a, pakaht chu thlawhna hnar, a hma kum phei-ah hian a ni a, kan hrufai mai a thisen vel. A dang pahnih erawh chu engine-ah mû (eagle) a lut a, surgical glove leh hmaikawr nen kan thian a, a thâng kher mai...  A hmúi bawk si...  Heti ang incident a thlen hi chuan engineering department hian Bird-hit/strike inspection kan tih chu kan nei ṭhin a, chu chu neih ngei ngei a ngai a ni. A serious dan azirin a hmul leh tak kan thianfai a, engine wash kan ti a chumi hnu-ah, endoscope inspection, kan dul check na ang hian boroscope inspection kan ti a, chu chu neih ngei ngei a ngai a, a tawpah engine run (static) a ngai ṭhin a ni.... Aaerawhchu, khawvela aviation regulator sang ber zing ami FAA  chuan a vai aṭanga chhutin 15% strike (ICAO 11%) chauh huan thlawhtheihna chhiatna tak tak a thlen a ni, a ti.

India ramah chuan choâk leh mû (eagle/vulture) hi sut ber a ni...  Thosi an thi hnem thei hle :P

Mizo: Gymnastics Association of Mizoram (GAM) din a ni

PRESS RELEASE

GYMNASTICS ASSOCIATION OF MIZORAM (GAM)

Tun hnai khan mi ṭhahnemngai ṭhenkhat kalkhawmte chuan Mizoramah hian association hi din ve ni se ti-in a ngaihtuah a, a hmingah  Gymnastics Association of Mizoram (GAM) ni se ti-in a chhawpchhuak chhin a; tichuan sawihona te a awm hnu-ah adhoc OB member tur inruatin, 03.06.13 khan koh nghal a ni a; chutah chuan mi tlawmngai thei tur leh ṭhahnemngai tura rin ngeite duanchhuah chhin a ni sawihona te a awm hnu 03.06.13 khan ṭhahnemngai tura rin ngeite duanchhua, hruaitu adchoc committee tur invuah a ni. Tichuan 17.07.2013 tlai dar 3 ah, Mizoram State  Olympic Association office-ah executive meeting hmasa ber koh a ni a, chuta thurel tlangpui chu heti ang hi a ni:
1.    Coach neih dan tur ngaihtuah.
2.    Zirna hmun tur ngaihtuah
3.    MSSC hnena recognition dil
4.    MSOA hnena recognition dil
5.    National body (GFI) hnena recognition dil
6.    Registration bawhzui.

Hruaitu hmasa ber (adhoc committee) te chu heti ang hi an ni:

PATRONS:
1.Lianhmingthanga, Asst. Director, SAG (SAI)
2.Vanlalhruaia,Chief Engineer, P&E.
ADVISERS:
1.Thangchungnunga, Sports Promotional Officer, MSSC.
2.Thawmmawia, Director, UD & PA.
3.Zothankimi, Hockey coach
     OFFICE BEARERS:
1.    President: Zoliana Royte, General Secretary, Mizoram State Olympic Association.
2.    Sr. Vice- President: Rotluanga Fanai, Vice-President, MSSC.
3.    Vice- President:
4.    R.Zosangliana,  RTZ Enterprise.
5.    General Secretary: Samuel Lalrozâma Hmar, Aircraft Maintenance Engineer.
6.    Secretary: Lalduhkima Sailo, Office Assistant, MSOA
7.    Treasurer: V.Lalmuankima, Businessman.
8.    Secretary i/c Finance: Lalmalsawmtluanga,  Assist. Auditor, Acc. & Treas. Dept. ( inkhel.com Co-Founder)
9.    Secretary i/c I&PR: M.S. Dawngliana, Assistant Director, MSAC.

EXECUTIVE COMMITTEE MEMBERS
1. Pu H.Sanglura (Circle Physical Education officer), Khatla.
2. Pu R.Thanglura (Businessman), Ṭhuampui.
3. Pu Vanlalhriata (Businessman), Upper Republic.
4. Pi Lalhlimpuii (Yoga Coach), Nursery veng.
5. Pu Lalmuanpuia, Businessman, Chanmari West.
6. Nl. Zothanzuali (Counselor, ART center, Civil hospital), Chanmari
7. Dr. Joseph Lalmuanpuia (M.O., Directorate of Health Services), Govt. Complex.
8. Dr. Lalfakzuala Renthlei (M.O., Directorate of Health Services), Mission veng.


Gymnastics hi Mizote theih zawng tak tur a ni a, Olympian tur pawh inchherchhuah ngei theih beiseina nen he pawl hi din a ni.

s/d                           
(ZOLIANA ROYTE)               
President, GAM                   

s/d
(SAMUEL LALROZÂMA HMAR)
General secretary, GAM

Mizo: YMA DAY PUALIN CHIBAI

Zonunmawi leh tlawmngaihna hi eng nge maw a nih chiah hriatthiam a har khawp mai. Tunlai phei chuan hnam ang bika mize ṭha chungchuang chhuan tur kan neih han sawi tur a vang ta khawp mai. Nungchang mawi kan tih te hi chu, khawvel ram zawng zawngah inang vek lo mah se, hnam tinte hian an lo nei ve thluah mai; tlawmngaihna te pawh hi ram ṭhenkhatah chuan hming hran phuahin an lo nei ve an tih kha mawle.

Engpawh ni se a hnam anga nun mawi kan inzirtir chhoh leh kan nunpui chhoh zel hi Zonunmawi kan ti thei zel mai ang chu. Tam tak chuan YMA hi an sawisel a, kan tlawmngaihna te pawh hi kan dah ṭha ta a “Tlawmngai takin” tih aiah “YMA takin” tih te kan hmang ta, te kan ti ṭhin. Dikna chen pawh a awm. Amaherawhchu thil reng reng hi kawng hniha ngaihtuah a ṭul awm e. Hmanlai nun kha chu society inkungkaih ṭha tak a ni a, mi zawng zawng eizawnna an inhriatpui-a, loneimi a tam zawk an  ni a, an inhrechiang bawk a, chu vang chuan an duhzawng leh thiltih te chuan a phuarkhawm a ni ber mai. Tunlaiah chuan mahni hna thawhna leh zirna mual mualah kan ṭuan a, thiamthil a inanglo ta bawk si, chutah chuan kan khawtlang nun hi morally-a phuarkhawmtu a awm ve a ngai a ni. Mimal chauh chuan engmah a tihhlawhtlinin a phur zui zel theih si loh. Chutah chuan YMA hi min phuarkhawmtu pakhat a lo ni a, active member pawh ni lo mah ila, Young Mizo a nih vangin ṭhalai kan nih phawt chuan tel ve-ah kan inngai nghal lo thei lo;  midang pawhin an tih chu tih ve chakawm a ni ṭhin a, kan chunga an tih leh mi chunga ṭhat an chhuah kan hmuh te chu kan hmuhin bat neia inhriat vena te a awm ṭhin. Chu vang chuan YMA hi kan a hnam hlawm anga nunmawi lanchhuahtirtu pakhat a ni ve a, Zo nun chawikangtu leh ṭhalaite tihtur àwm min kawhhmuha thil ṭha ni-a langte min khaikhawmsaktu-ah ngai ta mai ila a hahdamthlak awm e. Ṭanrualna chu inpumkhatna-a a awm angin kan hnam min ti pumkhattu a ni ve a tih loh theih loh tlat.

Nungchangmawi hi kan awmna apiangah a lanchhuahtir theih a ni. Nungchang mawi hi a hun leh hmun azira inthlak thei leh keini pawh min thlak theitu a ni, Entirna’n vawiinah chuan puipun ni leh tu emaw, hmelhriat ngai loh awmkhawmna-a hruai leh chhungte bula hruai change-in thlamuang taka siam thiamna te; thil zahthlak deuh an lo sawi palh pawha chhan thiam te hi tunlai khawvel changkanna-a nunmawi lantirna a ni ve awm e. Thil ṭha tih hi a inkaichhawn theih a ni, mi chunga ṭhat kan chhuah chuan ani pawhin kan chunga ṭhat let ve a duh ṭhin, ti chuan mi pahnih aṭanga inṭanin chu thil ṭha chu midangah a darh zel thei ṭhin, ngilngeihna leh ṭhatna chhuah tur hian kan buai lutuk tur a ni lo. ‘Ka lawm e/ka tihpalh a ni’ tih ringawt te hian thu tam tak a sawi thei. Lawmthu te hi ui lo ang u, Computer age pawh ni se, tlawmngaihna hian kan nunah hmun lian tak a la chang thei a ni. Zoram pawna awm te pawhin hnam dang zinga tlawmngaihna kan lantir chuan kan Mizo hnam  chindan a ni a, han ti zauh ṭhin ila kan ram leh hnam hming hi a ṭha zawngin kan puangdarh zel a ni mai….

Eng pawh ni se YMA day chibai vek ule…

Mizo: CORRUPTION VEN DAN TUR

Aizawl 8^th Oct., 2011: October 7-a Prism Discussion Forum thukhawm chuan Mizorama corruption veng tura mawhphurtu hrang hrang kan siam fel ta.

June 10-a Prism Discussion Forum thukhawm chuan corruption chi hrang hrang list siamchhuah kan rel a. July 8 khan corruption chi hrang 166 list kan siam a. August 12 khan ‘Corruption ven dan tur’ sawihovin kan list siam tawh chu a inang dahkhawmin chi hrang 38-ah kan siam a, a ven dan tur ruahmanna thui tak kan siam nghal a. September 9, 2011 khan ‘Mizorama corruption ven nana tih tur 35’ kan siamchhuak leh a. October 7 khan Corruption ven nana tih tur kan siam tawh te a hlawhtlin theih nana hmalak dan tur kan sawiho leh a. Hemi siamchhuah nan hian mi 5,000 aia tamin ngaihdan kan thawhkhawm a ni.

Mizorama corruption a lo tlem theihnan hetiang hian hma lak a ngai kan ti:

SORKARIN-

1  RTI Section 4 a tihpuitlin a ngai a;

2 Information and Public Relations Department kalphung hi sorkar hnathawh tur puangzar zawnga a siamthat a ngai a;

3  Central Civil Services Conduct Rules te, Central Civil Services Pension Rules te

leh Medical Attendance Rules te a kenkawh a ngai a; 4 Minister leh MLA te kum tin an thilneih zat a puanzar tir a ngai a; 

5 Department zawng zawng inhman tawm tur Data bank a siam a ngai a;

6 Financial management kalphung leh system a siamthat a; sorkar hnathawk hlawh leh sorkar atanga pawisa pekchhuah zawng zawng a dawngtu tur bank account-a a transfer a, chutiang remchang lo chin pawh cheque hmanga a pek vek a ngai a;

7 Performance budget a hman a, Annual Action Plan-ah detail implementation plan a siam tel a, Quarterly Report atanga sum hmang zo lo leh hmang tha lo te Dan hmanga a hrem a ngai a;

8 Project reng reng plan anih lai atanga mipui inrawlh theiha a siam a, implementation plan a siam thlap a, hnathawh hun chhung tura ruahmana thawk zo lo te hrem theih dan tur a siamchhuah a; project lian tham deuh chu hlamchhiah mai theih loh tura khuahkhirhna a siam a; project thawhna khaw mipui remtihna tel chauha completion certificate siam theih dan tur a siamchhuah a, project monitoring leh evaluation a uar a ngai a;

9 Material Supply-ah sample nena enmil a, a zat tur dik tak chauh a dawn a ngai a, material sem chi supply-ah supplier te beneficiary kuta material a pek tir a ngai a;

10 Dan leh scheme, project etc. guidelines awareness uar zawka a kalpui a ngai a; 

11 Rules of Procedures and Conduct of Business Rules a siamthat a, Minister leh Assembly Committee ten Assembly House-a recommendation leh report an pharh te sawiho thinna tur provision a siam a ngai a. Assembly Committee te recommendation / report te mila action a lak thin a ngai a;

12 Sorkar hnathawk zawng zawng birth certificate leh dependant list a thehluh that tir vek a ngai a;

13 Hnalakah MPSC khawih tur chin siam fel a, a kenkawh a; hna lak leh entrance test zawng zawng open competition veka a kalpui a; physical test, written test leh interview mark te rang taka a tihchhuah a ngai a;

14 Aikal lak a tihtawp a, muster roll lak chungchanga Manual nei lo Department te Manual a siam sak thuai a, Manual thar siam hma chu Department zawng zawng CPWD Manual anga a kal tir a ngai a;

15 Administration kalphung leh kalhmang siamthat leh thuneihna semzai anih theih nana 2008 inthlana an election manifesto-a an tiam sa Administrative Reforms Commission a din thuai a ngai a; 

16 Sorkar hnathawk post ngaia awm rei tawh te a dah sawn a, ruihtheih thil timi sorkar hnathawk te post pawimawha a dah loh a ngai a; service zawng zawng huapa Transfer and Posting Rules a siam a, a kenkawh a ngai a;

17 Discipline a vawn a, office tinah attendance record nana punch machine a hman a, inspection leh surprise check a neih thin a; khaw inawpnaa thuneituten an khaw chhunga sorkar hnathawk te attendance an check theih dan tur a duanchhuah a, thildang ti tura office chhuahsan tur te leave la zel tura a tih a; sorkar hnathawkte hnathawh dan leh sorkar hmalakna te inspection a neih thin a ngai a;

18 Sorkar hnathawk hna thawk tha lo te manchhuah theih nana complaint mechanism tha a duanchhuah a, action a lak thin a ngai a;

19 ACR-a thudik ziah anih theih nana hma a lak a ngai a; Property Return an thehluh leh thehluh loh ACR-a ziahlan a ngai a;

20 Office/sorkar building leh store enkawl dan tur tha zawk a siamchhuah a, record fel tak a neih a, inspection a neih thin a ngai a;

21 Accomodation leh Facility entitlement a siamthat thuai a ngai a;

22 Land pass pek chungchangah Dan a ngaih pawimawh a, The Lushai Hills

District (House Sites) Act, 1953 a siamthat a, kan ram pumpui survey tura Survey of India emaw, private firm ruaia hmanhmawh taka hna a thawh a, land record fel tak a siamchhuah a, invalid leh back dated pass te a cancel a, land reform a kalpui thuai a, land record hmun khat aia tama a vawn a ngai a;

23 Bank leh financial institution te a enfiah zauh zauh a, bank account hawn chungchanga a inrawlh a ngai a; 

24 Ration card hi residential prove atana a hman loh a, a kalphung a siamthat a ngai a. Village Register a siam thuai a ngai a;

25 Dan leh kaihhruaina bawhchhiat awlsam ho leh tax lak leh pek chungchangah complaint mechanism tha a duanchhuah a, a tul anga action a lak ngam a ngai a;

26 Sorkar inrawlhna leh public money nghawng chi loan la tur selection kalhmang a siamthat a ngai a;

27 Khauh taka Mizoram Societies Registration Act leh Co-operative Societies Act leh Rules te a kenkawh a, self style NGO te a khuahkhirh a, sorkar department in anmahni hnathawktu hlang awmna, anmahni hmalakna hrula hma la tur pawl an siam thin a tihtawp a ngai a;

28 Kohhran leh NGO khawmpui lian dawna ruahman lawk loh hnathawh tur siamsak thin hi a tih tawp emaw, hetiang atan hian budget provision a siam zawk mai a ngai a;

29 Sorkar hnathawk te NGO hruaitua an tan a khap a ngai a; 30 Permit/license te a check a, diklo taka nei te leh hmang diklo te chunga action a

lak a ngai a; 31 Mi corrupt te dan hmanga hrem an nih theihnan Directorate of Prosecution a din a, kum 2008 MLA inthlan laia election manifesto-a a lo tiam tawh Vigilance Commission ang chi a siam a, Fast Track Court a din bawk a ngai a ni. 

Kohhran hrang hrang ten-

1  Dan, scheme leh project guidelines etc. te an mite an zirtir uar a, an development chanvo hauh ngam tura an mite an tihuaisen a, material sem chi an dawna a sample ang anih leh nih loh enfiah ngam tura an mite an tihhuaisen a ngai a;

2 Coruption thatloh zia leh sum thianghlim lo lakluhin mihring a tichhiat theih zia inzirtirna an uar a ngai a;

3 Khawmpui lian chi hrang hrang an neih dawn leh hunpui an hman dawna sorkar an pur loh ngam a ngai a;

4 Mi corrupt te dinhmun pawimawh an chan tir loh a, chutiang dinhmun pawimawh chang sa zinga corruption-a inhnamhnawih an lo awm aniha rawngbawlna atanga an chawlh tir ngam a, an thunun ngam a;

5. Sum thianghlim lo an hnawl ngam a ngai a ni.

POLITICAL PARTY TEN-

1 Party kalphung an siamthat a, Shadow Cabinet an neih a ngai a; 2 Dan in a phut anga an sum hmuh leh hman dan an audit tir a ngai a; 

3 MLA inthlan dawnah election manifesto rintlak leh tihhlawhtlin theih ngei an neih a ngai a;

4 Inthlanah candidate tha leh hnathawk thiam tur an neih a ngai a;

5 A hautak lo thei ang bera inthlan laia hma an lak a ngai a;

6 Sorkarna an chanin sorkar tih tur leh party tih tur chin an thliar thiam a ngai a; 7 Directorate of Prosecution te, Vigilance Commission ang chi te leh Fast Track

Court te din tura sorkar an nawr a ngai a ni.

MPF in-

1 Minister leh MLA te an thilneih zat puantir tura sorkar an nawr a ngai a;

2 Sorkar hnathawk te property return file tir tur leh property return thehlut lo te

an ACR-a ziaklang tura an nawr ngai a;

3 Chak zawka electoral reform chungchanga hma an lak a ngai a;

4 Administrative Reforms Commission te, Directorate of Prosecution te, Vigilance

Commission ang chi te leh Fast Track Court te din tura sorkar an nawr a ngai a;

5 Social Audit neih kawnga hma an lak a ngai a ni. 

NGO HRANG HRANG TEN- 

1 State level leh District level hruaitu-ah sorkar hnathawk nilo an neih a ngai a;

2 Corruption that loh zia inzirtirna an uar a, mipui sum tichingpentu leh hmasawnna hnathawh tithuanawptu an member te an thunun a ngai a;

3 Minister leh MLA te an thilneih puang tura an nawr a ngai a;

4 Sorkar hnathawk te property return file tir tur leh property return thehlut lo te

an ACR-a ziaklang tura an nawr ngai a;

5 MP leh MLA inthlanah candidate scrutiny-a an inrawlh a, election expenditures  enfiah nachang an hriat a, sorkarin an party election manifesto an bawhzui dan an thlirpui a ngai a;

6 Dan, scheme leh project guidelines etc. te an mite an zirtir uar a, an development chanvo hauh ngam tura an mite an tihuaisen a, material sem chi an dawna a sample ang anih leh nih loh enfiah ngam tura an mite an tihhuaisen a ngai a;

7 An khawmpui dawna mipui sum tihek zawng leh mipui sum leh hmasawnna hnathawh pawhpenna tura hma an lak loh a, sorkar motor leh material an hman loh ngam a ngai a;

8 Sorkar din committee hrang hranga an tel tlem ngam a ngai a;

9 Sorkar atanga contract ilo leh therhlo an dil tam loh a, an hruaitu zinga pawl

hminga chutiang ti an awm pawha action an lak a ngai a;

10 Sorkar hmalakna an enfiah a, thildiklo awm an dodal ngam a ngai a; 

11 Social Audit an uar a ngai a;

12 Administrative Reforms Commission te, Directorate of Prosecution te, Vigilance

Commission ang chi te leh Fast Track Court te din tura sorkar an nawr a ngai a ni.

MIPUI NAWLPUIIN-

1 Sorkar kalphung leh hmalakna tur kan ngaihven a ngai a,

2 Administrative Reforms Commission te, Directorate of Prosecution te, Vigilance

Commission ang chi te leh Fast Track Court te din tura sorkar kan nawr a ngai a;

3 Kan khua/venga sorkar hmalakna awm te a hmuna tlawh a, hna an thawh dik leh dik loh enfiah fo leh, sorkar atanga thil kan dawn te quality leh quantity enfiah te hi kan bat a nih avanga kan tih thin a ngai a,

4 Hmasawnna hna thawhnaa thil diklo a awma thuneitu hrilh hriat hi kan bat a nih avangin kan tih a ngai a,

5 Sorkar hnathawk zinga hna thawk tha duh lo an awmin thuneitu hnena hrilh hriat hi kan bat a nih avangin kan tih a ngai a,

6 Sorkar leh a hnathawk ten thil diklo an tih palh a kan bengchhen thiam a ngai a,

7 Kan dikna chanvo humhalh tura mahni pawha hma kan lak ngam a, tangruala

hma kan lak thiam a ngai a ni. Heng thil te bawhzui nan hian Prism chuan heng mawhphur tura ruahman hrang

hrang te hi an mawhphurhna an hlen theihnan kan dawr zui dawn a. Priority List siam chhuakin tihhlawhtlin anih theih nana bawhzui turin thawhpui tur kan zawng chho dawn a. A tuipui apiang pawl leh mimal pawh hmalak pui atan Prism chuan kan sawm a.

October 27, 2011 khian 3^rd Anti Corruption Convention buatsaih a ni ang a. Convention-ah hian hmalak dan tur rel ho leh tur a ni dawn a ni.

(Source: MyPrism fb group documents)

https://www.facebook.com/groups/myprism/