Welcome to my dreams

CHIBAI

Thanks for visiting my page. Most of the writings are in Mizo (Lusei/Lushai/Duhlian) [a native language of Mizoram], but there are also some english postings written by me and my good friends. I do hope that they are of some value to you in your daily journey of life. You can check out all the writings from this link:

Contents (Thuziak awmte)

The postings are categorized into five labels, which can be seen at the end of each posting. If you want to get a view of all the postings labelled under that category, you can do so by clicking it at the particular label name. The labels are:

# English Articles
# Mizo thuziak (Lusei Articles)
#Other Language Articles ((Hindi/ Bengali/ Mizo: Hmar/Paite/ Kuki/ Lai/ Mara)
#Informative (Hriat Zauna)
#Mind Bogglers (Ngaihtuah peih te tan)
#Songs (Hla)/ Poems (Chang)/ Quotations (Thusawi)/ Skit

Ka page-a i rawn len luh ve avangin ka lâwm e; sâp ṭawng leh mizo ṭawnga kei leh ka thiante thuziak bakah thil tangkai tur nia ka hriat te ka târ chhuak ve nual a, midangte tâna thil hlâwkthlak tak a nih hi ka thil duh leh thlahlel ber a ni. Thuziakte chu he link aṭang hian i en thei ang:

Contents (Thuziak awmte)


Kan ram leh hnam tluchhe mêk hi ka vei ber mai a ni a. Politician tha leh fel te chu an awm nual ang, mahse kan political system hi a corrrupt tawh a, mi pahnih khat thatin awmzia a awm lo, a system tawp hi thlak a ngai a ni. Ṭhalai, ram leh hnam hmangaih tak tak te hi infawmkhawma bloodless revolution siam a hun ta. Kawng lehlamah kan politician te hi dem ngawt theih pawh an ni lo... Ram leh hnam hi hmangaih hi a ṭul a, i lo hmangaih ve a nih chuan an dinhmuna ding thei turin i inpeih em ka unau?? I ramin a ko che... Ram hruaitute puih theihnaah puih an ngai, puih theihloh chinah tih tur neia kan inhriat chuan ti ang u...

Pu Keivom pawhin tihian a sawi hial a: Ram le hnam ta dinga tu am a na martar chang: lu latu am a lu lak? Pawlitiks khawvela chu, voisuna chawimawia um kha a zingah khaihlumin a um thei a, voisuna tuolthattu Barabbas kha suolna nei lo Isu aiin insuo a ni daih thei bok. Voisuna “hossana’ tia lawm luttu rawl kha a tukah ‘Kraws-ah hemde rawh’ tiin a’n thlak thut thei. Voisuna martar chang kha a tukah tuolthattua puong a ni thei. Voisuna hel hmang le tuolthattua ngai kha a zingah zalenna suolsuoktu, hnampa a hung ni thei bok. Chu ngirhmun tar langna, Robert Browning hla phuok, College kan kai laia kan inchuk ‘The Patriot’ châng tawpna tlar hmasa tak “Thus I entered and thus I go!” ti lai tak khah kha ka zuk hriet suok vang vang chu tie! Ngaituo a suksei ngei.

Ram leh hnam tân enge tih theih i neih ??
[Zoram/Zogam ( not only Mizoram, but a 'Greater Mizoram', the land of the Zos, Zofate chenna ram zawng zawng) thar i siam ang aw...

Zofa - Doesn't matter if you are a resident of Mizoram or if you are a half-blood, as long as a drop of Zo blood flows through your veins... you are my brothers and sisters...

"Lung lungrual zain aw,
Ram kanhnam duhdaw in maw?
Tlangkhatin tlangdang thliar dan lo;
Hnamkhat le hnamkhat cawimawi in,
Zo nunmawi lungrual tein,
Sumtual run rem tlang uh si."


Mizoram mi ni loin thlahpawlh pawh ni la... Zothisenin a bual chhung che chuan thlahtu thuhmun kan ni e ka unau..

Zofate hi kan inzarpharh zau ve tawh a, Khawthlang ram changkang deuh zawka awm te phei hi chuan min rawn la hre ve thin angem aw ka ti fo thin. Mahse khawiah pawh awmin enganga mi hlawhtling niin kan ram leh hnam hi ngai loin inhre mah ila kan thisen zunzamah Zothisen a luang tlat si avangin tunge kan nih hi i theihnghilh lo ang u.

"Aw i pianna zolei gam, Etlawm sa'ng e,

Aw a etlawmsa zuun lai leng;

Paakbang in hong lun diing a, Tul lou diing hi,

Aw a etlawmsate giabang zuun lai ni."

Ram tana martyr te hming a dai tawh dawn si lo a, ṭhangtharte chakna petu an ni zawk ang.


"Ram le hnam ta dinga mi tlawmngai hai le
Hringna chen lo inhlantuhai leiin,
Ei hnamin par ang vul ni la nei ngei a ta,
An sakhming thangthar lai mawi zuol a tih. "

A tawp ber atan, kan rinna tifamkimtu, chung Pathian nung pakhat dik tak kan neih hi hre rengin kan nitin (minute tin) hun i hmang ṭhin ang u. Sualna kan nei theuh e; mahse ṭhat tum mi chuan hma a sawn a ni tih hre thar leh bawk ila.

"Engtiknge Sappui nun ngai lo rengin,
ka nghakhlel, kan lenna hun tur chu...."

Samuel Lalrozama Hmar (Sammy)

s/o Dr.Thangchungnunga

sammywalker@rediffmail.com

sammylrza@gmail.com

ace_of_samz@yahoo.co.in

Mob: +91-9886447684

+91-9612732554


Wednesday, November 9, 2011

VAIHLO hi eng nge ?


Vaihlo vang hian WHO chuan second 6.5 tin hian mi an thi a ni a ti. Mithiam te chuan mi-in a tleirawl lai atanga vaihlo ngawl a vei a , kum 20 aia tam a chhunzawm chuan, ti miah lo te aiin kum 20 atanga 25 vel in an boral hma tih an chhui chhuak bawk a ni. Chuti tak a mihring te tichhe-tu Vaihlo hi I han zir chiang teh ang. Vaihlo(Tobacco) leh a kaihhnawihah hian 'tur' hlauhawm tak tak a  awm a. WHO chuan vaihlo hi drug chi khat angin a puang tawh a, ruihhlo (drug) kan tih zingah a telh tawh a ni. Heng 'Tur' tam tak zingah hian Nicotine (Vaihlo Tur) hi ngaih awl leh sim har tak a ni. Vaihlo hi Mizo ten kan uar hle a, fihlim pawh kan vang hle a, zahthlak ah pawh kan la lem lo. Vaihlo hman dan hi chi hnih-in a then theih a:

1) Zuk chi te: - Meizial, biri, Cigar, Cheroot, Vaibel, Tuibur, Hookah.
2) Hmuam/ Ei chi:-Sahdah, khaini, tuibur, Gutkha, Zarda, Paan Masala

   Heng a chunga kan tarlan bakah hian mahni awmna hmun a zirin a chi hrang a awm thei a ni. Entirnan; tuibur chu Mizoram leh Manipur ah hmuam a ni a, tin, Zozial pawh Mizo te zingah chiah a awm a ni.Tiranga te pawh hi thalai zingah kan uar hle.
VAIHLO CHUNGCHANGA MIZORAM DINHMUN: 
 National Family Health Survey (NFHS-2) 1998-99 Report-in a tarlan danin Mizoram chu India ram State zinga vaihlo hmang tam ber State kan ni a. Vaihlo a siam Eichi/hmuam chi ah mipa 60% kan awm a, hmeichhia 60.7% kan ni. Hei hi India rampum huap a teh khin-in Mipa ah chuan 28.3% niin, hmeichhia ah erawh 12.4% ang vel chauh a ni .

 Meizial emaw a zuk chi hi Mizoram- ah hian mipa 59.4% in an zu a, hmeichhia 22.1% an ni thung. Amaherawh chu National figure nen a teh chuan, mipa-ah 29.4% leh hmeichhia-ah 2.5% chauh a ni thung. A bikin hmeichhia-ah hian rampum nena teh khin chuan a let sawm vel in meizu kan tam a ni.

VAIHLOIN NGHAWNG THALO A NEIH TE:

(a) Lung natna: Thisen sang, lung na, lung thisen zam thalo leh lungphu chawl (Heart attack)

(b) Thluak thisen zam chah vanga pangkhing zeng (stroke)

(c) Thawkna dawt leh chuap natna chi hrang hrang, hnap tui leh hnar ping, tar thawhah, hritlang leh khuh benvawn leh thawhah (Asthma), Chuap TB, emphysema (chuap ro)

(d) Thisen zam natna avanga ke zungtang pan leh tawih, kal zawnga ke na leh kham, tha zawi

(e) Mipa  tan pa theih lohna(Impotency)

(f) Tha na (Sciatica), ruh na.

(g) Cancer chi hrang hrang.

 Cancer bik chungchang ah hian han sawi zau leh deuh ila:

India ramah Cancer vei tam lama pakhatna kan nihnate:( Source: First Report, 2003-04 of Population Based Cancer Registry under North Eastern regional Cancer Registry, NCRP, ICMR, 2006)

• Mipa Cancer zawng zawng belhkhawmah.

• Hmeichhe Cancer zawng zawng belhkhawmah.

• Chuap Cancer (Mipa leh hmeichhia) - ah.

• Pumpui Cancer (Mipa leh hmeichhia) - ah.

• Chaw dawt Cancer (Mipa).

• Chhul hmawr Cancer (Hmeichhia)

Khawvela pakhatna kan nihna langsar zual te:

• Pumpui cancer ah ( Mipa leh Hmeichhia).

• Chawdawt cancer (Mipa)

• Hrawk cancer (Mipa)

VAIHLO HMAN CHUNGCHANGA HRIAT TUR PAWIMAWH TE:

• Meizial eng chi pawh hi hlauhawm lo a awm lo. Thlitfim (filter), menthol telh, foreign siam, nicotine tlem chi a ni emaw, a tha lo vek a ni.

• Kuhva khawra telh emaw, Gutkha a ni emaw, Tiranga a ni emaw, a hmuam chi a nih   pawhin Vaihlo chi reng reng hlauhawm lo a awm lo.

• Tuibur, vaibel leh a dangte hi a him lo vek.

• Zozial leh biri hi Sikret aiin a hlauhawm dan a in ang reng a ni.

ENGE MEIZIAL AH AWM

 Vaihlo ah hian thil chi hrang hrang (chemicals) 4000 vel a awm ni a hmuh chhuah tawh ani a. Chumi ah chuan 50 vel hian cancer a thlen tir thei a ni tih hriatchian a ni tawh bawk. Vaihlo a heng thil awm zinga a hlauhawm zual deuh te chu:

  *NICOTINE: Hei hi tur chi khat ni in,mihring in ka ngaih (addict) ber a chu a ni. He nicotine hi a zuk chi ah leh a hmaum chi ah a tel  a, a hlauhawm dan a in ang reng a ni.

*CARBON MONOXIDE: Boruak chhia hlauhawm tak, boruak tha (oxygen) thisen a thlaktu chu.

*AMMONIA: Lei tha siam nan a hman, puakthei thil ah (bomb) ah te pawh hman thin a ni. Ekin tihfaina (harpic) ah te pawh a tel.

*FORMALDEHYDE: Ran thi dah that nana 'Tur' hman thin hi a ni.

*NICOTINE: Tur, a ngawl vei theih hi a tam em em a ni.

*CYANIDE: Gas hlauhawm, indona  (chemical warfare )atana hman thin

*ARSENIC: Tur hlauhawm, rannung thah nan a hman thin hi a awm bawk.

*TAR: Alkatra ,kawng siamnan a hman thin.

SECOND HAND SMOKE

   Meizial khu hmun thuma thena hmun hnih hi a zutu chuapah lut lovin boruakah a leng vel a. A zutuin a hip luh meizial khu ang thovin a bula mite tan he meikhu hi a hlauhawm a ni. Pasalte meizial zuk nasat avanga an nupuite, meizial zu lo, chuap Cancer vei si a awm theih. Hetianga mi dang mei zuk khu, boruaka leng vel lo hip luh ve hi, "Second hand smoke" an ti. Second hand Smoking hlauhawmna hi Cancer thlen thei tu a nihna ah tawp mai lovin lung leh natna dang tam tak a thlen thei. Meizial zu thin nu leh pa chu an fate an hrisel thei lo, khuh, awmna, beng kerh leh pneumonia an vei duh. Tin naupang thluak a ti chak lo in chhiarkawp (Maths) lam chi ah an chak lo duh bik . Nu naupaiin mei a zuk emaw sahdah a hmuam hian a naupaiah nasa takin chhiatna a thlen thei. Hetiang a mihring tana hrisel lohna thlen thei anih avang hian sorkar laipui chuan zuk leh hmuam chungchangah ah Dan a siam.

TOBACCO CONTROL ACT

Central Sorkarin Zuk leh Hmuam khap chungchangah hian Tobacco Control Act hi kum 2003 khan a siam a ni. He dan hi Mizoram sawrkar pawhin a hmang nghal a. He dan in a khap te chu
  • Zirna in leh a compound chhung ah zuk leh hmuam khap a ni
  • Naupang kum 18 hnuai lam hnena zuk leh hmuam hralh hi khap tlat a ni
  • Zirna in atanga 300 feet huam chhungah zuk leh hmuam zawrh khap a ni.
  • Puipunna hmuna meizuk hi khap tlat a ni.
  • Zuk leh hmuam chungchang fakmawina lam chi reng reng hi phal a ni lo.

 Kum tinin India ramah vaihlo leh a kaihhnawih thil avangin mi 250000 (nuai hnih leh sing nga) in Cancer an vei tih hmuhchhuah a ni. Nitin India ramah Vaihlo hman avangin mi 2200 (sang hnih leh zahnih) in an nunna an chan.

Cancer zawng zawng zinga zaa sawmli (40%) hi Vaihlo leh a kaihhnawih thil avanga lo awm a ni. Vaihlo leh a kaihhnawih thil hman hian heng-ka chhung, hnar chhung, aw bawm, chaw dawt leh chuap Cancer- te hi a thlen. Vaihlo hman leh ril, phing, kal, pumpui leh chhul Cancer-te hi a inkaihhnawih tlat bawk.

VAIHLO HMAN SIM DUH TE TAN

Vaihloa nicotine hi thil zawng chhang leh ngaih awlsam berte zinga mi a ni a. Mahse sim i duh chuan tanpui theih che kan in beisei. Aizawl Civil Hospital a Tobacco Cessation Clinic-ah hian Thawhtan atanga Inrinni thlengin OPD pangngai (9:30am - 2:00pm) hun chhungin rawn theih kan ni e.

  Tobacco Cessation Clinic
 Room No. 509
 Laboratory Building (Above Blood Bank)
 Civil Hospital Aizawl
  Mizoram PIN-796001
 Ph. (0389) 2315210 E-mail: tccaizawl@yahoo.co.in

[source: I&PR, Govt. of Mizoram]
Posted by at
Labels:

1 comment:

Subscribe to: Post Comments (Atom)