AIRBUS A320 COCKPIT BIH CHIANNA.

Vei lam leh ding lam hi a inang a, Aircraft Maintenance Engineer te chuan khalh zir ve lo mah ila, thlawhna control dan hi kan thiam ve ngei a ngai a ni. Night shift neih hunlai ngai chungin i lo bih chiang ang u aw. Airbus320 hi mi 180 vel chuan theihna a ni.

___________________

A. GLARESHIELD: A chung ber ka kut awmna zawn line hi a ni.

I. CAPTAIN'S SIDE PANEL:

1. Button lo awm hmasa ber chung zawk hi Master Warning a ni a, a senin a eng țhin a ni, level 3 Warning a awmin.

2. A hnuai ami hi Master Caution a ni a, serthlum rawngin a êng țhin, level 2 warning a awmin. A chung aiin a hlauhawm lo deuh.

3. A dawt chung hi Chrono switch a ni a, sana control-na a ni ber.

4. A hnuai ami hi Side Stick Priority Lights a ni a, Pilot-in control a hloh dawn țanin a senin a êng țhin.

II. CAPTAIN'S ELECTRONIC FLIGHT INSTRUMENT SYSTEM (EFIS) CONTROL PANEL: Hei hi a dawtleh, ka kuttum thleng vel hi a huam a, thlawh theihna tura instrument hrang hrang control-na a ni.

III. FLIGHT CONTROL UNIT (FCU): Hei hi a piah lam zawng hi a ni a, thlawh theihna tura control-na lam a ni ber, auto pilot te, kalna lam, chak zawng, chung lam thlawh chhoh chak zawng leh a dangte.

____________________________

B. CENTER INSTRUMENT PANEL: Hei hi a lai panel phei zawng hi a ni.

I. A vei lam sir ber hi PRIMARY FLIGHT DISPLAY a ni a:–

1. A laiah hian thil bial a awm a, a chung van a hnuai lei a entir a, a lai tuipui san zâwng.

2. A dinglama thil tung hi altimeter setting a ni a, a sàn zawng tehna.

3. Veilam thil tung hi airspeed indicator a ni- a chak zawng tehna.

4. A hnuai line awm hi heading reference tih a ni a, pan lam zawng tilangtu

II. A dawt hi Navigation reference a ni a, thlawhna lam hriattirtu a ni. A chung ami pahnih herhin a thlak theih.

III. A dawt panel hi lo thlir ila:

1. A chung pathum hi Landing Gear indiacator a ni a, a ke pathum chu a chhuak nge chhuak lo hriatna a ni. A hrin chuan a dawk chhuak a, a in-lock țha tihna a ni a, UNLCK tih a sena a lan chuan a chhuak lo tihna a ni.

2. A sirah break fan switch a awm.

3. A hnuaiah auto break system a awm a- low, med, max switch.

4. A sirah Anti skid & Nose wheel steering button a awm - on /off. Off hi chuan a hma ke, a kualna ber a control theih loh a, hei hi thlawhna a thlawh chhuah dawna tractor hmanga nawr let tuma hman țhin a ni tlângpui.

5. A hnuai chiaha switch hi Terrain Map Display-na a ni.

6. A hnuai ami hi kawih thlak leh chho thei a ni a, Landing gear (a ke) pawh chhohna a ni.

7. A sir ami hi Sana a ni.

8. A hnuaia indicator awm hi Brake Accumulator leh brake pressure a ni. Hei hi Hydraulic fluid pressure enna a ni.

IV. A laia panal pahnih a awm leh a, chungte chu Electronic Centralized Aircraf Monitoring ( ECAM ) Panel tih a ni:

1. A chung zawk hi Primary Engine Display a ni a, engine chungchang hriatna a ni- Fuel quantity, Flap leh Slat position te a entir.

2. A hnuai ami hi a hnuai leha hmeh tur tam deuh azirin display hrang hrang tilangtu a ni a, entir nan:

• Tuna awm mek hi door/ Oxygen page a ni a, kawng inhawng leh hawng lo a ti lang a, slide draft a in arm nge arm lo a ti lang bawk.

• Wheel page- break temperature enna.

• Engine page- oil quantity a lang.

• Flight control page- A thla țanpuitute chet dan zawng

• Hydraulic page – Gren Blue leh yellow system a khah leh khah țhat loh lanna.

• Overall system – Thil dik lo a awmin a ti lang țhin a. A din lai hi chuan Autopilot 1& 2 function lo tih a awm țhin, chu chu thil normal a ni.

IV. A piaha panel chung bera pahnih saw

1. Standby Altimeter

2. Standby Airspeed

3. A piah ami hi Attitude indicator (inher dan, sir zawnga sawih lam tehna) a ni a, electronic system a chhiah hnuah pawh minute nga la thawk thei a ni.

4. A hnuai bera indicator lian deuh hi Digital Distance & Radio Magnetic Indicator a ni a, compass ang hi a ni ber ang chu hriat thiam dan turin.

_____________________________

C. CONTROL PEDESTAL: A hnuai ber panel hi a ni

1. A vei lam sir ber ami hi Multifunction Control Display Unit (MCDU) a ni a, hei hi Airbus thinlung leh thluak bulpui ber a tih theih awm e, heta țang hian engkim a en theih a, kalna tur lam te a set theih a, engineer pawhin a thlawh tawp berna status kan print out țhin a ni

2. A hnuai chiah hi Radio Management Panel (RMP) a ni a, inbiak pawhna hrang hrang radio frequency set-na a ni

3. A hnuai panel leh hi Audio Control Panel (ACP) a ni a, inbiak pawhna leh thil hrang hrang rin lam set-na a ni.

4. A lai chung ber hi Switching Panel a nia, Captain, First Officer leh a laihawl set na.

5. A hnuaia mi hi ECAM control panel a ni.

6. A hnuaia wheel ang deuh awm hi Pitch Trim Wheels a ni a, horizontal stabilizer set-na a ni. A thla puitute a ni ber ang chu.

7. A lai ami pahnih hi Throttle a ni a, engine phuh chak zawng set-na a ni. Lever position panga a awm a: Reverse Idle, Forward Idle, Climb (CL), Continuous Thrust (FLX/MCT) and TakeOff / Go Around (TO/GA). A let zawnga phuh a ngaih changing reverse ah set a ni.

8. A hnuaia switch pahnih awm hi Engine one leh two off leh on-na a ni a, a laiah hian engine mode selector her h tur a awm (A din lai chuan a laiah normal-a awm tur a nia, vei lamah crank a nia, ding lam ignition leh start a awm)

North East Mixed Martial ARts & Muay Thai Boran seminar

NORTH EAST MIXED MARTIAL ARTS SEMINAR HLAWHTLING

            JSJ FitPro MMA & Fitness center chuan Kum 2015 December ni 8 ațanga ni 12 chhungin Mixed Martial Arts leh Muay Thai Boran seminar hlawhtling takin a buatsaih. Seminar-ah hian MMA National working committee member leh North East India MMA Chief Delegate Tv. Samuel Lalrozâma Hmar chu resource person a ni. Ani hi Muay Thai Boran lamah National Technical Director a ni bawk.

            He event hi Mizoram chhung district pathum – Aizawl, Lunglei leh Kolasib ațangin an chhim a. Mizoram pâwn ațangin Meghalaya leh Assam an rawn tel bawk. Seminar khar ni hian JSJ neitu Dr. Joel-a u Dr. Jeremy Pautu chuan a telpui a, certificate semna hun neih a ni. He event hi North East India Mixed Martial Arts Association leh Muay Boran Association of India-in a support a ni. NEIMA hi India rama MMA pawl hlun leh lian ber, sorkar laipui support ni bawk AIMMAA hnuaia din a ni. Seminar hi Chhinga Veng Comminty Hall, Aizawl-ah neih a ni a, tunlai khawvela UFC leh promotional company dangten an tihlar mek, sport țhang chak berte zîng ami ni mêk-MMA tihlar nana tih a ni.

            He event closing ceremony-ah hian free fight sparring session neih a ni bawk a, chu hun chu nakkum January-a AIMMAA National MMA tournament Mumbai-a awm tur atana thlanna hun atana hman a ni. International referee Tv. Samuel Lalrozama chuan practical referee & judge training course a pe naghal bawk. JSJ chuan he event lo awm turah hian mi 5 sponsor a tum a, tin, nakkum February ațang hian Mizoram chhung ngeiah MMA league lian tak neih chhoh a tum bawk a ni. Chuta hman tur MMA cage lian tha tak pawh Mumbai-ah order a ni tawh a, an rawn thawn mek a ni. He seminar-ah hian NEIMA senior vice president Biswajit Sarkar chu a rawn tel ve a, ani bakah North East ațanga official lo kal te chu Subhajit Acharjee, Sagnick Gupta, Bipon Modak, Palash Hazarika leh Cores Marwein te an ni. Mizoram lam ațangin official Deng Thanchhunga, Zorammawia, Ngurlianzuala Sailo, Michael Ruatfela Ralte leh Official doctor Dr. Chhana te an tel. MMA national commissioner Daniel Isaac bul tumnaa siam, kum 18 hnuai lamten MMA an fight ve theihna tura dan siam- Sport MMA (Semi leh light contact) chu introduce a ni bawk. Hei bakah hian Thailand sorkar leh National body hriatpuiin Muay Thai Boran grading exam neih a ni bawk a, he exam neihtir thei Tv. Samuela chuan a conduct bawk.

            JSJ FitPro gym hi Mizoram State MMA Association (MISMA) headquarters gym a ni a, Aizawl Khatla kawnah a awm a, Mizo țhalaite tana theih tawp chhuah a tum zel a ni. SFL, ONE championship leh UFC te thlenga la invawrh chhuah theih an beisei thu a sawi. Dec ni 12 zan dar 9-ah meeting neih zui a ni a, chutah chuan North East level-a kan naute hi JSJ FitPRo kal tlanga theih ang tawpa hma lakpui tum a nih thu rel a ni.

 ______________________________________________

NORTH EAST MIXED MARTIAL ARTS SEMINAR SUCCESSFULLY CONCLUDED

JSJ FitPro MMA & Fitness center successfully organized a Mixed Martial Arts and Muay Thai Boran seminar from 8^th to 12^th December 2015. The resource person for the event was Mr. Samuel Lalrozâma Hmar  of Mizoram, who is also the MMA National working committee member and  North East India MMA Chief Delegate, plus the National Technical Director in Muay Thai Boran.

The seminar was by attended by three districts of Mizoram- Aizawl, Lunglei and Kolasib, plus two North East states of Meghalaya and Assam. This seminar was supported by the North East India Mixed Martial Arts Association (NEIMA) and Muay Boran Association of India (MBAI). NEIMA is the approved body of the largest and oldest MMA organization in India, with permission from the sports Ministry, Central Govt. to host MMA events in India. The seminar was conducted in Chhinga Veng Comminty Hall, Aizawl, and was mainly done to promote one of the fastest growing entertainment sports of our times – MMA.

This event was concluded with a light sparring session in order to give experience to the players which was also used as a base for the selection of players for the upcoming AIMMAA National MMA tournament in January at Mumbai. JSJ FitPro has announced that it will be sponsoring five people for this event. And also, there will be a big MMA league based in Mizoram soon, starting from February 2016, for which an MMA cage has been ordered from Mumbai, and is on the way. A referee and judge refresher course was also conducted by international referee Mr. Samuel. The NEIMA Sr. Vice President- Mr. Biswajit Sarkar was present at the event. Apart from him other officials from the NE were Subhajit Acharjee, Sagnick Gupta, Bipon Modak, Palash Hazarik and Cores Marwein. From Mizoram, Deng Thanchhunga, Zorammawia, Ngurlianzuala Sailo, Michael Ruatfela Ralte and official doctor Dr. Chhana were present. Grading exam approved by the MBAI and world body (WMBF & KMA) was also held and conducted by Mr. Samuel. The closing ceremony was presided by Dr. Jeremy Pautu, the brother of the JSJ FitPro owner Dr. Joel, who gave away the certificates. There was also an introduction to the Sport MMA: a sport format of MMA which allows controlled strikes [Light and Semi Contact] as opposed to the ‘full contact’ nature of exiting amateur and professional MMA fights. Sport MMA provides a platform for kids and teenagers [both male and female] to train within a safe environment of the sport while training in all the different aspects of real MMA namely striking, takedowns and ground fighting. This is the brainchild of the national MMA commissioner of AIMMAA Mr. Daniel Isaac. 

JSJ FitPro gym is the headquarters gym of the Mizoram State MMA Association (MISMA), located in Khatla, Aizawl. They have expressed their sincere effort to do their best to promote the youths of Mizoram and the whole of NE at the national and international level, upto the professional events in MMA and Muay. MMA is in full swing in India under AIMMAA with a great national coach Alan Fenandez.

Mizo&English: NEW ACHIEVEMENT/HLAWHTLINNA THAR

Got the prestigious Red-Yellow mongkol (12th Khan)-official KRU (teacher/professor) title, under GrandMaster Kevin Lloyd, from the highest authority in Muay Thai/Boran in the world - Kru Muaythai Association [the only association that registers Kru (master, teacher ); recognized by Ministry of Culture, kingdom of Thailand]. It took me ten years to reach this.
______________________
Mongkol sen-eng (KRU-zirtirtu/university professor tlukpui title) zahaawm tak chu Grandmaster Kevin LLoyd hnuaiah khawvela Muay Thai/ Boran thuneitu sâng ber- KMA hnuai atangin, Thailand lal ram ministry of Culture hriatpuiin ka dawng ta. He dinhmun thleng chin hi India ramah mi 5 chauh kan la awm. Kum 10 chhung ka bei a ni. Naupang grading exam ka pektir thei ve ta.
_________________
Thanks to my Master MH Abid sir, for all his teachings and guidance and Grandmaster Kevin Lloyd for his patience and the highest level of teaching that he bestoed me. He is one of the only 2 non-Thai GrandMasters in the world. Thanks to The MBAI president Kru Prasenjit for this opportunity and Mr. Harsha for hosting the event. Thanks to all my students, famliy, FitnessTime, JSJ FItpro and God above.
______________________
According to the Thais, there's a lot of difference between a trainer (coach) and a Kru (teacher). A trainer is someone who trains fighters to build their strength and develop skills and techniques, he can be a good fighter and shows pads and conducts good work-outs. But a Kru teaches his students to be a good person by giving his knowledge and experience.

'Kru' is a Thai word which means the person who teaches or passes on knowledge to pupils. Normally Krus are highly respected in Thai Society. They are knowledgeable, full of perseverance. They practice high moral standards in their way of life, leading very respectable lives. They always devote themselves to performing their teaching commitment until their pupils attain full knowledge and are successful in their fields.  Even the best or even the Greatest Champions is not guaranteed to be able to teach what he knows or pass on that invaluable knowledge. Some of the qualities he should have are - a full understanding of the History, Traditions and Techniques of Muay Thai & be able to communicate it to all levels of Students. He should be of good character & have respect for himself, others and all of life. He should be willing to totally commit himself to the endeavour of becoming a Master of this Martial Art no matter how long it may take. He should also show the same commitment to his Students!

The Mongkon/Mongkol (Mangala) is the traditional Thai head band similar to belts owrn in other martial arts. 12th khan is almost like a black belt 3rd degree in other arts. But, Degrees are not easily given in Muay, so 10th khan and above are not numerous like other arts' black belts.  Red-Yellow and above conduct do gratings for students.
___________________________
Thai-ho ngaihdan chuan trainer (coach) leh zirtirtu (kru) hi a inang lo hle a ni. Trainer chu fighter țha tak pawh a ni thei a, pad show te, bag pet te leh fight technique te naupang ah hrilh thei awm e. Mahse, chung mite chu zirtirtu țha, kru an tih ang hi an ni vek thei kher lo.
Amaherawhchu, kru zawng zawng hi fighter țha an ni thei vek thung. Hriatna/finnaa khat, Muay Thai/Boran thumuhnu, leh chanchin hre zau, mi dawhthei leh taima, hma lam pana tawp chin nei lova taima taka kal te, zahawm taka nung, an zirtirte chu rilru leh tihtak zeta nun dan kawng dik zawh tura pui țhin leh kawhtlâng tana mi țangkaite an ni tur a ni. University professor tlukpui a ni. Mongkol hi lu hren , martial art danga belt ang hi a ni. 12th khan hi art danga black belt 3rd dan ang a ni. Art dang anga inpek ve zung zung a ni lo va, Grandmaster chin 16th khan chin pawh mi khawvelah mi 25 chauh an awm a ni.
A hma kha chuan Kru ka hmang thei tho na a, Assistant KRu ang ka nia officially-in

Infiam mite tan

Sabbath Shalom. Zothanpuia thusawi. Sports discipline group ami hi ka lo share ve lawk ang e, infiamna huang amite tân:

"HRUAITU:
Kei pawh mite duhsaknain Sports discipline hrang hrangah hruaituahte ka awm ve a, ka kham ber leh ka duh loh ber mai Pawl țhenkhata awm țhin ka hmuh leh ka hriatte hian ka rilru an ti na țhin a ni.:

"1. Pawl sum ei rûk te,
2.National kal tura thlannaa duhsak uchuak leh Selection -a kal miah lo pawh sum vang emaw inbiak țhatna avaga thlan leh mai te,
3.Council-a kal tur zat in-report țeuh a, tlemte kala players hminga sum lo corrupt te,
4.Sports discipline hruaitua awm si a Zuk leh hmuam, zu leh sa thlenga ti, insum lo lutuk te

"Chu vang chuan discipline țhenkhat chutiang mite chu duh thu a hmun theih loh fo avangin leh Sport discipline ka lo beisei  dan leh ka inpek dan a nih loh avangin ka chhuahsan ta nghe nghe a ni.
_________________
"iNFIAMMI
Chutiang bawkin Plays/fighters te pawhin sports/Game kan luh chilh dawn a SPORTSMANSHIP  SPIRIT hi  kan hre chiangin tah hian kan in baptist hmasa tur a ni a. Mahni tan chauh ni lo, vêng/Ram tan rilru zau tak kan pu tur a ni bawk. Kan dikna chanvo neih ve te pawh  huaisen takin kan vawng țha tur a ni.

"Zoram hian game hrang hrangah, player țha tak tak Zoram ti hming țha thei tur te pawh kan ngah tawh hle mai! Mahse, rei kan daih lohna chhan chu tum mumal kn neih loh vang leh insum theihna kan tlakchham vang a ni deuh ber.
____________________
"Eng pawh nise,Pathian thu leh Sports chu, mite rilru tihnatna tur a ni lova, mite an nat ai cuan mahni nat/tawrh ngamna zelah mite tân malsawmna kan lo ni zel dâwn a ni. Kan Pathian thu pawhin, 'Nang malswmna ni ang che,' a tih kha.

"Vawiin i tan malswmna ni ni turin duhsakna ka hlan vek a che u".

MMA & Muay Thai/Muay Boran seminar in Mizoram

INVITATION/SAWMNA
Our headquarters gym JSJ FitPro Mizoram - MMA & Fitness center​ will be organizing an MMA & Muay Thai/ Muay Boran seminar on 8-12 Dec 2015 where everyone is invited. This will also serve as a base to see the skill and select fighters eligible for sponsor for AIMMAA BodyPower (Mizoram) and the first MMA league (North East & West Bengal) & future Muay events. There will also be grading and exams in Muay Thai with certificates from the highest authority in Thailand.
Resource person: Kru Samuel Lalrozâma Hmar
_________________
Dec 8-12 hian kan headquarters gym JSJ FitPro chuan MISMA leh MBAM  thlazar hnuaiah MMA leh Muay Thai/Boran seminar a huaihawt dawn a, Muay Thai/Boran ah hian grading exam a awm nghal ang.  Certificate pawh Thailand atanga authority sang ber hnen atangin a ni ang. A tui apiang rawn tel turin kan insawm a, fighter phei chu tel ngei ngei turin kan insawm a ni. MMA leh Muay Thai lama tui ve hrim hrim tan pawh introduction class a awm ang a, experience eng mah la nei lo tan pawh a join theih a ni.

Hma lam huna AIMMAA national AIMMAA tournament (Jan 8-10, 2016)-a awm tur atana JSJ gym (mi 5) leh MISMA-in a sponsor tur thlanna a awm nghal ang a, kan MMA league awm hmasa ber tur tana thlanna a ni nghal ang. Tel man hi cheng zanga chauh a ni ang MMA leh Muay Thai leh Muay Boran tan. Ti kawp duh chu cheng zariat. Muay Thai mongkol exam duh tan cheng 1500 a ni ang. Tin, khel ve duh lem lo, MMA leh Muay thai/ Boran referee leh judge ni duh tan course a awm bawk ang cheng zanga-in.
___________
Event is supported by MISMA-Mizoram State Mixed Martial Arts Association​  & Muay Boran Association of Mizoram - MBAM​

Open Pro-Am Muay Thai championship 2015-ah Mizo che tha

Open Pro-Am Muay Thai championship 2015 chu Bangalore ah 11-13 September 2015 khan neih a ni.

He event hi India rama Muay Thai promotion company hmasa ber leh awm chhun XMA Pvt. Ltd. huaihawt a ni a, a neitu hi Hemanth Kumara a ni. He event hi khawvela MuayThai professional fighters' ranking petu ber World Professional MuayThai Federation (WPMF) sanction a ni.

Pro-Am hi amateur leh Professional inkâr a ni a, amateur ho tana pro kailawn a ni. Chu vang chuan, nakkum lawka India rama professional league hmasa ber huaihawt tur inurlawkna a ni bawk a, championship belt pawh hi sumfai ₹10000 an ken teltir a ni.

He event hi open a nih angin India ram state 8 bakah ram dang 3 an rawn tel a ni. Mizoram aiawhin JSJ FitPro gym chuan MBAM leh kan thawhpui Mizoram State Mixed Martial Arts Association (MBAM) banner hnuaiah mi pathum a tir ve a, heng mite hian Mizoram police department an represent tel bawk. Mizoram police hminga khel te:

1.       Ngursaimawia Sailo, Luangmual (Civil) - Champion

2.       Lalruatdika, Luangmual (Civil) -Champion

3.       Ngurlianzuala sailo, lily Veng (3^rd Battalion MAP) – Third place.

Weight hniam ber Bantam weight -57kgs ah Ngursaimawia, Luangmual chuan a khel țha hle a, pre quarter leh quarter ah tumpui țha tak nen an inbei a, point in a chak ve ve a, a ke a inhliam deuh bawk. Semi final-ah chuan kum 2014 a MTI MuayThai national championship final-a a lo hneh tawh Telangana pa nen an inbitum leh a, an țha dun bawka a hmuhnawm hle. A hneh leh hram. Final ah chuan Tamil Nadu pa nen an intum a, main event a ni nghe nghe. A tumpuipa chal hmun thumah a kak a, hneh takin point-in a chak a, a champion ta a ni.

Lalruatdika, Luangmual chuan LightWeight -65kgs ah a khel ve a, quarter final a khelh zawhah semi final chu Iran pa nen an intum a, an inbei hnuhnawm hle a, a kut ruh a ti auh nghe nghe. Mahse point in a chak hram. Final chu Tamil Nadu nen tho an intum leh a, an game a close hle a, a chak zo dawn lo emaw tih laiin hnehna a chang ve leh a point in, a champion ve bawk.

Ngurlianzuala Sailo, Lily veng hi nikum lama -85kgs a lo champion tawh a ni a, tun kumah chuan a weight a sang a open weigt category ah a khel a ni.  MBAM instructor a ni bawk. Quarters pal tlangin semi fanal ah Iran pa nen an inbitum a, game close tak an khelh hnuah point in a chak zo ta lo va, pathumna a ni ta a ni.

He event ah hian MBAM technical director leh JSJ FitPro head coach, tuna Bangalore-a hna thawka awm mek Tv. Samuel Lalrozâma Hmar chu head referee a ni a, Thailand lam pawhin anmahni mi rawn intir lovin an ring a, Kevin Alfred nen an inchhawk. Final bouts phei chu aman a referee vek a ni. Vip leh chief guest lo kal MLA leh south indian film star te pawhin an fak hle a a che hmuhnawm an tih thu an sawi chamchi. Chutih rualin Mizo fighter te hian fak leh an fight in ennawm tih an hlawh a, hetiang fighter țha kan ramah an awm hi lawmawm an tih thu thlirtu mipui leh hruaituten an sawi a, organizer te chuan nakkum pro league leh Thailand a pro khel turah pawh beiseina sang tak an neih thu an sawi bawk. Chief organizer Hemanth Kumar chuan JSJ FitPro, JSJ neitu leh MBAM  president Dr. Joel Lalnghakliana Pautu, leh MISMA president R. Zosanglianate chungah lawm thu a sawi a, Mizoram police te entawntlak a tiin an chungah lawmthu a sawi bawk.

Tv. Samuela chuan Muay Thai, Muay Boran leh JiuJitsu hi MMA tana thil țangkai ber a nih vangin heng art pahnihte hi an promote tel zui zel tur thu a sawi a. Heng line pahniha kal duh bik an awm pawhin a hranpa hlaka India leh ram pawn thlenga sorkar puihna tel lo pawha kawn hawnsak a inhuam thu a sawi, JSJ FitPro leh MBAM kal tlangin.

JSJ FitPro gym hi MBAM headquarters gym a ni a, hetah hian kan fighter te hian instructor Deng Thanchhunga leh Ngurlianzuala te hnuaia an training hnuah Bangalore an rawn pan a, Samuela chuan reilote a lo guide leh hnuah ti hian an khel ta a ni. Anni rual hian tun thlaa Super Fight League-a MMA professional bout khel tur Lalvenhimi pawh a chhuk ve nghal Tv. Samuela hnena training tur hian.

Champion ram te:

1. Bantam weight: Mizoram, India

2. Light Weight: Mizoram, India

3. Welter Weight: Ivory Coast

4. Middle Weight:  Telangana, India

5. Light Heavy Weight: Tamil Nadu, India

6. Open Weight: Iran

Mizo: 1st National Muay Boran Championship 2015 ah Mizo che țha

  

 1st National Muay Boran Championship 2015 Chu Nov 7-8 khan Mysore, Karnataka-ah neih a ni a state 19 ațangin mi 250 chuang an tel. Chutah chuan Mizoram Muay Boran Association leh Mizoram Police department aiawha mi pahnih tel ve- Ngurlianzuala Sailo (3rd battalion MAP), Lily vêng leh David Chhangte (civil) te chuan hlawhtlinna an chang.

Ngura hian Super heavy weight (+93kgs)-ah a khel a, an weight a khel tur panga an awm laiin pahnih te chu technically unfit-a declare an nih angin an khel lo va. Ngura hi vanneihhlak takin a bye a, final-ah Kerala mi, thahrui ngah leh infit tak kg 100 nen an inbitum ta a,main event a ni nghe nghe a mipui mit an titlai hle. Second round-ah a hnehsawh em vangin a tumpuipa coach chuan tlawmna puangin towel a theh lut ta a ni. Davida hi kg 57 hnuai lamah a khel a, a che țha hle a, quarter leh semi final pal tlangin final chu Delhi mi nen an intum a; amaherawhchu, vanduaithlak takin a mitah hnek fuh a ni a referee-in a titawp ta a ni. He event ah hian tv. Samuel Lalrozâama Hmar chu chief referee leh jury a ni bawk. Ngura leh Davida te hi a student te an ni a. 

Tin, Samuela student, FitnessTime Bangalore ami pasarihin an khel bawk a, gold 4, silver 4 leh bronze 1 an la.  Mysore Mizo zirlai leh hruaitu pali- Ramnalalnghaka, Lallawmtluanga, Zodinpuia leh Mason ten an va țawiawm ve bawk.

 

FITNESSTIME FIGHT TEAM

Muay Boran hi Thailand ram martial arts hlun ber leh tunlaia kan hriat lar  Muay Thai rawn chhuahna a ni a. Muay Thai aiin technique a tam zawk bakah inpaihthluk (leg sweeps, double/single leg take downs, hip throw etc.) te phal a ni bawk a ,point a awm vek. Tin, indona-a hman tura duan a nih vangin mahni invenna tur atana țangkai tak tak leh hlauhawm site a hranpaa zir a ni; entirnan ruh tihtliah te.

World Muay Boran Federation hriatpuia din a ni a, chu WMBF chu Thailand rama Muay Thai/ Boran vawng himtu leh official grading petu ber Kru (zirtirtu) Muay Thai  Association  [KMA] hnuaia awm a ni. Hei hi Thailand Ministry of Culture hnuaiah a awm ve leh. KMA chauh hian khawvel pumah Muay Thai leh Muay Boran grading a pe thei. He event hi India rama vawi khatna a nih angin Grandmaster Kevin Loyd chu UK ațangin a rawn kal a, event chairman a ni nghal. Grandmaster (martial art dangah chuan 7th-10th dan ang) chin hi mi 25 chauh an awm a, chung zingah chuan Thai mi ni lo pahnih chauh an awm. Art dang anga in kaisantir ve mai mai a ni lo a va, pu Kevin-a pawh hian kum 40 hnuah chauh he title hi a dawn thu a sawi. 

He Event hma hian seminar ni nga chhung neih a ni bawk a, chutah chuan mi 11-in grading pe tlaka ngaih an ni a, pali chuan red mongkol (martial art dangah chuan black belt 1st dan) an pass a, chung zingah chuan Ngurlianzuala chu a tel ve. Samuel Lalrozama chu Grandmaster in a fak hle a, India ram tihmasawntu turah a ngaih thu a sawi bawk a, Red-Yellow mongkol (martial art dangah chuan black belt 3rd dan) a exam tir a, a pass bawk a ni. Thai țawngin technique 60 chu a indawta sawi chhuak paha a taka demonstrate zel turin a byheart tir a, exam-ah a entir a ni. India ramah KMA hnuaia official taka red mongkol thleng chin hi vawiin thlengin mi 10 chauh an la awm a, red yellow thleng chin hi mi 5 chauh an la awm a ni. Red yellow chin hian naupang grading an ti thei. India ramah grandmaster an la awm lo a ni. Press conference leh national news channel hmaah Grandmaster chuan Samuela leh Ngurate demoinstration a pektir.

 

NATIONAL NEWS (TV9)-AH SAMUELA LEH NGURA

NATIONAL PAPER-AH SAMUELA LEH NGURA

He event a tițhate hi nakkum world championship March-a awm turah thlan nghal an ni a. Chutah huan Ngurlianzuala Sailo leh David Chhangte bakah Samuela student vêk Ngursaimawia Sailo, Luangmual, 2015 pro-am national Muay Thai-a Mizoram leh Mizoram police dept hming vêka lo champion tawh chu thlan a ni ve bawk. MBAI president Prasenjit Singha chuan Nguralianzuala chungah beiseina sang tak a neih thu a sawi. Tv. Samuela pawh Grandmaster chuan world championship-a referee ni tlakah a puang a, India aiawha official (refere & judge) ni turin MBAI chuan a select nghal a, amah chauh hi official a ni dawn India atangin.

NGURA, SAMUELA & DAVID

Mizo: Zawhna Pahnih

Nimin chu Bangalore KȚP fellowship ka inkhawm ve hman hlauh mai a; chutah kan leader-in rin loh tak maiin mipui hmaah min kawm hlauh zui a, zawnhna țha tak tak 2min zawt a. A țha ka tiin țhalaite tan thil țangkai tak pawh a nih ka ring a, ka lo ngaihtuah chian ngai loh thil a ni. A ngaihtuah chhuah vangin a innovative ka ti a ka fak hle a ni. Ka hna lam leh ka hobby chungchangah a ni a:
1.Thlawhtheihna hi engtin nge a thlawh?
2. Mixed Martial Arts leh Pathian thu hi a kaih kawp theih em? Bible chuan biang lehlama bengtu chu lehlam dawh turin min hrilh bawk si a. Rawngbawl nan te a hman theih em?

Zawhna 1-na hi chu sawi zui vak lo ila.
--Thlawhna ti kângtu ber chu aerodynamic shape-a a thla hi design a nih vang a ni. Bernoulli's law hmanga duan a ni a, a thla chunga thli kal hi a hnuai aiin a chak zawk a, chu chuan a chung lamah pressure hniam zawk a siam a, a hnuai pressure sâng chuan a chawi kâng ta a ni. Tichuan chakna (force) pali awmte chu ti hian a in-balance a: a hnuai (weight) force hi a chung (lift) force-in a balance chiah a kâng thei turin; hma zawng (thrust) force hi a hnung lam (drag) force aiin a nasa a, chu chuan a ti kal ta a ni...

___________________
2-na:
1. A hmasa berin Martial Arts hi insualna a ni lo va, ramsa bak insual turah kan ngai lo. Art a nih angin artist angah kan inngai a, art chi hrang hrang zinga sâng berah kan dah ve tlat a. Tin, martial arts zingah chuan MMA hi sâng berah kan ngai bawk. Chu vang chuan, MMA zir leh zirtirtute hi moral value sang tak neiah kan indah ve a ni.

2. Tunlai chuan UFC lamah te leh keini India ram chhungah ngei pawh dàn anga ziaka neih chu a ni lo na a, Cage chhunga luh dawn leh khelh zawha chakte hian Pathian hming lamrik emaw Pathian chawimawi emaw hi kan phal tawh meuh lo a ni. Kan naute chu kan hrilh chiah lo na a, hotute chuan kan practice.
(A chhan chu, rin loh karah cage (inelna mual) hi Pathian thu puandarhna hmun țha ber a ni chho mek tlat a ni. Khawi lai inah emaw chuan naupangin, "Ka pa/ka u, i zir nasa a, kan țawngtai nasa bawk si a, chumikhami-a hi a va chak thei bik ve, an Pathian hi a țha/chak bik a ni lo maw? Pathian nung zawk a ni lo maw?" tih zawhna a thleng mek nitein a hriat a. Tu emaw ten advantage-ah an lo hmang a, an lo politicize mêk bawk niin kan hmu).

3. Chu vang chuan, MMA hi PAthian rawngbawlna kawng țha tak a ni teh meuh mai. A chhan dangte:
i. Tlawmna nun kan zir. Naupang chu mahni inhneh hmasa phawt turin kan ziritir. Hnek chawr pawha thinrim lova rilru fim taka awm a țulzia an nunah tuh kan tum.
ii. Dawhtheihna nun neih a ngai.
iii. Tumruhna leh taihmakna nun neih a ngai. Thawh hma, peih chin/  theih chin bak (nia inhriat hnuah pawh) a hmaa lawmman țha zawk awm vanga tih peih/tih luih hram hram zel nun neih kan zir/inzirtir.

Hengte hi Kristian nun pawha kan inzirtir a ni a, zirna leh hnathawh lamah pawh min pui thei a, ka nunah a taka ka hmuh a ni.

4. Orphanage leh naupang awm khawmna hmun kan tlawhin, "Tu nge insual țhin?" tih zawhna ka zawh chuan ban an phar suau a, insual thiam leh huaisen an ngaisang em em. Chutah tak chuan insual kan zirtir a, an thiam thil chu a țha zawnga hman tur a nih bakah Kristianna nun nen ken kawp leh Pathian thu sawi zuina hun min hawnsak a. Naupang zinga rawngbawl nan kawng țha tak a ni a, Bangalore leh Mizoram chhunga ka apply tawh a ni.

Mizo: TU NGE THIAM LO ZAWK?

THUNUN LOH KHAWVEL

Ka lehkhathawn i chhiar duh lo va, 
Phone-a rawn be lo tur chein min chah bawk a.
Amaherawhchu, thil pawimawh tak hrilh ngei duh che ka nei si, 
Chu vang chuan, hlathu-in ka hríl ta mai a ni.

Pathianin Honky-Tonk angelte hi a siam a ni tih ka lo hre ngai lo va,
Nupui țha i ni lo ang tih kha lo hriat tur a nia.
Nangmah hmangaihtu awm chhun i kalsan a, 
Thunun loh khawvel nunah i let leh ta si maw!

Zu leh sa nena hlimhlawp bawlna hmunah chuan 
Zàn thim thlemna hmêl mawi chuan a hîp che a.
Hmangaihna dik tak hlantu che phatsanin
Tu tâ mah ni bik lo va, hmangaihna sem zai turin i va țhu ta si a!

________________________________________
HONKY-TONK ANGELTE KHA PATHIAN SIAM AN NI LO

Zanina he thingrem zâi thei kianga țhut paha 
'Thunun loh Khawvel' nun tih hla ka ngaihthlak hian,
A hlathu i chhamte hi ka ngaihtuah a;
Nupui rinawm tak ka nih lai min ti hre chhuak a ni.

I hlaa i sawi ang hian Honky-Tonk angelte kha
Pathian siam an ni reng reng lo.
Vawi duai lo mipa nupui nei tawhte hian zawnglai emaw an inti leh fo țhin asin!
Chu chuan sual kawngah hmeichhe fel tam tak a hruai lut țhin a ni.

Hmeichhiate chauh dema kan awm țhin hi a zahthlakin a thinnatthlak ka va ti êm! 
Mipate chauh hi hetiang rilru pû leh tuartu in ni bik lo asin.
A tir phat ațang khan rilru nâ leh ințhenna thlenna zawng zawng chhan kha
A phena mipa dem tur an lo awm zêl zawk vang asin!
_________________________________________
(NOTE: HonkyTonk hi kum zabi 20-na vela USA-a bar țhenkhat, country music ngaihthlak theiha awma an siamnaho sawina a ni. Chuta țang chuan Honky Tonk music te a  lo chhuak chho zel a.  Angel fel leh sual an awm angin hetiang bar-a nawhchi zuarte chu Honky Tonk Angel tiin a rawn sawi ta a ni hla phuahtu hian.)
_______________________________________

HLA CHUNGCHÂNG
Wild side of life (“Thunun Loh Khawvel” tia ka leh) hla hi Hank Thompson-a sak làr,  kum 1952-a release a ni a, kâr 15 lai Billboard country chart-ah a lang a;  country music superstar a nih phah hial a ni.

"It Wasn't God Who Made Honky Tonk Angels" (“Honky-Tonk Angelte Kha Pathian Siam An Ni Lo” tia ka leh)  hla, Wild side of life thluk ang chiaha phuah hi hla hmasa chhàn nana kum 1952-a country song-writer J. D. "Jay" Miller-a phuah, Kitty Wells-I’n a record hmasak ber a ni. . Hei pawh hi a hit leh hle a, hmeichhe country hla saka  No. 1 Billboard country hit ni hmasa ber a ni. Wells-i hi hmeichhe country star hmasa ber a nih phah a, a hnu zela hmeichhe dang tan kawng a hawng nghal bawk. A  bikin Dolly Parton, Patsy Cline, Loretta Lynn leh Tammy Wynette-te. 
_____________________________________________
A CHAK LO ZAWK CHUNGAH HLEILENNA LANTIR LO HRAM ANG CHE, TLAWMNA HI CHAK ZAWKTE NUN PHUNG A NI… 

Sap/vai țawng ațanga Mizo țawnga leh a khât ta êm a, ka vei zâwng leh hla nalh tih a ni bawk a ka han ti leh zuai a ni. Theih ang tawka nalh turin ka han let chhin a, famkim lohna chu a tam ang. Hla phuah hunlai- hmanlai mai ni lo, tunlai thleng hian mipa leh hmeichhe inlaichinna kârah, inngaihzawn lâi leh a bikin inneih hnuah inhmuhthiam lohna a tam duh khawp mai. Siam țhat theih tam tak a awm a ni. Amaherawhchu, ka sawi duh zawk chu rinawm lohna leh mi dang kawp leh pâr tin làwr lam ni lovin, a tawpa lo inher chhuak hmingchhiatna zawk hi a ni. Thil tam tak vangin khawtlângah hmingchhiatna a lo awmin a hmeichhiate hi kan dem țhin a, mipate hi kan inzir a hun viau. Kei ni aia chak lo leh min do let thei lo tih hriat reng ran leh hmeichhiate hi thiam loh chantir kan tum reng ringawt kumkhua dawn em ni? Mipa  niha chak zâwk nih chuan a huna tlawm thiam hi a țul ve lo maw? Mi huaisen chuan a chhungkuaa hmeichhiate a chhan țhin a ni lo’m ni? Mizo hnam hi kan chhungkua a ni.

Mi dang chuauh kan puh reng mai chuan a hlim theih loh ang. Thingpui no, a dahna tur ni lo leia lo dahtu nge, hmu lova pal baw vektu chu kan thiam loh zawk dawn? Mahni hlimna pawh hi kan insiam tho a ni asin tihte hi ngaihtuah chiang leh ila.. A tua mah dem tur bik kan awm lo a nia, kan hmeichhiate hi kan dik lohnaah pawh kan puh hmingchhiat zawk zel chuan a țha dawn em ni? Khawtlang pawhin min țan mai thei, min han chhâng deuh se hmeichhe țawng thei leh zak thei lo nihte an chang leh țhin bawk si.  Tuar tura piang ang maiin an nung țhin a, an taksaah kan  awm ve loh vangin kan hre thiam lo mai a ni. Mite nuna hlimna thlentu i ni thei. Vawiinah hian sawmna ka siam duh a ni, kan hmeichhiate hi zah tak leh thunun chungin, chutiangin hmeichhiate pawhin mipate zahngai chungin nung ila, kan hnam hi kan va ropui lehzual dawn êm!!

United Arab Emirates - U.A.E zin report.

United Arab Emirates - U.A.E zin report.
(Mi țhenkhatin an beisei tlat sia...)

Tun hmain Arab ramah ka lo zin tawh a, an sawi Iran-ah ngei mai. Tun țum chu khawvela ram hausa berte zing ami UAE ka han tlawh leh a, infiamna thil vangin. Asia rama Mixed Martial Arts league lian ber ni chho mek- Super Fight League chuan USA lama kum khat chhung contract a sign vanign a insawn chhuak hrih a. An project pakhat, tun hmaa an lo siam tawh, India v/s Pakistan chu tihhlawhtlin ngei an duh vangin, a hmaa an lo ruahman lawk angin neutral country-ah siam ni se tih chu Dubai-ah tih tura nem ngheh a ni ta a. Heta khel turte hi uluk takin bout 7 khel tur thlan an ni a. Official pawh uluk takin India leh Pakistan ațanga thlan an ni, sorkar laipui hriatpui ve vein. India ramah chuan India rama pawl lian ber AIMMAA chu hma latu a ni a, official 8 thlan an ni a, Pakistan lam ațangin 5 an rawn kal ve bawk a. Kei chu judge pathum zînga pakhat tur ka ni a. Ram pahnih inkâr a nih vangin kan uluk zual hle a, Dubai sorkar hotute pawhin uluk takin ro min relpui a; ten sport channel-a chhuah tura tih a ni a.

Contract an lo neih lawk tawhna, Ramee four star hotel-ah chuan kan thleng a, double bedroom-ah mi pahnih theih  min awmtir a, a nuam angreng khawp mai. Motor pakhat min pe bawk a. Tih dan pangngai angin chawte chu buffet a ni a, chawhmeh chi hrang 30 velte a awm țhin a, chaw kan tih ber (buh leh paratha lam chi) chu ka ei ngai meuh lo a ni ber mai. Pawisa chu ka thleng ve lêm lo va, engkim min peksak vek vangin. Kan hotel bulah chuan hmeichhe pakhat Mizo ang deuh mai hi a rawn kal a, "I dam em?" ka lo tithla ve ringawt a, a ni lo a ni ngei ang, min kal pel ngawk ngawk a.

Ka cousin Zara hi hna thawkin a awm ve a, kan chhuah hma ni chuan kan inhmu hlauh a, lunch chu pawnah min eipui a, an khaw chanchin te min han hrilh a. An pawisa hi vawiin rate-a chhutin 1 AED = ₹ 17 vel a nia. Mihring tân pawh kawng kan hun a awm a, signal light te a awm a, a hun lova kawng kân chu AED 15 vel te chawi theihna a ni a, kawnga chil chhak chu AED 7 vel chawi theihna a ni bawk a ni awm e. Kan thianpa pakhat pawhin red light a awm laia a tlan vangin a motor an man a, AED 200 an chawitir a ni awm e. CCTV camera an dah vek a ni. Thlaler ațanga khawpui siam a nih vangin thuk tak lei hnuaiah cement concrete chhun phawt a ni țhin a, in tin chu inang lo veka sak an duh vangin a nalh hlawm hle.

Keimahni hmel ang hi an lo tam khawp mai a, ka han hriat chian chuan Filipino (Philippines) an lo ni hlawm a, an ram a retheih vangin an lo lut hum hum hi a lo nia. Anni bakah India leh Pakistan ațangin an tam hle. A khaw mite chu an hausak em vangin hna hnuaihnung an tih lei laih te leh labour hna leh thil dang te chu an ti duh lo va, heng mite hi an la lut ta hum hum a ni. Traffic police te pawh chu Hindi leh Urdu in an biak theih vek a, kan tan chuan a nuam phian. Kan driver pawh urdu in a biak theih a, Pakistan mi a lo ni a.

Chutah aviation lama ka țhiante Aircraft Maintenance Engineer ve thote chuan an motor-in min rawn hmu a, mi tu pawh mai chuan motor hi an lo nei a, motor te chu a nalh khawp a, khawvela motor changkang chu a awm kim vek ang an ti a; min chhuahpui a Sunil-a te chuan, Dubai National Air Travel Agency (DNATA)-a thawkte an nia. Thla 3-6 chhung hmun pakhat-a market an hawn tawp, khawvel ram hrang hrang thilte anmahni mi ngeiin an rawn zawrh, Dubai sorkarin a buatsaihsakah chuan min hruai a, a nuam phian. Ka țhiannu Emirates airlines-a thawk airhostess pawh terminal 3-ah ngei ka va hmu a, thing fian pahnih min present :D

A ni hma chuan weigh-in leh staredwon, inbukna vel kan nei a, mi lar tak tak, UK rama Punjabi pop star lo awm tawh te, Boxer lar Aamir Khan te leh tutu emaw an lar tih pawh ka lo hriat ve lohte an lo kal a. Khawvel in sâng ber Burj Khalifa bulah chuan party pahin kan nei a. A ni-ah chuan, Dubai sports center-ah a ni a, ka țhiante chu ticket man to ber dawttu 750 AED man chu ka pe a, an lo lut ve a, a to ber hi 1000 AED a nia. TenSports TV channel-in khawvel hmun hrang hranga en theih turin a live a ni. Judge nambar 2 ah ka țhu a, uluk a ngai duh hle a ni. Theih tawp chhuahin kan han ti ve a, kan hlawhtling takin kan ti zo thei ta hram a. India chu 6-1 inkan chak. Haw lamah Abu Dhabi te kan tlawh a, an ramah chuan Brazilian Jiu-Jitsu chu sikul zawng zawngah insawizawi nan leh self-defense tan an zirtir a compulsory-in. An khaw lal chuan țum khat BBC interview a neih țumin thlawhtheihna  a rawn thlawk a, a rik bengchhen vangin darkar hnih chhung chu lai hmun hnaiah chuan thlawhtheihna thlawk lo turin thupek a chhuah a ni awm e. Lal leh khawp mai.

A KHAW CHANCHIN:

Kum 1971, December thla-a din, he ram hi ram bung sarih inzawm khawmina an siam a ni a, ram tin te hi lal pakhat, thuneihna pumhlum neiin a awp a, chung mite pasarih chuan Supreme Council an siam a ni. An zinga pakhat chu president-ah an thlang. An ram sakhua chu Islam a ni a, an țawng hman chu Arabic a ni.  Ram pasarih inzawm khawmte chu  Abu Dhabi (capital), Ajman, Dubai, Fujairah, Ras al-Khaimah, Sharjah, leh  Umm al-Quwain te a ni.  Dubai hi mipui tamna ber a ni a, khawvelah international sumdawnna leh inkalpawhna hmunpui berah a chang chhho mêk a ni.

UAE oil neih hi khawvela lian ber palina a ni a, natural gas reserve a neih hi khawvela sawm leh pasarihna a ni bawk. Hriat theih chinah mihring cheng hmasa berte chu BCE 5500 kum kha a ni a; amaherawhcu, hmanrua hmuh chhuahte ațanga chhui let a carbon dating te tih chuan UAE thlang lam kamahte hian kum BCE 130,000 khan an lo cheng tawh nia chhut a ni. Dubai aiport hi kum 2014 khan khawvela lùn (busy) ber nia chhut a ni. An chaw tlangpui chu buhfai, sangha leh sa te a ni.

Hengte hi sum sèn dan tlangpui a ni:
1. Mi pahnih tan Restaurant pangngai ve takah : 100 AED – 200 AED
2. Bawnghnute (tui pawlh loh liter 1): 5 AED -  6 AED
3. Buhfai (vâr kg 1): 5 AED -  10 AED
4. In luah man (Apartment  bedroom 1), khaw chhûngah: 3,600 AED -  8,000 AED
_________________

TLUANG TAKIN KAN HAW:
Haw lamah chuan Immigration-ah Indian passport ka hmuh chuan, officer chuan Filipino i va ang ve, a tia, Indian ngei ka ni e, ka tih chuan Hindi-in khawnge i kal dawn, a ti a, Hindi thovin Mumbai tia ka chhan chuan a nui ringawt a :)

Infiamna vanga khawvel hmuh zauna hun min petu Pathian chu fakin awm rawh se....

[ Lalzar Zova​ Photography]